خلج تورکجه‌سی

ویکی‌پدیا، آچیق بیلیک‌لیک‌دن

خلج ديلي - تورک دیللری آراسيندا ان سون بليرلنن ديل اوْلموشدور. اسکی تورکجه‌‌‌نين خوصوصييتلريني[۱] ان ياخشي شکيلده قورودوغو ايديعا ائديلن خلججه اسکي تورک ديلي آرقوجا‌‌‌ نين داوامي ساييلير و حئيرت وئريجي اؤلچوده گؤگ تورکجه‌يه ياخيندير. تورکولوگييادا خلج ديلي دئينده بو ديل قصد ائديلير. خلج ديلي‌نين کؤکو ساييلان آرقوجانين آدي، ايلک ۷۵۹-۷۸۰ لاردا اورتا آسيا مانی ديني متنلرينده کئچير. بير سيرا آراشديرماچيلارا گؤره ۸-۱۱-نجي يوزايللر آراسيندا آرقولار اوغوزلارا باغلي خلج قوروپونون قونشولوغوندا ياشاييرديلار و زامانلا اونلاردان بوگونکو آدلاري اولان خلجي آليبلار.

لهجه عاييله‌سي بونا رغما ياشايان ان اسکي تورکي (تورکيک) ديل اولان خلج ديلي، اوغوز ديللريندن دئييلدير و چوواش ديلي کيمي تک باشينا تورک دیللری‌نين موستقيل بير قولونو تشکيل ائدير. نتيجه ده، آزربايجان تورکجه‌سی‌ نين هر هانسي بير لهجه‌سي ده ساييلابیلمز.

خلج ديلي‌نين نئچه لهجه و آغزی واردير. بو لهجه‌لر آراسينداکي مؤوجود فرق، تلخاب لهجه‌سينده اولدوغو کيمي، بعضاً او قدر بؤيوکدور کي خلجي تک بير ديل دئييل، تورک ديللري عاييله‌سی‌نين " خلج ديللري آلت‌قوروپو " اولاراق صينيفلنديرمه‌نين داها اويغون اولا بيله‌جه‌یی دوشونجه‌سيني اورتايا آتان ديلچيلر اوْلموشدور.

جوغرافی دورومو =[دَییشدیر]

خلجیستان، ائتنيک آذربایجان و ائتنيک فارسيستانين بيرلشديگي منطقه‌ده يئرلشن خلجيستاندا ۴۵-۸۰ آراسيندا خلج کندي واردير. بونلار ايکي قوروپدان تشکيل تاپير. بيرينجيسي ساوه و خرقان آراسي (مرکزي نووخراندير)، ایکینجی‌سی قوم شهري و غربينده‌کي سولطان آباد آراسينداکي منطقه‌دير. بيرينجي قوروا "خلج-اي ساوا" ويا " قاهير"، ايکينجي قوروپا ايسه "خلج-اي امير حوسئينلي" دئييلير. خلجلر بورادا بير نئچه ياشاييش بؤلگه‌سينده جينديرلي، قاراخانلي، يئتيملر، صفره‌لي، ايسماييللي، کيرديللي، شيکارلي، قاراگه‌ده، هسخالي، بايراملي و.س. کندلرينده ياشيييرلار.

باغلانتیلار[دَییشدیر]

سلیمان شاه و قاریشقا (آذربایجان و خلج تورکجه‌سی)

قايناق[دَییشدیر]

  1. خلجلر و خلججه، محمد اؤلمز