درویش وهاب‌زاده
درویش وهاب زاده آشیق/عاشیق درویش آدی ایله تانینان درویش فرهاد اوغلو 1309-جو گونش (شمسی) ایلینده اورمیه نین «كَردی‌لر» (تابلودا کردلر یازیبلار)[۱] كندینده دونیایا گؤز آچمیشدیر. او آشیق فرهاد كیمی آذربایجانین سنتی موسیقی‌سینین آدلیملاریندان ساییلیر.[۲]
یاشاییشی
[دَییشدیر]
آشیق درویشین گؤزل سسینه گؤره آشیق فرهادین شاگیردی اولموشدور. درویش چالان ساز سسی جانلارا كئچیب و گؤزل سسیله اونودولموش اثرلره جان باغیشلاییردی. بو اونودولماز اوستاد 1372 ـ نجی ایلین قویروق دوغان(مورداد) آیینین دوققوزوندا، گؤزلرین دونیایا یوموب، اؤز دوغوم یئری اولان «كردی لر» كندینده تورپاغا تاپشیریلدی. آشیق درویش ایرانین بوتون میلّی موسیقی فئستیواللارینا قاتیلب و یوكسك یئرلره أل تاپیب، اؤدول‌لر قازانیب‌دیر. او نئچه ایللرده اورمیه رادیو، تلویزیونویلادا ایش بیرلیگی آپاریبدیر. او ده‌یرلی اوستاد چوخلو شاگیردلرده موسیقی دونیامیزا تربیه ائدیبدیر. اونلاردان، آشیق اسمعلی (اورمیه – اونون بیرینجی شاگیردی)، آشیق صبور شریفی (اورمیه)، آشیق عبدالله اشرفی (قورد تپه)، آشیق ذكریا ملكی(قولونجو)، آشیق رضا پوینده (سولدوز) و …آد آپارماق اولار. آشیق درویش، متین، ویقارلی و عاریف بیر كیشی ایدی، دئمك اولار او خصلت ایله صنعت ده، اصیل و نمونه بیر آشیق و اوزان‌دیر. رحمتلیك درویش آشیق صنعتینده اؤزونه مخصوص اولان نئچه هاوا یادیگار قویوب. اونلاردان «شكر یازی هاواسی» و «غربتی هاواسی»- نی آد آپارماق اولار. بو هاوالار ایندیده اورمو آشیقلارینین آراسیندا چالینماقدادیر.[۲][۳][۴]
آشیغین اؤز سسی ایله ایکی ماهنی
[دَییشدیر]1. قربتی هاواسی[دائمی اولو باغلانتیلی]
2. تَرَکمه گؤزللـه‌مه‌سی[دائمی اولو باغلانتیلی]
قایناقلار
[دَییشدیر]- ^ همشهری، همشهری آذربایجان غربی، یکشنبه 26 مهر 139، سایی، 6660، ص 8
- ^ ۲٫۰ ۲٫۱ اورمیه آدلیم‌لاری (نام آوران اورمیه)-علی بابایی-تک درخت یایین‌ائوی-1389-صص332-333
- ^ http://ishiq.net/?p=1478
- ^ اورمیه‌نین اینجه‌صنعت حوزه‌سی (حوزه هنری). آرشیولنیب اصلی نۆسخه‌دن on 2014-04-13. یوْخلانیلیب2015-08-02.