داریو فو

ویکی‌پدیا، آچیق بیلیک‌لیک‌دن

اوْیون یازاری داریو فواویون یازاری، اوْیونجو، یؤنئتمن.

حیاتی[دَییشدیر]

داریو فو ۱۹۲۶-جی ایل، مارسین ۲۴-ده ایتالیانین بالاجا بیر شهری اوْلان جیانودا کاسیب عائله‌ده آنادان اوْلموش‌دور. آتاسی دمیریولو مرکزسینین مودیری ایدی. ۱۹۴۰-جی ایلده گنج داریو برئرا بدیعی آکادمیاسیندا اوْخوماق اۆچون میلانا گئتمیش‌دیر. ایکینجی دۆنیا ساواشی بیتندن سوْنرا ایسه اوْ، پوْلی تکنیک عالی مکتبونا قبول اوْلون‌سا دا، دیپلوم آلماق اۆچون لازیم اوْلان بیر نئچه ایمتاحانی وئرمدیین‌دن تحصیلینی تام بیتیره بیلمیر. بۇ ارفه‌ده اوْنو صحنه دیزاینی و تئاتر دئکوراسیلارینین یارادیلماسی جلب ائدیر. ۱۹۵۰-جی ایلده بؤیوک فرانکو پارنتی ممنونیت‌له داریونو اؤز تئاتر کومپانی‌سینا قبول ائدیر. بیر مدت ایسه اوْ حتی معمار کؤمکچی‌سی ایشین‌ده بئله چالیشیر، لاکین تیکینتی‌ده کورروپسیانین باش آلیب گئتمه‌سیندن پریشان اوْلاراق بۇ ایشی آتیر. ۱۹۵۱-۱۹۵۲-جی ایللرده داریو فو "کؤرپه‌جه" سریاسیندان اوْلان مونولوقلاری ایله اوْلدوقجا اۇغورلو آلینان دئبوت ائدیر. بۇ سریا ایتالیا میلّی رادیوسون‌دا شخصی شوویا، فو ایسه مشهور سیمایا چئوریلیر. ۱۹۵۴-جو ایل، ژۇئنون ۲۴-ده اوْ، اوْیونجو فرانکه رامه ایله ائولنیر. اوْ واخت‌دان دا اوْیونجو اۇزون ایللر بوْیو فو – رامه تئاتر کومپانی‌سینین آیریلماز حیصّه سینه، داریو فونون ایسه همکارینا و کؤمک‌چی‌سینه چئوریلیر. داریو فو هم ده اوْیون مؤلفی کیمی تانینیردی (ان مشهور اوْیونی "آنارخیستین تصادوفی اؤلومو"دور)، اوْ، هم ده یؤنئتمن ایدی، صحنه و گئییملار اۆزره رسّام کیمی ایشلییردی، هردن ایسه اؤز تاماشالاری اۆچون موسیقی ده بستلییردی.

۱۹۵۵-جی ایلدن داریو فو اۇغورلو کینماتوقرافچیلیغا باشلاییر، سکارپئل‌لی، سکولا، پینئل‌لی و پونتی ایله بیرلیکده صحنه‌لر حاضیرلاییر . ۱۹۵۷-جی، ۱۹۵۸-جی ایللرده فو – رامه تئاتر کومپانیاسی میلانین پیککولو تئاتروسون‌داکی دئبوتون‌دن سوْنرا بیر ایللیک تورنئ ایله بۆتون ایتالیانی دولاشیر. ۱۹۶۱-جی ایلده ایسه آرتیق ایستوکهولم‌دا، سوْنرا لهیستان‌دا ایلک چخشلارینی ائدیرلر. داریو فونون تئاتری دۆنیانین ۷۳ اؤلکه‌سینده اوْلموش‌دور. ۱۹۶۸–۱۹۶۹-جو ایللرده فو و رامئ ۳۰-آدک گنج اوْیونجو و صحنه ایشچی‌سیندن عبارت "نیووا ایستسنا" یئنی، موستقیل تئاتر کومپانیاسی یاراتدیرلار. ۱۹۷۶-۱۹۷۷-جی ایللرده فو "رای ۲"-نین دوتی‌له تلویزیونیادا ایلک ایشینه باشلاییر. ۱۹۸۱-جی ایلده کوپنهاگ بیلیم یوردو داریو فونو سوننینق اؤدولی ایله تلتیف ائدیر و فو بۇ اؤدولی فرانکیه هدیّه ائدیر. ۱۹۹۰-۱۹۹۱-جی ایللرده داریو فو یئنی مونولوقلاری ایله صحنه‌یه قاییدیر.

۱۹۹۷–جی ایلده "اوْرتا عصرلر تلخکلری کیمی حاکمیّتی و آوتوریتئتی تنقید، ازیلمیشلرین لیاقتینی مۆدافیه ائتدیینه گؤره" داریو فویا نوبل اؤدولی تقدیم ائدیلیر. داریو فو و فرانکئ رامئ بۆتون یارادیجی حیاتلاری بوْیونجا هردن حتی سیاسی موواریزه‌یه چئوریلن فعّال اجتماعی حیات دا یاشاییبلار. فونون بیر چوْخ ساتیریک کومدیلاریندا، اوْ جمله‌دن "آنارخیستین تصادوفی اؤلومو" اوْیونینده سوسیال قروتسک کاریکاتورا درجه‌سینه چاتمیش‌دیر. ۱۹۸۶-جی ایله قدر داریو فو حاضیردا دۆنیانین ۴۸ اؤلکه‌سینده صحنه لشدیریلمک‌ده اوْلان قیرخ اوْیون یازمیش‌دیر.