دومانلی تبریز (وئریلیش)

دومانلی تبریز (رومان) ایله قارؽشدؽرؽلمامالؽدؽر.

دومانلی تبریز محمدرضا ورزینین یؤنتمنلیگی ایله و کوروش تهامی، جمشید مشایخی، محمد مطیع، محمدرضا شریفی نیا، حسام نواب صفوی، الهام حمیدی، داریوش کاردان، رزیتا غفاری، سعید امیرسلیمانی، ارژنگ امیرفضلی، سیدجواد هاشمی، ژیلا سهرابی، زهیر یاری، حسین محب‌اهری، شهرام عبدلی، امیر دژاکام، چنگیز وثوقی، ولی الله مومنی، امیر یل ارجمند، رامین راستاد، کمند امیرسلیمانی، کامران تفتی، عنایت بخشی، رضا فیاضی، علیرضا علیا، لیلا زارع زاده، امیر مهدی کیا، علی کریمی پور و فقیه سلطانینین ایونچولوقلاری ایله قدیم تبریزه گؤره بیر تلویزیون سریالی‌دیر.

قونو

بو تاریخی سریال فتحعلی شاه و عباس میرزا زامانی روسیه ایله ایراننین ساواشلارینی تصویر ائدیب و بو ساواشلارین باشلانیشیندان عباس میرزانین اؤلومونه قدر ناغیلچیسی‌دیر. سریالین چکیلیشلری اۆچون تبریزین 200 ایل بوندان اؤنجه تصویر اولوندوغو دئکوراسیون قورولموشدور. دئکوراسیونا تبریزین بؤیوک سالونو، شهرین بؤیوک مئیدانی، جمعه مسجید، شهرین گیریش قاپی‌سی، تبریزین حکومت ائوی (دارالحکومه) و بیر نئچه تاریخی ائو سئچیلمیشدیر.

روْللار

• کوروش تهامی، عباس میرزا رولوندا
• ارژنگ امیرفضلی، خواجه یعقوب رولوندا
• حسین محب اهری، میرزاابوالحسن شیرازی رولوندا
• زهیر یاری، گریبایدوف رولوندا
• ژیلا سهرابی، خاتون رولوندا
• سید جواد هاشمی، میرزا مسیح مجتهد رولوندا
• مسعود عجمی، ارنست ژوبر رولوندا

دوبلاژ

بو سریال سهند کانالیندا سریالین اصلی دیلی، فارسجادان تورکجهیه دوبلاژ اولدو. بو دوبلاژ ایشینده 120 دوبلور کی اولاردان 22 درجه بیر، 18 درجه ایکی و 80 درجه اوچ دوبلوردورلار. بو سهند کانالی‌نین بیرینجی دوبله ائدیلمیش سریالی ساییلیر. سریالین دوبلاژ باشچی‌سی حمید سلیمانی نیا، سسچی‌سی امید بدیعی پور و چئویریجی‌سی‌ده سعید جلوه گریدیرلر.