اسماعیل حیدری
| اسماعیل حیدری | |
|---|---|
| آد | اسماعیل حیدری |
| قیسا بیلگی | کوْمدین |
| دوْغوم تاریخ | ۱۳۲۸-(۱۹۴۹) ماراغا |
| اؤلوم تاریخ | ۲ دی ۱۳۹۶ ۲۳ دسامبر ۲۰۱۷ (۶۸ یاش) کرج |
| اؤلوم سببی | قند نوْخوشلوغو |
| میللیت |  ایران |
اسماعیل حیدری مراغه‌ای (دوْغوم: ۱۳۲۸ ماراغا - اؤلوم: ۲۳ دسامبر ۲۰۱۷ (۶۸ یاش) - کرج) آذربایجانلی استنداپ کوْمدین دیر. اوْنون ایجرالاری‌نین چوْخو آذربایجان تۆرکجه‌سینده دیر. ۱۳۹۶ ایلینده قند نوْخوشلوغونا گؤره دۆنیادان گئتدی.[۱][۲]
مراغانین خواجه نصیر اوخولوندا درس اوخوماغا باشلایان اسماعیل حیدری، دوققوزونجو کیلاس دا، سئوگی و عشق ماجرالارینا گؤره درسی بوراخیب ارتشه گیردی. آناسینین ریضایتی اولمادیغی اۆچون ده ارتش دن چیخیب، یول ایداره‌سینده ایستیخدام اولدو.[قایناق گؤسترین] آتمیش و یئتمیشینجی ایللرده، ائولرده اولان قوناقلیق‌لارا دعوت اولوب واونون کاست ناوارلاری و ویدئولاری میلت آراسیندا الدن اله اولوب.
هوشو و ژیلی، مشهد، باغ وحش، قوسما داواسی، اوتو میخون دیبینده، اینه‌نن خال دؤومک، دور بزن، نائب، کاسیب و دؤلتلی‌نین یاس تؤره‌نی، کارمند شعری و باشقا ایفالار، اوستادین ان سئویملی ایفالاریندا اولدولار. بو آرادا "مشهد خاطیره‌سی" هر ایفادان چوخ میلت آراسیندا یئر آلدی. کند و کندلی لرین مشهده گئتمک ماجرالارینا طنز قاتیب و سرگیله‌ین اسماعیل حیدری، آرتیق تبریز دئییل، بوتون آذربایجان دا تانیندی.
۱۳۹۴ جی ایل ده اسماعیل حیدرینین اؤلوم خبری مدیالاردا یاییلدی و آرتیق بیر ویدئو دانیشیقیندا بو خبرین یالان اولدوغونو سؤیله دی آنجاق خسته‌لیگینین شیددتلی اولدوغوندا بیلدیردی.[۳][۴] او تاریخدن بو یانا اوستادین قند خسته‌لیگی نَدنی ایله، ایفالاری آزالیب، کامرا اؤنونه چیخیش ائتمه‌دی. قند خسته‌لیگی نَدنی‌نه گؤره ایکی آیاغین دا کَسمگه مجبور قالدی و آرتیق ۱۳۹۶ جی ایلین دی آیینین ایکی سینده دونیانی ترک ائتدی.
قایناقلار
- ^ تسنیم نیوز
- ^ archive copy. آرشیولنیب اصلی نۆسخه‌دن on 2017-12-27. یوْخلانیلیب2017-12-27.
- ^ پارسینه (۲۲ آبان ۱۳۹۴). اسماعیل حیدری درگذشت. یوخلانیلیب ۲۲ آوریل ۲۰۱۶.
- ^ تبریز من (۲۲ آبان ۱۳۹۴). شایعات را باور نکنید؛ اسماعیل حیدری خبر فوتش را تکذیب کرد. یوخلانیلیب ۲۲ آوریل ۲۰۱۶.