تئیمور لکستانی
| تئیمور لکستانی | |
|---|---|
| آد | تئیمور لکستانی |
| دوْغوم تاریخ | 1294 سالماس ، آذربایجان |
| اؤلوم تاریخ | 2 آبان 1390 تهران |
| اتنیک | تورک |
| تحصیل یئری | تهران بیلیم‌یوردو |
| ایش | برق مهندیسی |
| آدلیم‌لیق ندنی | ایران برق انرژی‌سی‌نین آتاسی |
تئیمور لکستانی (دوغوم.۱۲۹۴ سلماس - وفات۱۳۹۰ تهران)، ایران‌ین ایلک برق مهندیس‌لریندن، شریف صنعتی بیلیم‌یوردونون قورجولاریندان، ایران برق صنعتی‌نین آتاسی.[۱]
یاشاییشی
[دَییشدیر]تئیمور لکستانی 1294-جو ایلده سالماسدا آنادان اولموشدور. آتاسی هیجری 1297-جی ایلده سیمیتقو دسته‌لری‌نین هوجومو نتیجه‌سینده اؤلدورولن مسعود دیوان ایدی.
او، 1313-جو ایلده تبریزده فردوسی آدینا اورتا مکتبی بیتیردیکدن سونرا تهران بیلیم‌یوردونون موهندیس‌لیک فاکولته‌سینه داخیل اولوب اعلا روتبه ایله مأذون اولان ایلک 10 نفرین ایچینده ایدی.
مرحوم عالیم بیطرقان‌ین طلبه‌لریندن اولان لکستانی تهران بیلیم‌یوردونو بیتیرن ایلک برق موهندیس‌لری قروپوندان اولوب تحصیلینی باشا ووردوقدان سونرا اؤلکه‌نین برق صنایع‌سینه قوشولموشدو [۲].
او، اؤلکه‌نین برق صنایع‌سینده گؤستردیگی صادیق خیدمت‌لره و تهرانین برق شبکه‌سی‌نین اینکیشافینداکی تاثیرلی رولونا گؤره "ایران برق انرژی‌سی‌نین آتاسی" لقبینه لاییق گؤرولموشدو [۳].
لکستانی برق صنایع‌سینه گیردیگی واخت تهران برق مرکزی چک موهندیس‌لری الینده ایدی و اونلارین برق ساحه‌سینده بیلیک و تجروبه‌لرینی ایرانلی‌لارا اؤتورمک ایسته‌مه‌دیکلری اوچون لکستانی و اونون مسلکداش‌لاری بو تجروبه‌لری الده ائتمگه قرارلی اولاراق گیزلیجه اونلارین نقشه‌لرینی اوخویوب ، تهران برق شبکه‌سی‌نین حساس ایشلرینی اؤیره‌نه بیلمیشدیلر. سونوندا بو تعهود و چالیشمالار نتیجه‌سینده چک مهندیس‌لری تهران برق مرکزینی ترک ائتمگه مجبور اولوب برق مرکزی داخیلی مهندیس‌لرین نظارتینه گئچمشدی.
لکستانی 1326-جی ایلده تهران برق شبکه‌سی‌نین رییسی تعیین ائدیلدیکدن سونرا بو شبکه‌نین اینکیشافیندا چوخ تاثیرلی رول اوینامیش 1345-جی ایله قدر تهراندا کوچه‌لرین ایشیقلاندیریلماسی و داغیتیم شبکه‌سی‌نین اینکیشافی ساحه‌سینده موختلیف وظیفه‌لرله تهران و آیری شهرلرده اؤلکه‌یه خیدمت ائتمیشدیر.
شریف صنعتی بیلیم‌یوردونون قورجولاریندان بیری اولان لکستانی 1345-1359-جو ایللرده بو بیلیم‌یوردونون امین‌لر هئیتی نین عوضوو و فنی یاردیمچیسی اولموشدور.[۴]
۱۳۸۶-جی ایلده تهران بیلیم‌یوردونون موهندیس‌لیک فاکولته‌سی‌نین مأذون موهندیس‌لر بیرلیگی اونو گؤرکملی موهندیس کیمی تقدیم ائتدی.
او، آیریجا، ایران علم و برق صنعتی‌نین قورجولاری-نین 5. فستیوالیندا اؤنجول سئچیلمیشدیر[۵].
وفاتی
[دَییشدیر]لکستانی، بئیین دورغوسو سببیله تهرانداکی ایران‌مهر خسته‌خاناسینا یئرلشدیریلیب نهایت، 2 آبان ۱۳۹۰-جی ایل بازار ائرته‌سی گونو 96 یاشیندا وفات ائتمیشدی.
اثرلری
[دَییشدیر]- رساله‌ای مربوط به تدوین توزیع نیروی برق
- آئین‌نامه‌ای مربوط به «حفاظت از خطرات ناشی از برق».
اتک‌یازی‌لار
[دَییشدیر]- ^ «پدر برق ایران» فقط مهندس جواد قریشی. ایسنا.
- ^ ««پدر برق ایران» فقط مهندس جواد قریشی». وبگاه دانشگاه صنعتی شریف. ۱۹ مهر ۱۳۹۰.
- ^ ««پدر برق ایران» فقط مهندس جواد قریشی». ایسنا.
- ^ «پدر برق ایران درگذشت». فرارو. ۴ آبان ۱۳۹۰.
- ^ «افراد برگزیده در پنجمین جشنواره بانیان علم و صنعت برق ایران». انجمن مهندسی برق ایران.