آق سونقور الحاجب
| آق سونقور الحاجب | |||||
|---|---|---|---|---|---|
| حلب شاهی | |||||
 آق سونقور ملیکشاهین یانیندا (ساغ طرفده) | |||||
| سوْنراکی | عماد الدین زنگی | ||||
| اولوم | حلب | ||||
| |||||
| سولاله | زنگیلر دؤولتی، حلب افشارلاری | ||||
آق سونقور الحاجب (آنادولو تورکجه‌سی: Aksunqur el hacib) عماد الدین زنگی‌نین آتاسی، زنگیلر دؤولتینین شاهی، سلجوقلو ایمپیراتورلوغونون اوردو باشچیسی و ملکشاه زامانیندا حلب‌ین حاکیمیدیر.[۱]
حیاتی[دَییشدیر]
آق سونقور اوغوز تورکلرینین افشار ائلیندن آل‌تورکان بَیئین اوغلودور.[۲][۳] آق سونقور، ملکشاه بویوک سلجوقلو دؤولتینین شاهی اولاندان سونرا ۱۰۸۶-جی میلادی ایلدن حلب‌ین حاکیم‌لیغینه یئتیشدی آما چوخ زامان چکمدیر کی سلجوقلو دؤولتیندن مستقل حاکیم‌لیغه چاتدی و سوریه‌‌نین بویوک بیر بخشینه حاکیم اولدو.[۴]
ملکشاه‌ین اؤلوموندن سونرا اوغوللاری بیرینجی محمود سلجوقی‌ایله برکیارق سلجوقی و اونلارین عمیسی اولان توتوش آراسیندا شاهلیق اوچون بیر دویوش باشلاندی. بو آرادا حلب حاکیمی اولان آق سونقور سولطان برکیارقین طرفین توتدو و توتوش‌لا دوشمن اولدو. شام حاکیمی اولان توتوش ۱۰۹۴-جی میلادی ایلده آق سونقورا حمله ائتمک اوچون حلب شهرینی محاصره ائتدی آما سولطان برکیارق موصول حاکیمینه دستور وئردی آق سونقورا دستک وئرسین توتوش دا موصول حاکیمی دستک ورینجه حلبی آلانمادی آق سونقورا دستک یئیتیشندن سونرا آق سونقور‌ایله شاهلیق ادعاسی اولان توتوش آراسیندا "تل السلطان دویوشو" باش وئردی. بو دویوشده آق سونقور اوتوزوب و اسیر توتولدو توتوش آق سونقورو خیانته محکوم ائتدی و ۱۰۹۴-جی میلادی ایلین ۲۶ می آییندا دویوش میدانیندا بوینون ووردو.[۵][۶]
تاریخ‌چیلر باخیشیندا[دَییشدیر]
ابن اثیر اونون حاققیندا دئیر: آق سونقور خالقین ایشلرینی حل ائتمک‌ده و اونلاری قوروماقدا اَن یاخشی حاکیم‌ایدیر اونون زامانیندا اینسانلار تام امنیت، عدالت و ریفاها صاحیب‌ایدیلر.[۷]
ابن کثیر اونو اَن یاخشی و سخاوتلی حاکیم‌لردن ساییردی کی اوزونله امنیت و عدالت گتیرمیشدی و تیجارتین رونق تاپماسینا باعیث اولموشدو.[۸]
ابن قلانسی دمشق تاریخی کیتاب‌یندا اونون حاققیندا دئیر:《آق سونقور عدالت یایدی و یوللارین امنیتین تامین ائتدی، خالقیلا عدالتینن رفتار و جینایتکارلاری موحاکیمه ائتدی بو ایشلر اونون یاخشی حاکیم مشهور اولماسینا و تیجارتین رونق تاپماسینا باعیث اولدو》.[۹]
قایناقلار[دَییشدیر]
- ^ http://yazikiliteratura.narod.ru/lin75.htm
- ^ Shaker, Mustafa. دخول الترك الغز إلى الشام Entering of Turks to Sham. pp. 307، 314، 315.
- ^ Siyamək Hüseyin Alizade, "Afşarların Tarixi, Coğraiyaları ve Şiveleri Hakkında"
- ^ https://tr.unionpedia.org/Aksungur_el-Hacib
- ^ https://www.britannica.com/biography/Zangi-Iraqi-ruler
- ^ https://www.britannica.com/topic/Zangid-dynasty
- ^ ابن الأثير: الكامل في التاريخ 8/495.
- ^ ابن كثير: البداية والنهاية 12/147.
- ^ ابن القلانسي: ذيل تاريخ دمشق ص196.