رضا ایتگین

ویکی‌پدیادان، آچیق بیلیک‌لیک‌دن

رضا ایتگین آدی ایله تانینان رضا اسلام طلب اکبری (د. ۱۳۱۶ ـ تبریز؛ اؤ: ۲۳ آذر ۱۳۹۶ ـ تبریز) چاغداش آذربایجانلی شاعیر.

حیاتی[دَییشدیر]

رضا ایتگین 1316ینجی گونش ایلینده یوخسول بیر عائله‌ده تبریز شهرینین گامیش‌آوا محله‌سینده دونیایا گؤز آچدی. معیشت آغیرلیغی اونا مستمر تحصیل آلماق امکانی وئرمه‌دی و رضانین یئنی‌یئتمه‌لیک ایللری فرش دزگاهلاری‌نین دالیندا و توخوجولوقلا کئچدی. سونرالار گنج رضا اؤز معیشتینی تاکسی سوروجولوگی‌ایله تامین ائتمکه چالیشدی و ایللر بویو تبریز شهرینده تاکسی سوروجوسو صفتیله چالیشدی. انقلابدان سونرا او پئشه‌سینی دییشیب و باشماقچیلیقلا مشغول اولدو. بو پئشه‌ده رضا ایتگین سون ایللره‌دک چالیشدی.

رضا ایتگین هله گنج‌ایکن آذربایجان ادبیاتینا خصوصیله شعرینه ماراق گؤستردی. شعرلری مضمون اعتباریله انسان‌سئورلیک و بشری ایده‌آللاریلا دولغون و فورم آعتباریله آذربایجان شعرینین دوغما وزنی- هجا وزنینده و کلاسیک عروض وزنینده اولموشدور. انقلابین ایلک ایللرینده او تبریز ادبی انجومنلرینین فعال عضوی کیمی‌ چیخیش ائدیردی. اثرلرینین بیر چوخو دؤرو مطبوعات خصوصیله استاد شیدانین تشبثوایله تبریز شهرینده نشر اولان “فروغ آزادی” روزنامه‌سی‌نین تورک دیلینه اؤزل صحیفه‌سینده یاییلیردی.[۱]

ایتگین، ۱۳۹۰.جی ایلین آذر آیی‌نین 23ینده چرشنبه گونونون سون آنلاری تبریز شهرینده دونیادان گؤز یومدو.[۱]

قایناق[دَییشدیر]

  1. ^ ۱٫۰ ۱٫۱ تانینمیش آذربایجان شاعری “رضا ایتگین” آرامیزدان کؤچدو (ایشیق سایتی).