ویکی‌پدیا:یوْخلانیلابیلرلیک
یوْخلانیلابیلرلیک مقاله‌ده اوْلان معلوماتی بیرباشا تصدیقله‌ین منبع‌لرین اوْخوجو طرفیندن یوْخلانیلماسی‌نین مۆمکۆن اوْلماسیدیر. منبع‌نین یوْخلانما مۆمکۆنلویو، یوْخلانیلابیلرلیک نئیترال مؤوقع و اوْریجینال تدقیقاتا یئر وئرمه‌مک ایله بیرلیکده ویکی‌پئدیانین 3 اساس قایداسیدان بیرینی تشکیل ائدیر. بۇ قایدالار ویکی‌پئدیادا یارادیلان مقاله‌لر اۆچون کیفیت و کاراکتر طلبینی داشیییر. مقاله مۆلیفلرینه تؤوصیه اوْلونور کی، بۇ قایدالار ایله تام تانیش اوْلسونلار و اوْنلاری ایش پرینسیپی کیمی تطبیق ائتسینلر.
ویکی‌پئدیادا اوْلان بۆتون معلوماتلار مۆطلق یوْخلانیلابیلن اوْلمالیدیر. ویکی‌پئدیایا معلوماتین علاوه ائدیلمه‌سی اۆچون اساس بۇ معلوماتین حقیقت اوْلماسی یوْخ، اوْنون یوْخلانیلابیلن اوْلماسیدیر. مقاله‌ده‌کی شۆبهه دوْغوران و یا گله‌جکده شۆبهه دوْغوردا بیله‌جک معلوماتلار اۆچون مقاله مۆلیفلری اعتیبارلی منبع‌لر گؤسترمه‌لیدیرلر، عکس حالدا همین یازیلار سیلینه بیلر. مقاله‌لر همچینین مۆلیفلیک حۆقوقلاری‌نین طلبلرینه جاواب وئرمه‌لیدیر.
ثبوت یۆکو معلوماتی داخیل و یا رئداکته ائدن مۆلیفین اۆزرینه دۆشور. اعتیبارلی منبعی اوْلمایان معلوماتلار سیلینه بیلر، آنجاق بۇنون نه قدر گئج-تئز ائدیلمه‌سی شرایطدن آسیلی اوْلمالیدیر، یاخشی اوْلار کی، {{قایناق‌گؤستر}} شابلوْنو قوْیولاراق ایستیفاده‌چیلره منبع گؤسترمه‌لری اۆچون ایمکان وئریلسین. مۆلیف معلوماتین سیلینمه‌مه‌سی اۆچون منبع گؤسترمه‌یه بوْرجلودور. معلوماتلار اینسانلارین شخصیتینه خلل گتیره بیلر، وفات ائتمه‌میش شخصلر حاقیندا منبع‌سیز معلومات درحال سیلینمه‌لیدیر.
آذربایجان تۆرکجه‌سی خاریجینده‌کی دیللرده يازیلمیش قايناقلار
[دَییشدیر]ویکی‌پدیا آذربایجان تۆرکجه‌سینده اوْلدوغو اۆچون، اوْخوجولاریمیزا راحاتلیق تامین مقصدیيله آزربایجان تۆرکجه‌سی قايناقلار مۆمکون اوْلان هر يئرده گؤستریلمه‌لیدیر. آیری دیللردن گؤتورولن قایناقلاردا نئچه نوکته‌یه توجه ائدیلمه‌لیدیر:
- قايناقلاردا بیرباشا گؤتورمه ائدیلیرسه، ترجومه‌ده ایستیفاده‌چیلر طرفیندن ائدیلن ترجومه‌لره اۆستونلوک وئریلیر.
- اێندی، بیر مقاله‌ده گؤتورمه ائدرکن اؤز آذربایجان تۆرکجه‌سی ترجومه‌لرینی گؤسترمکله برابر اوْخوجولارین اوْریژینال قايناقدا يازیلانلاری و ترجومه‌لر دوْغرولوغونو نظارت ائده بیلمه‌لری اۆچون اوْریژینال دیلده‌کی قايناغی آچیق بیر شکیلده گؤسترمه‌لیدیر.
 | بۇ صفحه ویکی‌پدیا سیاستلریندن بیری ساییلیر. بۇ سیاست چوخلو ایشلدنلر طرفیندن قبول اوْلونماقدادیر و بۆتون ایشلدنلر اونو رعایت ائتمه‌لیدیر. بۇ سیاستلرده هر دییشیک‌لیک اۆچون اؤنجه اوْنون اۆستونده ایجماع اوْلمالیدیر. |