دانیشیق:دوغو اوروپا
حورمتلی Bir morty منیم نظریمه دوغو کلمه‌سی بیزیم تورکجه‌ده و اؤلکه‌لرده (ایران آذربایجانی، نخجیوان و آذربایجان جومهوریتی) ایستیفاده‌سی دؤز و اویغون دئییر. من حورمتلی ایداره‌چی‌لر :E THP، M.XIII، Ilğım، Amir a57 و ایشلدنلر Ebrahimi-amir، و Alp Er Tunqa و سیز دن ایستیرم بو کلمه‌نین اویغون ایستیفاده‌سی اوچون نظرلریزی آچیخلاشدیرین. ---Ziraksima (دانیشیق) ۲ دسامبر ۲۰۱۸، ساعت ۰۱:۵۵ (UTC)
- سلام حؤرمتلی Ziraksima بی، منیم ده نظریمی ایسته‌دیگینیز اۆچون ساغ‌اوْلون. بیلمیرم منظورونوز فقط دوغو کلمه‌سیدیر یوخسا بوتون جوغرافی جهتلر، آنجاق منجه جوغرافی جهتلرین تورکجه آدی اولان یئرده فارسجا/عربجه آدلاری ایستیفاده ائتمگه گرک یوخ. بیر ده کی باخساز بو شابلوندا بوتون جوغرافی جهتلر تورکجه یازیلمیشدیر و فقط شرقی فارسجا یازیلمیشدیر. اونلارین هماهنگ اولماقلاری اۆچون و مقاله‌نین اصلی آدی قاباقجادان دوغو اوروپا اولدوغو اۆچون، شرقی‌نی دوغو کلمه‌سی ایله دییشدیم. سیزین و باشقا دوستلارین نظرینده بیر یانلیش اۆز وئرمیش اولسا سئوینه‌رم منی باشا سالاسیز. بیر ده کی، بو شابلوندا ائتدیگیم دییشیک‌لیکلرین چوخو یازی قوراللارینا اویغونلاشدیرماق و بعضی ویکی لینکلری دۆزلتمک اۆچون اوْلموشدو و سیزین بوتون دییشمه‌لری گئری قایتارمانیزین نَدنی‌نی بیلمیرم. سایغیلاریملا -- Bir Morty (دانیشیق) ۲ دسامبر ۲۰۱۸، ساعت ۰۷:۳۱ (UTC)
- حؤرمتلی Ziraksima و Bir morty ایکینیزه ده سلام، منیم نظریمه بیر کلمه‌نین تکجه تورک اصیللی اولماسینا گؤره باشقا رایئج کلمه‌لره ترجیح وئریلمه‌سی چوخ دۆز نظره گلمیر. بیزیم دیلیده شرق-غرب کلمه‌لرینین یانیندا (حداقل دانیشیق دیلینده) گۆن‌چیخان-گۆن‌باتان کلمه‌لری ایشله‌نیر و باتی-دوغو خالقا تانیش دئییل (شخصی تجروبه)، البته بو مسئله فقط جوغرافی جهتلرده قالمیر بیر سایی باشقا کلمه‌لر ده وارکی آذربایجان تورکجه‌سینده یاماق کیمی گؤرونور، مخصوصا دیلیمیزین رسمی بیر مرجع یا مدیاسی اولمادیغی اۆچون فرقلی باخیشلار و سلیقه‌لره راست گلیریک (فاذزی دن تۇتوب تورکیه تورکجه‌سینه قدر). آمّا بیز بیر ویکیپدیا اولاراق هدفیمیز علمی، تاریخی، ادبی، جوغرافی و ... مطالیبی خالقین اۆز دیلینده (چوْخو ایران جوغرافیاسیندا یاشایان تورکلر اۆچون) یارادماقدیر، سؤزون قیساسی یازیلاریمیز گرک هدف جمعیتین چوْخونا آنلاشیلان اوْلا یوخسا بیزیم تورکلر آنلامایان دیلده یازماغین فایداسی نه اولابیلر؟.
Bir morty بی یازی قوراللارینا اساسیندا دییشدیرمه‌لرینیز دیرلیدیر یوخاری احتیمال ایله Ziraksima بی تصادوفی شکیلده بو شابلونو قایتاریبلار، منده اوّلکی حالینا قایتاردیم. - نتیجه بوکی تۆرکجه‌لشدیرمگی تۆرکیه‌لشدیرمک ائتمه‌یین.
حؤرمتله M.XIII (دانیشیق) ۲ دسامبر ۲۰۱۸، ساعت ۱۵:۰۷ (UTC)
- سایین M.XIII بَی، تورکیه‌لشدیرمه‌مک (و البته فارسلاشدیرماماق) قوْنوسوندا سیزه قاتیلیرام، آما فیکر ائلیرم ایندی‌لیکده، دوْغو/باتی کلمه‌لری چوْخ ایشله‌نیرلر و نظریمه یئترینجه یایغینلاشمیشلار. گۆنئی/قوزئی ده کی قدیمدن خالق دیلینده ایشله‌نیر. یئنه اگر سیز و باشقا یولداشلار صلاح گؤرسه فارس/عرب موعادیللری ایشلنسین، منجه مۆشکولو یوْخ. آنجاق بیر دفعه ده تاکید ائتمک ایسته‌ییرم کی من سیزین و حؤرمتلی Aymara93 بی‌ین ائتدیگینیز دییشیکلره دایاناراق، شرقی کلمه‌سینی دوغو کلمه‌سی ایله دییشدیم. یعنی سیز ده قاباقجان شرقی/غربی یئرینه دوْغو/باتی ایشلتمیشدیز. هر حالدا سیز و حؤرمتلی Ziraksima بَی ویکی‌میزین بؤیوکلری‌سینیز، سایغیم سوْنسوزدور سیزه. حؤرمتله -- Bir Morty (دانیشیق) ۲ دسامبر ۲۰۱۸، ساعت ۱۷:۲۳ (UTC)
- حؤرمتلیBir morty، البته کی حاقلی‌سیز و منجه ده باشقا لهجه‌لرده‌کی کلمه‌لری رایئج کلمه‌لرین یانیندا ایشلتمک و یاواش یاواش خالقا تانیش ائتمک یاخشیدیر آمّا بئله ده اوْلماسینکی بیر دفعه دۆشک مقاله‌لرین جاناینا و مثلاً بۆتون «نتیجه»لری «سونوج»ا دییشک. فعلی حالدا صلاح بودور. بیرده حقیقتی منده سیزدن اؤیرنمه‌یه چالیشیرام (: M.XIII (دانیشیق) ۳ دسامبر ۲۰۱۸، ساعت ۰۹:۳۶ (UTC)
- آنلاشیلدی حؤرمتلی M.XIII بَی. دوْغروسو منیم سیزدن اؤیرنه‌جگیم چوخ شئی‌لر وار، سیزین یوخ. سایغیلاریملا -- Bir Morty (دانیشیق) ۳ دسامبر ۲۰۱۸، ساعت ۱۱:۵۲ (UTC)
بعض چالیشانلار گئچمیشده ائتدیکلری ایشلری و گئچمیشده سؤیله‌دیکلری عقیده‌لری گیزلدیبلر. تأسفله یئنی چالیشانلار دا بونلاری تانیمیرلار. اولایدی اونلار آیدینجا اؤز فیکیرلرینی ایشلدیچی صفحه‌لرینده یازایدیلار! --Arslanteginghazi (دانیشیق) ۳ دسامبر ۲۰۱۸، ساعت ۱۱:۱۵ (UTC)