عتیقه سولطان

ویکی‌پدیا، آچیق بیلیک‌لیک‌دن
پرش به ناوبری پرش به جستجو

عتیقه سولطان یا بورناز عتیقه سولطان (دوغوم: ۱۶۱۴، ایستانبول- اؤلوم: ۱۶۷۴(؟)، ایستانبول) عثمانلی پادیشاهی بیرینجی احمد ین کؤسم سولطاندان دوغما قیزی، دؤردونجو مورادین باجیسی، شاهزاده قاسیمین ائکیز تایی و بیرینجی ایبراهیمین باجی‌سی‎دیر.

حیاتی[دَییشدیر]

۱۶۱۴ ایلینده توپ‌قاپی ساراییندا ایستانبولدا دونیایا گلدی و شاهزاده قاسیمین ائکیز باجیسی اولماسی ائحتیمالی یوکسکدیر و قارداشی ایبراهیمدن بیر ایل اؤنجه دونیایا گلمیشدیر. کؤسم سولطانین سون دونیایا گلن قیزی ایبراهیمین آتاسی ۱۶۱۷ده وفات ائتدیگینده هله ۳ یاشیندا ایدی. بونون آردینجا عمیسی بیرینجی موصطافا تاختا چیخدی آنجاق بیر نئچه آیدان سونرا تاختدان ائندیریلدی و یئرینه قارداشی ایکینجی عوثمان پادیشاه اولدو. او آناسی ایله بیرلیکده اسکی سارایا گؤندریلدیلر. ۱۶۲۳ده دیگر قارداشی دؤردونجو موراد تاختا چیخدی و کؤسم سولطان والیده سولطان اولدو. او دؤنم عثمانلی دؤولتی بیر بؤحرانلا اوزله‌شیب و کؤسم سولطان قیزلارینی صادیق دؤولت آداملارینا وئرمیشدیر. خانزاده سولطان ۱۶۲۳ده بایرام پاشایا، گؤوهرخان سولطان ۱۶۲۴ده توپال رجب پاشایا، عایشه سولطان ۱۶۲۵ده حافیظ احمدپاشایا و فاطماسولطان ۱۶۲۶دا قاراموصطافا پاشایا وئریلدی. عتیقه سولطان دا گنجلیگینده جعفرپاشا ایله ائولندیریلمیشدیر. بیرینجی ایبراهیمین ایلک قادینی تورخان سولطانین سارایدا تربیه‌سی ایله اؤزل اولاراق عتیقه سولطان وظیفه‎لندیریلمیشدی و دؤردونجو محمده مربی‌لیک یعنی تربیه و یئتیشمه‌سینده یاردیملاری اولموشدور. اؤنجه جعفر پاشا ایله، سونرا ۱۶۳۳ده گورجو اولان قوجا کنعان پاشا ایله ائولندی. ۱۹ ایل داوام ائدن بو نیکاحدان سونرا کنعان پاشا ۱۶۵۲ ایلینده ایکینجی وزیر ایکن وفات ائتدی و عتیقه سولطان دول قالدیقدان سونرا همین ایل دوغانجی یوسوف پاشا ایله ائولندی. بیلینن بودور کی اوشاغی یوخدور.

اؤلومو[دَییشدیر]

اؤلوم تاریخی قطعی اولمادیغینا باخمایاراق ۱۶۷۴ ایلی اولدوغو دوشونولور. وفاتیندان سونرا ایاصوفیه مچیدینده قارداشی بیرینجی ایبراهیمین یانیندا دفن ائدیلمیشدیر.

خالق کولتورونده‌کی یئری[دَییشدیر]

مؤحتشم یوز ایل کؤسم آدلی تاریخی تورک سریالیندا ائجه چئشمی‌اوغلو طرفیندن جانلاندیریلاجاقدیر.

قایناقلار[دَییشدیر]