آغدابان فاجیعه‌سی
| آغدابان فاجیعه‌سی | |
|---|---|
| یئر |  کلبجر رایونو |
| تاریخ | ۱۹۹۲-جی ایل آوریل آیی‌نین ۸-ده |
| تلفات | ۶۷ نفر قتله یئتیریلمیش |
| مرتکب‌لر |  ارمنیستان سیلاحلی گوجلری |
آغدابان فاجیعه‌سی — ۱۹۹۲-جی ایل آوریل آیی‌نین ۸-ده ائرمنی‌لرین آذربایجان جومهوریتی تورپاقلاریندا تؤرتدیگی حادثه.
سوی‌قیریمین نتیجه‌سی[دَییشدیر]
کلبجر رایونونون ۱۳۰ ائود‌ن عیبارت آغدابان کندی تامامیله ائرمنی قوه‌لری طرفیندن یاندیریلمیش، کندین ۷۷۹ نفر ساکینینه ایشکنجه‌لر وئریلمیشدیر. ۶۷ نفر قتله یئتیریلمیش، ۸ نفر ۹۰-۱۰۰ یاشلی قوجا، ۲ نفر آزیاشلی اوشاق، ۷ نفر قادین دیری-دیری اوددا یاندیریلمیش، ۲ نفر ایتکین دوشموش، ۱۲ نفره آغیر بدن خسارتی یئتیریلمیشدیر.
سوی‌قیریمین تاریخی[دَییشدیر]
۱۹۹۲-جی ایل آوریل آیی‌نین ۸- ده سحره یاخین ائرمنی‌یلر آغدابان یالینداکی گؤزتچی منطقه‌سینه قالخیب، بورادا کئشیک چکن ۳ نفری قتله یئتیردیلر. اونلار کندین اوست یانینداکی بند-بره‌لره دولوب سحر ساعت ۶-دا سلاحلارلا نریلتی قوپارماغا باشلادیلار. غفیل یوخودان قالخان کند جاماعاتی چاش–باش قالدی.
ائرمنی‌لر پلانلی صورتده حرکت ائدیردیلر. ائولری کیملر غارت ائد‌ه‌جک، مال-قارانی کیملر آپاراجاق، الی‌یالین اینسانلاری کیملر اسیر گؤتوره‌جک، مقاومت گؤستره‌نلری کیملر قتله یئتیره‌جک اوّلجه‌دن موعیّن‌لشدیریلمیشدی. همین آداملار دا هوجوم ائد‌ه‌جک دؤیوشچولرین آراسیندا ایمیش.
بئله بیر وضعیت‌ده ۱۹۹۲-جی ایل آوریل آیی‌نین ۸-ده آغدره رایونونون جاپار کندی ایستیقامتیندن دده شمشیرین کندی چای‌قوووشان و آغدابان کندلرینه ائرمنی‌لر هوجوم ائتدی. ائرمنی‌لر طرفیندن ۳۹ آدام اؤلدورولدو، کند ائولری‌نین اکثریتی یاندیریلدی و غارت ائدیلدی. آشیق شمشیرین ائوی و زنگین آرشیوی اود وورولوب یاندیریلدی.
آغدابان قیرغینی‌نین سحریسی-آوریل آیی‌نین ۹-دا جاماعات هر یئردن رایون مرکزینه توپلاشدی. "کلبجرین مدافعه‌سینه فؤوق‌العاده یاردیم کومیته‌سی" یارادیلدی. اهالی‌نین قطعی طلبی ایله بو کومیته‌یه رهبرلیک ائتمک بو سطرلری یازانا تاپشیریلدی. کومیته قیسا مودّت عرضینده بؤیوک تدبیرلر حیاتا کئچیردی. اوردویا کؤمک خئیلی آرتیریلدی. اهالی‌ده مدافیعه اولوناجاغینا اومید یاراندی. رایون اهالیسینین جیدی تأکیدی ایله کلبجره گؤندریلن پولکوونیک/ایندی ژنرال زائور رضایئو بریقادا کوماندیری و حربی کومِندانت تعیین ائدیلدی.
کند اهالیسینین بیر حیصه‌سی زوراکیلیقدان قاچیب قوتارماق ایستیرکن اوّلجه‌دن دوزلدیلمیش پوسقولاردا قتله یئتریلمیشدیر.
بیرده‌باخ[دَییشدیر]
آذربایجانلی‌لارا قارشی تؤردیلن سویقیریم‌لارین لیستی