آکادمی
آکادمی (یونانجا: Ἀκαδημία)، ان گئنیش تانیمی ایله عالی مکتب قورومو آنلامینا گلیر. گۆنوموزده علم، ادبیات و اینجه‌صنعت قوْنولاری‌نی تارتیشماق اۆچون بیر آرایا گلن اۆیه‌لرین تشکیل وئردیگی قۇروملارا دا آکادمی دئییلیر.[۱]
تاریخی[دَییشدیر]
آکادمی آدی، آتن یاخینلارینداکی آکادمیا آدلی بیر زیتون باغیندان گلیر. بۇ زیتون باغیندا اسکی یونان فیلسوف افلاطون، ریاضیات، طبیعت علملری و ایداری سیستم کیمی موختلیف مؤوضوعلاردا اؤیرنجیلرینه درس وئریردی. افلاطونون م.ق ۴. یوز ایلده درس وئردیگی بۇ اوْخول، تاریخده کی ایلک آکادمی اوْلاراق قبول ائدیلیر.[۲]
افلاطونون آکادمی عنعنه‌سی، اوْنون اؤلوموندن سوْنرا اؤیرنجیلری و فلسفه‌سی‌نی منیمسه‌ینلر سوردوردولر. آکادمی‌یه داوام ائدن اؤگرتمن و اؤیرنجیلرین ان چوْخ ایلگی گؤستردیکلری قوْنولار علم، اینجه‌صنعت، ادبیات و موزیک ایدی. ۵۲۹ ایلینده، بیزانس ایمپیراتورو بیرینجی ژوستینین، آکادمی‌نین چالیشمالارینا سوْن وئردی.[۳]