خلجلر
خلجلر و یا خلج تورکلری — تورک خالقلاریندان بیری‌دیلار. خلج تورکلری ایرانین مرکزینده، قوم شهری‌نین چئوره‌سینده خلجیستاندا یاشایان بیر خالق دیلار. خلجلر خلج تورکجه‌سینده دانیشیرلار.
خلجلر حاقّیندا علی اصغر جمراسی آراشدیرمالار آپاریر.
خلج آدیندا یزد بیلیم‌یوردوندا ایکی دیلده تورکجه ـ فارسجا اؤیرنجیسل بیر درگی چیخیردی کی ایکی سایدان سونرا 1387 ـ ده توقیف ائدیل‌دی.
خلجلرین یاشاییش یئرلری عموماً قوم اوستانی و مرکزی اوستانینین آراسی دیر کی قوم اوستانینین سلفچگان، خلجیستان، جعفرآباد و کهک بؤلوملاری، همچنین مرکزی اوستانینین تفرش و آشتیان بؤلگه‌لرینین بوتونلوغونا شامیل اولور و هابئله ساوه و زرندیه بؤلگه‌لرینین ده بیر قیسمتلرینه شامیل اولور. بو بؤیوک منطقیه خلجیستان دییرلر.
خلجیستان منطقه‌سیندن سونرا، خلجلر ایرانین آیری اوستانلاریندا دا یاشاماقدا دیلار، او جومله‌دن تهران اوستانی، البورز اوستانی، گیلان اوستانی، شرقی آذربایجان اوستانی، ایصفاهان اوستانی، رضوی خوراسان اوستانی و.... آد آپارا بیلریک، همچنین خلجلرین بیر قیسمی‌ده افغانیستان، پاکیستان و هیندوستان اؤلکه‌لرینده اقلیّتده یاشاماقدا دیلار.