رعنا زارع
| رعنا زارع | |
|---|---|
 | |
| آد | رعنا زارع |
| قیسا بیلگی | شاعير / یازار/ ترجومه‌چی |
| دوْغوم تاریخ | 1367 ه.ش آبان آیی تبريز |
| میللیت | ايران |
| تحصیل | كارشناسى حقوق |
رعنا زارع ایران آذربایجان تبریزلی چاغداش تورکجه یازان شاعیر، یازار و ترجومه‌چی‌دیر.
ياشاييش[دَییشدیر]
۱۳۶۷ اینجی گونش ایلی نین آبان آیینین ۲۴ اونجو گونو، قوجامان تبریزین شاه‌گؤلو محللینده دونیایا گؤز آچدی.
عائله‌نین ۵ اینجی اوشاغی اوْلوب ،۱۴ یاشیندان شعر یازماغا باشلادی.
یوکسک تحصیلاتینیا آمار اوخویاراق باشلایان شاعیر،سوْنونجو ترم‌لرده اینصیراف وئره‌رک، حقوق اوخوماغا قرار وئریب و همن بۇ بؤلومدن تحصیلاتینی تاماملادی. ۱۳۸۹-نجی ایلده حیاتینی حقوق اوخویان افشین مهدیزاده ایله بیرلشدیردی.
١٣٩٧ ايلينده اورهان آدلی بیر اوغلو اولدو.
١۴٠١ده حيات یولداشیندان یولونو آییردی.
اثرلرى[دَییشدیر]
چوخراق درگی‌لرده اؤرنه‌یین: آفتاب آذربایجانین نئچه ساییسیندا، اوْلدوز درگیسی، باکی‌نین ادبیات ،آغ‌ساققاللار قزئته‌سینده، اورمونون آغری قزئتینده، تورکیه‌نین kardeş kalemler درگی‌سینده، وارلیق و ... شعرلری چاپ اوْلدو.
1391 ایلینده ایلک شعر کیتابینی "بیر کامیون قورخو " آدیندا چاپا یئتیردی.بو کیتابدا کئچیریلن سوسیال(اجتماعی) فضالار، 1394 ایلینده چاپ اوْلان "سارایین سون اعترافلاری" آدلی کیتابدا ایز سوردو و دئمک اولار شعرلرین بۇ روحو و شاعیرین اینسان و توپلوم‌لا اوْلان دوشونجه‌سی بۇ کیتابلارین اوخونولماسیندا ائتگی بوراخدی.عئینی حالدا بیرینجی کیتابی،ایکینجی چاپلا یاییملاندی.
1395 ایلین شهریورینده بۇ ایکی کیتابین بیرلشیمی " اوشویور کاپشنیم" آدیندا چاپ اوْلوب و بۇ کیتابدان سئچیلن شعرلرله شاعیرین اؤز سسی‌ایله دکلمه آلبومو،اوشویور کاپشنیم آدیندا بؤیوک آذربایجانا سونولدو.
1401ایلینین پاییزیندا، هاشم خسروشاهی‌نین " ölümü gözlerinden gördüm" آدیندا اولان اؤنملی رومانی‌نی استانبول تورکجه‌سیندن، فارسجایا چئویردی و بو کیتاب " مرگ را از چشم‌هایش دیدم" آدی‌له آلمان‌دا یاییملاندی.
یارادیجی لیق لاریندان اؤرنك[دَییشدیر]
- ساچلاریم آزادلیق بایراغی‌دیر
ایپی چکدیکجه اوجالاردا اسه‌جه‌یم !
- سونرا دئییرلر ترک ائت!
بوراخ!
ایشدن آتیلان گون
آتام آسیلان گون
آنام یاتاق‌لاردا یاتان گون
آخ!
وطنیم ساتیلان گون
اونونلا آلیشیب
اونونلا یاندیم
بو یانار سیگار سؤنمه‌یه‌جک‌دیر!
- سن اؤزگه‌لرین داماق دادی‌سان
دیلیمه پای چیخیر سنی سئودیک‌جه!
- منی اؤلدورمه‌یه ایپ گرک‌لی دئییل
دار آغاجلاری چوخدان‌دیر مونافیق اولوب
منی اورمونون بیر قاشیق سویوندا بوغون!
قایناقلار[دَییشدیر]
اوشویور کاپشنیم کیتابینین بیوگرافی‌سی
اولدوز درگیسی(شاعیرله سؤیله‌شی)