آلیس مونرو

ویکی‌پدیا، آچیق بیلیک‌لیک‌دن

آلیس مونرو ـ (اینگلیسجه: Alice Munro) (دوغوم: ۱۰ ژوئیه ۱۹۳۱) کانادالی حیکایه یازیچی‌سی، ۲0۱۳-جو ایل ادبیات اوزره نوبل ادبیات اؤدولو (جایزه‌سی)، بوکئر اؤدولو قازانان، کانادا گئنئرال-قوبئرناتورونون بدیعی ادبیات اوزره اؤدولو، نوبئل موکافاتی لاورئاتی.

یارادیجیلیغی[دَییشدیر]

آلیس مونرو “کانادانین چئخوفو” کیمی تانینیر. ایندییه‌دک ۱۳ حیکایه کیتابی و بیر رومانی یاییلیبدیر. حیکایه‌لرینده کانادانین کیچیک کندلرینده یاشایان اینسانلارین حیاتلاریندان بحث ائدن “مونرو” سئوگی و اؤلوم کیمی موضوعلاری اؤن پیلانا چیخاریبدیر. اونون حیکایه‌لری‌نین آنا خطینی قادین موضوعسو: آنا- قیز، قیز- آنا- نوه، آتا- قیز موناسیبتلری تشکیل ائدیر.[۱]

نوبئل جایزه‌سی[دَییشدیر]

۲۰۱۳ـنجو ایل، ادبیات اوزره نوبل جایزه‌سینی ۸۲ یاشلی کانادالی یازیچی “آلیس مونرو” قازاندی. آلیس مونرو بو جایزه‌نی قازانان ۱۳ینجی قادین یازیچی‌دیر. اوندان اؤنجه آلمان یازیچی‌سی “هرتا مولر” ۲۰۰۹ینجی ایل بو موکافاتا لاییق گؤرونموشدور. نوبل ادبیات موکافاتینی وئرن ایسوئچ(سوئد) آکادئمیاسی بو موناسیبتله یایدیغی معلوماتدا آلیس مونرونو “مودئرن قیسا حیکایه‌لر اوستادی” کیمی تقدیم ائتمیش و اونو “معاصر قیسا حیکایه ژانرینداکی اوستالیغینا گؤره” بو مکافاتا لاییق گؤرموشدور.[۲]

قیسا حیکایه کیتابلاری[دَییشدیر]

  • "شن کؤلگه‌لرین رقصی" — (۱968)؛
  • "قیزلارین و قادینلارین حیاتی" (۱97۱)
  • "سیزه دئمک ایسته‌دیگیم بیر شئی واردی" (۱974)
  • "سن اؤزونو نه حساب ائدیرسن؟" (۱978)،
  • "یوپیتئرین پئیکلری" (۱98۲)
  • "سئوگینین ایره‌لیلگیشی" (۱986)،
  • "گنجلیک دوستوم" (۱990)
  • "آشکار سیرلر" (۱994)
  • "یاخشی قادینین سئوگیسی" (۱998)،
  • "نیفرت، دوستلوق، نوازیش، باغلیلیق، ائولیلیک" (۲00۱)، (آیری آدی "اوندان اوزاقدا")
  • "قاچاق" (۲004)،
  • "کاستل-روکدان باخیش" (۲006)
  • "حددن آرتیق سئوینج" (۲009)
  • "عزیز حیات" (۲0۱۲)[۳]

قایناقلار[دَییشدیر]