حسن دمیرچی
حسن دمیرچی | |
|---|---|
| دوغوم | حسن هرگلی ۱ ژانویهٔ ۱۹۴۱ تبریز، ایران |
| اؤلوم | ۲۴ ژوئن ۲۰۱۸ (۷۷ یاش) |
| باشقا آدلار | حسن دمیرچی، حسن آذربایجان |
| پئشه | یازیچی، شاعیر، موسیقییچی |
حسن دمیرچی و حسن آذربایجان آدیلا مشهور اوْلان حسن هرگلی (دوغوم: ۱۳۲۰ وفات ۱۳۹۷ ایلینین تیر آیینین اوچو گونش ایلی) آذربایجانلی یازار، شاعیر،موسیقییچی و میلّی مدنی فعال دیر.
حیاتی
[دَییشدیر]۱۳۲۰-نجی گونش ایلینده تبریز آنادان اوْلوبدور ۱۳۹۷ینجی ایلین تیر آیینین اۆچونده تبریزین عالی نسب خسته‌خاناسیندا دونیاسین دییشدیر.
شخصی یاشاییشی
[دَییشدیر]رسمی آدی حسن هرگلی یا حسن هرگولودور.شعرده دمیرچی تخلص ائدیب و ائل ایچره حسن آذربایجان دئیه مشهور اوْلموشدور1320-نجی گونش ایلینده تبریزه شهرینده آنادان اوْلوبدور.گنج یاشلاریندا آرابا دمیرچی لیق شغل -ین سئچیب سوْنرالار دمیر آلوئرینه گیریر،دمیر آلوئرچی لیغیندان دا شخص سرمایه گذار کیمی ساختمان صنعت ینه اوز گتیریب بۇ حوزه ده تبریز ده نئچه مسکونی و تیجاری واحیدین بانی سی اوْلوبدور.تبریزین ابوریحان مئیدانیندا یئرلشن آذربایجان پاساژینی او [تیکدیریبدیر.او بۇ زامانلار اهالی و امکداشلاری طرفیندن حسن دمیرچی آدیله مشهور اولور،آنجاق ائل ایچره ] داشیدیغی آذربایجانچیلیقمفکوره سی و بۇ یولدا گؤردوغو ایشلر و وئردیگی هزینه لره گؤره آذربایجان لقبین قازانیبدیر.میلّت اونا حسن آذربایجان دئییر.ائولیدیر ایکی قیزی ،ایکی اوغلو واردیر
اینجه صنعت و هنر ساحه سینده فعالیتلری
[دَییشدیر]حسن آذربایجان ،گونئی آذربایجاندا آذربایجان کلاسیک و موغام موسیقی سینده گؤرونن ایشلرین هسته سینده یئرلشن شخصلردن دیر.او 1365-نجی گونش ایلینده تریزده دوْکتور زهتابی نین ایشتراک ایله قورولان آذربایجان مدنیّت اوجاغینین موسیقی بؤلومونون مسولو سئچیلیر.بو مسولییته گؤره او وظیفه لنیر آذربایجان موسیقیسین گونئی آذربایجاندا تاندیریب و یاییسین.بو اساسدا 1365-نجی گونش ایلینده تبریزده آذربایجان آدینا موسیقی مکتبی آچیر.رحمتلیک سلیمی و باشقالارین موسیقی مکتبلرین آچیلماغیندا وار گوجو ایله مادی و معنوی یاردیم لار گؤستریر.آذربایجان آدینا قورولان موسیقی مکتبینده تار،کمانچه،قارمان،قارا زیرنا،قاوال،پییانوو باشقا سازلار همچنین ماهنی اوخوماق و رقص ده اؤرنیلیردی.حسن آذربایجان بۇ ایش ایله آذربایجان موسیقی سین جانلاندیرماقدان علاوه چوخلو موسیقی اوستادلارینا ایش ایمکانی ده یاراتمیشدی. بونلاردان علاوه او هر زامان ائلین و آذربایجان تورپاغینین قایغیسینی چکیب بوتون یاس و شادلیق مراسیملرده بوی گوستریب و ائلین آزارکشی اوْلوب او چوخ یاردیم سئور بیر اینسان اوْلوب ائله کی ورزیقان ترپه مینده (زلزله) هر قوروم و قروپدان اونجه ملتین هارایینا قاچیب و آیلار بویونجا خسارت آلانلارا مادی معنوی یاردیم گوستریب و ایران حاکمیتی بونا قاتلانماییب و قارشیسینی آلماق اۆچون اونو سودان بهانه لرله حبس ائدیبدیر.
سیاسی ـ اجتماعی چالیشمالاری
[دَییشدیر]گونئی آذربایجاندا ایجتیماعی ،هنری ،میلّی فعالییت لره ایله باغلی اینقلابدان قاباق و سوْنرا نئچه یول ایران دؤولتی ال ایله توتوقلانیب،حبس لر چکیبدیر. او 1392-نجی ایل ین آبان آی نین 13 ده تبریز اینقلاب دادگاهی نین وریندن توتوقلانیب تبریز زیندانینا سالینیب دیر. او قارداغ زلزله سینده آسیب گؤرن اینسانلارا یاردیم ائدیب یاردیم توپلاماق جرم ایله جزالانیر.