آشیق حسین اوزانلی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

آشیق حسین اوزانلی ـ اورمیهلی آشیقدیر.

تانیتما

آشيق حسين اوزانلي آدي ايله مشهور اولان، حسين محمد اوغلو سلطاني ،۱۳۰۵-جي گونش ايلينده اوزان مليک کندينده دونيايا گؤز آچدي. آشيق حسين اورمونون علوي تورکلريندن­ايدي. بو دیرلي آشيق اوشاق ايکن آناسيني ايتيره­رک، يتيم قالميشدير. اونون سازا- سؤزه علاقه­سي يئني يئتمه دؤورلريندن باشلايب، تقريباً ۲۰ ياشي اولدوغو بير واختدا آشيقليغا مشغول اولور. مۆختلیف کندلره و شهرلره تويلارا گئدير. آشيق حسين جوانليقدا اورمويا کؤچور و بير آز مدتده قوشاچايدا ياشايير. اونون بير قيزي، بير اوغلو واردير. آشيق حسينين اؤزونه مخصوص سبکي اولاراق، سازي، بو بيري آشيقلاردان بير آز فرقلي چاليرميش. آشيق حسينين اوخوماغي و صحبتلرده دئييشيده، اؤزونه مخصوص ايدي. شيرين ديلي و خوش لهجه­سي ايله داستانلاري اوستاجاسينا ايفا ائديردي. اونون قوپوزو دا فرقلي ايميش. بيلديگيميزه گؤره اورمو آشيق مکتبينده قوپوزون تئللري ۷ و تبريز-قره­داغ آشيق مکتبينده ۸ اولور، آما آشيق حسينين قوپوزو ۹ تئللي ايميش. او اورمو آشيق هاوالاريندان علاوه، تورکيه هاوالاري و موغاملاري دا بعضاً سازدا ايفا ائديرميش. بير سيرا آشيق هاوالاريميز وار، چتين و آغير هاوا حساب اولورلار و هر آشيق اونلاري چالماق ايسته­مز آما آشيق حسين بو هاوالاري لاپ اوستاجاسينا ايفا ائديب عهده­سيندن گلميشدي. بونلاردان مسلمان کشؤوروسو، شاغي، دول هجراني کيمي هاوالارين آدلاريني چکمک اولار. اليميزه چاتان کاسئتلر ده بو سؤزو آيدين و آشکار بللنديرير. آشيق حسين ۱۳۶۹/۱۰/۲تاريخينده دونياسيني دگيشير. آشيق حسين منزوي بيريسي اولاراق، عؤمرونون سون ايللرينده کندلرينده و اؤز ائوينده يالقيز ياشادي. اوزان کندينين جماعتي ده اونا چوخ دیر وئرمه­ديلر و دئمک اولار ائله بونا گؤره ده هنر دونياسيندان آيريلاراق، يالقيز و منزوي بير انسانا چئوريلدي.

قایناقلار