زیور بیگ احمدبیگوف
زیوربیگ احمدبیگوف Zivər bəy Əhmədbəyov | |
|---|---|
 | |
| دوغوم | ۱۸۷۳ |
| اؤلوم | 1925 (یاش 51–52) |
| تحصیل یئری | سنت-پتربورق دؤولت معمارليق و اينشاات بیلیم‌یوردو |
| تانینماق سببی | تزه‌پیر مسجیدی |
| علمی منسبی | |
| ساحه‌لر | معمار |
| مؤسیسه | باکی قوبرنیاسی |
زیوربیگ گرای‌بیگ‌اوغلو احمدبیگوف (۱۸۷۳، شاماخی – ۱۶ فوریه ۱۹۲۵، باکی، آذربایجان (شوروی) – ایلک عالی تحصیللی آذربایجانلی معمار.
یاشاییشی [دَییشدیر]
زیوربیگ احمدبیگوف ۱۸۷۳-جو ایلده شاماخی شهرینده دوغولوب. اورتا تحصیلینی شاماخی‌دا آلمیشدیر. ۱۹۰۲-جی ایلده سنت پترزبورق اینشاات موهندیس‌لری اینستیتوتونو بیتیرمیشدیر. ۱۹۱۰-جو ایلدن باکی شهرینده یاشاییب. ۱۹۰۲-۱۹۱۷-جی ایللرده ز.احمدبیگوف باکی قوبرنیاسی‌‌نین ایداره‌سینده سونرا ایسه باکی شهر ایداره‌سینده معمار ایشله‌میشدیر. آذربایجان خالق جومهوریتی اعلان اولوندوقدان سونرا باکی شهرینین باش معماری اولوب.
۱۹۲۲-جی ایله کیمی باکی شهرینین باش معماری اولموشدور. شاماخی‌دا جومعه مسجیدی‌نین، ایمام مسجیدی‌نین، باکی‌دا تزه‌پیر مسجیدی‌نین، گؤی‌چایدا ابولفضل عباس مسجیدی‌نین[۱] (۱۸۹۸-۱۹۰۲)، امیرجاندا مرتضی موختاروف مسجیدی‌نین (۱۹۰۸) (مسجیدی کربلایی احمد تیکیب) و ولادی‌قافقازدا بیر سیرا یاشاییش، معیشت بینالاری اونون لاییحه‌سیله تیکیلمیشدیر.
امیرجاندا لاییحه‌سینی وئردیگی مسجید ایسه شرق معمارلیغی‌نین ان یاخشی اینجی‌لریندن بیری کیمی یونسکو-نون تاریخی آبیده‌لر سیاهی‌سینا سالیناراق قورونور.
ز.احمدبیگوف اؤز لاییحه‌لرینده غربی اوروپا و شرق معمارلیق عنعنه‌لرینی بؤیوک مهارتله بیرلشدیریردی. باکی‌دا گؤز‌حکیم‌لیگی اینستیتوتونون بیناسی و اونون لاییحه‌سیله تیکیلن بیر سیرا یاشاییش بینالاری بو گون قالماقدادیر.
۱۹۱۷-جی ایلده ز.احمدبیگوف "ایسلام مدنیت آبیده‌لرینی قورویان" ، ۱۹۱۹-جو ایلده ایسه شاماخی‌دا مدنیت آبیده‌لری‌نین اؤیره‌نیلمه‌سی ایله مشغول اولان "یئنی شیروان" جمعیت‌لرینی یارادیر.
زیوربیگ احمدبیگوف ۱۹۲۵-جی ایلده باکی‌دا اینتیحار ائدیب.
ایرث[دَییشدیر]
زیوربیگ احمدبیگوفون شاماخی‌داکی ایکی ائویندن بیری بوگونه‌د‌ک قورونوب ساخلانیلیر. شیروانشاه ابراهیم کوچه‌سینده یئرلشن و احمدبیگوفون اؤز لاییحه‌سی اساسیندا تیکیلن بو بینا قیش ائوی کیمی ایستیفاده ائدیلیب. سونرالار ساتیلان و شوروی رژیمینده ایستیثمار اولونان تیکیلی داها سونرا صاحیب‌لری طرفیندن یئنیدن الده ائدیلیب.[۲]
۲۶ مئی ۲۰۱۱-جی ایلده باکی‌دا "نظامی" متروایستگاهی قارشیسیندا زیوربیگ احمدبیگوفون هئیکلی‌نین و اونون آدینی داشییان پارکین آچیلیشی اولوب. پرزیدنت الهام علی‌یئف مراسیمده ایشتیراک ائدیب.
پارکین قارشیسینداکی بینا زیوربیگ احمدبیگوفون لاییحه‌سی اساسیندا اینشا ائدیلیب.
ایشلری[دَییشدیر]
- گؤی‌چای شهرینده ابوالفضل عباس مسجیدی (۱۹۰۲)
- تزه‌پیر مسجیدی (۱۹۰۵-۱۹۱۴)
- موختاروف مسجیدی (۱۹۰۱-۱۹۰۸)
- سعادت مکتبی (۱۹۱۲-۱۹۱۳)
- اژدربیگ مسجیدی (۱۹۱۲-۱۹۱۳)
- میخایلوف خسته‌خاناسی‌نین کورپوسو (۱۹۱۲-۱۹۱۳)
- اوشاق خسته‌خاناسی (۱۹۱۴-۱۹۱۸)
- یاشاییش بیناسی (۱۹۱۴-۱۹۱۶)
- موسکو دؤولت الیازمالار اینستیتوتو،۲۰۱۰-جو ایل
قالری[دَییشدیر]
اتک‌یازی‌لار[دَییشدیر]
- ^ Göyçay şəhər Mərkəz məscidi
- ^ ARB Şəki. "Azərbaycanın ilk memarının Şamaxıdakı evi" (az.). Youtube.com. 04.05.2020. İstifadə tarixi: 2020-05-04.