ابوالحسن خان اقبال‌آذر
ابوالحسن خان اقبال‌آذر | |
|---|---|
 | |
| عومومی معلوماتلار | |
| باشقا آدلار | اقبال السلطان |
| دوْغوم | ۳ نوْوامبر ۱۸۶۳ قزوین، ممالک محروسه ایران (قاجار شاهلیغی) .svg){kind=small} |
| اؤلوم | ۲۲ فوریه ۱۹۷۱ (۱۰۸ یاش) تبریز، ایرانین شاهلیق دؤولتی (پهلوی شاهلیغی)  |
| ژانرلار | موغام |
| پئشه(لر) | مۆغنی |
| علاقه‌لر | سئیید شوشینسکی، غلامحسین بیگجه‌خانی |
ابوالحسن خان موساخان اوْغلو اقبال‌آذر (۱۸۶۳، قزوین - ۱۹۷۱، تبریز) — تۆرک اوْخویان (مۆغنی)، تبریز شهرینین بلدیه باشچی‌سی (شهرداری).
یاشاییشی
[دَییشدیر]ابوالحسن خان اقبال‌آذر ۱۸۶۳-جی ایلده قزوین ویلایتی‌نین الوند کندینده آنادان اوْلموشدور.
تبریزده یاشایان ابوالحسن خان، گنج یاشلاریندان یئته‌نکلی (ایستعدادلی) و موغامی دریندن بیلن صنعتکار کیمی تانینمیشدیر. موسیقی تحصیلی‌نی اوستادی حاج موْللا عبدالکریم جناب قزوینی‌دن اؤیرنمیشدیر. اوْخوماق صنعتینی تعزیه (آغیت) اوْخوماقلا باشلادی. ابوالحسن خان ۱۸۹۸-جی ایلده بلدیه‌ده ایشله‌مک اۆچۆن قزوین‌دن تبریزه کوچموشدور.
۱۹۰۵-۱۹۱۱ ایللرینده ایران مشروطه اینقیلابینا قوْشولموش و ستارخان اونا «اقبال‌آذر» آدینی وئرمیشدیر. ابولحسن خانین ایفاسیندا «شور»، «چاهارگاه»، «ماهور»، «ابو عطا» و اؤزللیک‌له «سگاه» موغاملاری یوکسک دویغوسال طرزینده سسلنمیشدیر.خانین اؤزۆنه اؤزل طرزده ایفا ائتدیگی «سگاه» موغامی ایراندا «ابوالحسن خان سگاهی» آدی ایله شؤهرت قازانمیشدیر.
ابوالحسن خانین سسی ۱۹۱۴-جۆ ایلده تیفلیس‌ده «Qrammofon» شیرکتی طرفیندن والا یازیلمیش و خانین بو شهرده کوْنسرت‌لری اوْلموشدور. سئیید شوشینسکی ابوالحسن خان ایله یاخیندان دوستلوق ائتمیش، اونون یارادیجیلیغیندان چوخ یارارلانمیشدیر. ابوالحسن خان واللاریندان بیرینده «هومایون» موغامینی اوْخویاراق اۆزرینده اوْنو سئیید شوشینسکی‌یه حصر ائتدیگینی یازدیرمیشدی.
اقبال آذر دؤرد دفعه ائولنمیش و غلامحسین، نواب، اکرم، عفت و نصرت آدیندا ۵ اوشاغی اوْلموشدور.
ابوالحسن خان اقبال‌آذر ۱۹۷۱-جی ایل قاراجییَر خسته‌لیگی ندنی ایله اؤز ائوینده تبریزین اهراب محله‌سینده دونیادان گئتمیش و تبریزین وادی رحمت قبریستانیندا تورپاغا تاپشیریلمیشدیر.
قایناق
[دَییشدیر]- آذربایجان تۆرکجه‌سی لاتین ویکی‌پدیاسی‌نین ایشلدنلری طرفیندن یارانمیش«Əbülhəsən xan İqbali Azər»، مقاله‌سیندن گؤتورولوبدور. (۷ شهریور ۱۳۹۷ تاریخینده یوْخلانیلیبدیر).
- فارسی ویکی‌پدیاسی‌نین ایشلدنلری طرفیندن یارانمیش«ابوالحسن اقبال‌آذر»، مقاله‌سیندن گؤتورولوبدور. (۷ شهریور ۱۳۹۷ تاریخینده یوْخلانیلیبدیر).