اوْنقون

ویکی‌پدیادان، آچیق بیلیک‌لیک‌دن

اوْنقون اسکی تورکلرین تنگریچیلیک اینانجیندا، ایچینده بیر روحو ساخلایان بیر جیسمه وئریلن آددیر. دیگر اسکی اینانج سیستملرینده ده راست گلینن توتئم له تطبیق ائدیله‌بیلر. عئینی آمریکا یئرلیلری‌نین توتئملری کیمی، اسکی تورک بوْیلاری‌نین دا هر بیری‌سینین اؤزونه مخصوص بیر اوْنقونو واردیر. بو عومومیتله اؤز بوْیلارینی قوْرودوغونا ایناندیقلاری موقدس بیر حئیوان نؤوعو یا دا بؤیوک بیر آتالاری‌نین روحونو ساخلادیغینا ایناندیقلاری جیسم‌دیر.

آذربایجاندا اوْنقون عنعنه‌سی‌نین ایسلام دؤورونده ده اوزون مودت داوام ائتدیگی‌نی ثبوت ائدن اسکی تورک مزارلاری تاپیلمیشدیر(ان یئنی‌لری ۱۶-نجی عصر). ایسلام عنعنه‌سینه گؤره تیکیلمیش بو مزارلارین داشلاریندا، اؤلن آدامین هانسی بوْیا عایید اولدوغونو گؤسترن اوْنقونلاری قازیلمیشدیر.

اوْنقون سؤزونون کؤکو[دَییشدیر]

جامع التواریخه گؤره اوْنقون سؤزو تورکجه "اوْیتون" سؤزوندن تؤرنمیشدیر. تورکلر "خیرلی موبارک اوْلسون" یئرینه "اوْیتون بوْلسون" دئییردیلر.

قایناق[دَییشدیر]

آنادوْلو تۆرکجه‌سی ویکی‌پدیاسی‌نین ایشلدنلری طرفیندن یارانمیش«Ongun»، مقاله‌سیندن گؤتورولوبدور. (۲۷ آذر ۱۳۹۵ تاریخینده یوْخلانیلیبدیر).