اوبونتو

ویکی‌پدیا، آچیق بیلیک‌لیک‌دن
Ubuntu logo.svg
Ubuntu Masaüstü.png
اوبونتو میز-اوستو
وب صحیفه‌سی: www.ubuntu.com
شیرکت/گلیشتیریجی: کنونیکال ال‌تی‌دی / اوبونتو وقفی
عائیله‌سی: یونیکس-کیمی (دبیان جی‌ان‌یو/لینوکس)
قایناق مودلی: آزاد یازیلیم / آچیق قایناق
سون ثبات‌لی نوسخه: 12.10 Quantal Quetzal / ۱۸ اوکتوبر ۲۰۱۲
دستک‌له‌دیگی دیل(لر): چوخ‌دیل‌لی (۵۵-دن چوخ)
گونجل‌له‌مک یولو: APT (آرا-اوزو ده وار)
پاکت ایداره‌چیسی: dpkg
چکیردک نؤوعو: بیرپارچا (لینوکس)
دیفالت ایستیفاده‌چی آرا-اوزو: گنوم اوستونه یونیتی قابیغی
لیسانس: گنو جی‌پی‌ال و آیری آزاد لیسانسلار

اوبونتو، لینوکس اساسلی آزاد و پولسوز بیر ایشلتیم سیستمی‌دیر. اوبونتونون هدفی، بیلگی‌سایار ایستیفاده‌چیلرینه ایستیفاده‌نی و قورولومو اولدوقجا راحات، گونجل و تهلوکه‌سیز بیر ایشلتیم سیستمی اولماق‌دیر. اوبونتو، ۲۰ میلیون [۱] ایستیفاده‌چیسی ایله دونیانین ان یایقین میز-اوستو لینوکس داغیتیمی‌دیر.

اوبونتو، هرکسین آزادجا ایستیفاده ائدیله بیلدیگی؛یایماق‌دا، کوپی ائتمک‌ده و کودلارینی دَییشدیریب گلیشتیره بیلمک‌ده آزاد اولدوغو یازیلیملاردان دوزلیر. بونلارین چوخو گنو گنل عمومی لیسانسی ایله آلتینا آلینمیش، آزاد یازیلیم / آچیق قایناق یازیلیملاردیر.

اوبونتو گونئی آفریقالی مارک شاتلوورسا عاید کنونیکال ال‌تی‌دینین ایسپونسورلوغوندا گلیشتیریلمک‌ده‌دیر. کنونیکال، اوبونتونو بوتون ایستیفاده‌چیلره تماماً پولسوز وئریلیر و بوتون دستک ایسته‌ین قورولوشلارا پول ایله دستک وئرمک‌له خرجلری تأمین ائدیر. کنونیکال اوبونتونو آچیق قایناق کودلو و آزاد یازیلیم اولاراق وئرمگی اوچون، دونیادا بو ایشلتیم سیستمینی ایشدن و گلیشتیرن گؤنول‌لو ایستیفاده‌چیلری سایه‌سینده، بوتون بیر ایشلتیم سیستمینی تک باشینا گلیشتیرمک زوروندا قالماز. بوتون لینوکس چالیشانلارین ائتدیگی گلیشتیرمه‌لر، اوبونتویا دا گلیشتیریلیر.

اوبونتو، کنونیکال ال‌تی‌دی و مایک شاتلوورس طرفیندن اسپونسور اولماق‌دادیر. مارک شاتلوورس، 8 جولای ۲۰۰۵-ده، اوبونتونون اوزون مودت‌ده گله‌جگی‌نین قورونماسی و گلیشیمی‌نین داوامی اولماسی اوچون اوبونتو وقفینی قورموش‌دور و باشلاییش پولو اولاراق ۱۰ میلیون دولارلیق بیر باغیشی ائتمیش‌دیر.[۲][۳]

اوبونتونون آلتی آی‌دا بیر یئنی نوسخه‌سی چیخماق‌دادیر. کنونیکال، ایکی ایل‌ده بیر LTS (اوزون مودت‌لی دستک، Long Term Support) نوسخه‌لرینه، هم میز-اوستو اوچون هم ده سِروِر اوچون ۵ ایل بویونجا گونجل‌له‌مه دستگی وئرمک‌ده‌دیر. آرا نوسخه‌لر اوچون ایسه ۱۸ آی بویونجا تهلوکه‌سیزلیک یامالاری، گلیشتیرمه‌لری و یازیلیم گونجل‌لشتیرمه‌لری دستگی وئرمک‌ده‌دیر.

کنونیکالین اوبونتودان سوْنرا بو پروژه‌لری ده وار: اوبونتو سرور، اوبونتو تی‌وی، اوبونتو فون، کوبونتو, ادوبونتو زوبونتو, اوبونتو ایستودیو و میثبونتو.[۴][۵]

اوبونتو سؤزجوگو زولو دیلین‌ده "اینسان‌لیق" دئمک‌دیر، عینی زامان‌دا "آیریلارینا قارشی مرحمت‌لی، شفقت‌لی، یاخشی‌لیق‌سئور" اولماق کیمی اینسانی دَیَرلرین اساس آلیندیغی بیر دونیا گؤروشودور. بونا گؤره اوبونتو, اینسان‌لیق اوچون لینوکس (Linux For Human Beings) شوعارینی ایشلدیر.

تاریخچه[دَییشدیر]

اوبونتو پروژه‌سی‌نین قوروجوسو مارک شاتلوورس

اوبونتو ایلک‌جه، ۲۰ نووامبر ۲۰۰۴ تاریخین‌ده یایینلانمیش‌دیر. او زامان‌دان بری هر ۶ آی‌دا بیر یئنی نوسخه یاییم‌لانماق‌دادیر.

نوسخه‌لر[دَییشدیر]

اوبونتونون، آلتی آی‌دا بیر نوسخه‌سی چیخاردیلماق‌دادیر. نوسخه نومره‌سی، چیخدیغی ایل و آیا ایشاره ائدر. اؤرنک اوچون اوبونتو ۴.۱۰، ۲۰۰۴ ایلی‌نین ۱۰-جو آییندا چیخمیش‌دیر.

نوسخه کود آدلاریندا دا بیرینجی سؤزجوک صیفت، ایکینجی سؤزجوک ده بیر حئیوان آدی اولور. هم ده صیفت و آد، عینی حرفلرله باشلاییر. بیر نئچه اؤرنک: Hoary Hedgehog (آغ‌ساققال کیرپی)، Breezy Badger (طراوت‌لی پورسوق)، Hardy Heron (جورأت‌لی بالیق یئین قوش), Natty Narwhal (ظریف نهنگ)

اؤزل‌لیکلر[دَییشدیر]

اوبونتو باش‌دا لینوکس ایشلتیم سیستمی چکیردگی اولماق اوزره، چوخ سایی‌دا یازیلیم پاکتین‌دن دوزلیب‌دیر. بونلارین چوخو آزاد یازیلیملاردیلار، بونا ایستیثنا، بعضی دونانیم (سخت‌افزار) سوروجولری‌دیلر. [۶]

اوبونتو ایله بیرلیک‌ده، لیبره‌آفیس آفیس مجموعه‌سی، موزیلا فایرفاکس اینترنت تارایانی، موزیلا ثاندربیرد ایمیل پروقرامی و چوخلا داها پروقراملار گلیر. آیریجا، «اوبونتو یازیلیم مرکزی» اوزرین‌دن، اوبونتو پاکت آنبارلارین‌دان یئر آلان مینلرجه یازیلیم، راحات‌لیق‌لا اندیریلیب و قورولا بیلر.

اکران گؤرونتولری[دَییشدیر]

ایستیفاده نیسبتی[دَییشدیر]

اوبونتو رسمی سایتیندا اوبونتونون ۲۰ میلیون ایستیفاده‌چی‌یه صاحیب اولدوغو یازیلیب‌دیر.[۱]

آلت‌داکی قایناقلاردا، اوبونتونون دونیادا ان یایقین ایشله‌دیلن لینوکس داغیتیمی اولدوغونو دوغرولایان بعضی آمارلار گلیب‌دیر:

ائشیک باغلانتیلار[دَییشدیر]

قایناقلار[دَییشدیر]

  1. ۱٫۰ ۱٫۱ [۱] قایناق خطاسی برچسب <ref> نامعتبر؛ نام «ubuntu.com» چندین بار با محتوای متفاوت تعریف شده‌است
  2. https://lists.ubuntu.com/archives/ubuntu-announce/2005-July/000025.html lists.ubuntu.com
  3. http://www.ubuntu.com/news/UbuntuFoundation ubuntu.com/news/
  4. http://www.ubuntu.com/project/about-ubuntu/derivatives اوبونتو تؤره‌مه‌لری
  5. http://releases.ubuntu.com/ اوبونتو نوسخه‌لری
  6. اوبونتو لیسانسی