فاضل مقداد

ویکی‌پدیا، آچیق بیلیک‌لیک‌دن
پرش به ناوبری پرش به جستجو

ابوعبدالله مقداد بن عبدالله، فاضل مقداد یا فاضل سُیوری لقب لری ایله آدلیم، قمری دوققوزونجو یوزایلین فقیه لریندن دیر. فاضل مقداد، کلام، فقه، اصول، معانی و بیان، قرآن، حدیث و منطق علم لرینده باجاریقلی ایدی و شیعه و سنّی بیلگین لری یانیندا آدلیم اوْلان اثرلری واردیر. سیوری، اسدی، غروی و شهید اول-ین شاگیردی دا آدلاندیریلمیش دیر. دوغوم یئرینه اعتباراً سُیُوری-یه شهرتلی دیر. سُیور عیراغین حلّه شهَرینه یاخین بیر کنددیر. سیور حله نین تابع لریندن اولماق اوچون حلّی لقبینه ده شهرتلنمیش دیر و خاندانی اشرف نجف عرب لری نین بیلگین لریندن اوْلوب و نسبی بنی اسد قبیله سینه چاتیر. بنی اسد اهالی سی شیعه ایدی لر و عیراغین فرات چایی نین یاخینلیغیندا یاشایاردی لار. فاضل مقداد، اسلامی علم لری نین مقدماتی اؤگرنیمی نی حله و بغداد شهرلرینده قورتاردی و اؤگرنیم آردی اوچون مقدس اشرف نجفه گئتدی و فقه و اصول و کلام بیلیم لرینده عالی اؤگرنیمی ده ائله او حوزه ده دوام وئردی. او مقدس شهرین بؤیوک بیلگین لر و فقیه لری نین علمیندن فایدالاندی. قاضل مقداد تحقیق و آراشدیریم یولوندا چوخ تلاش لار ائدیب و علم و فضلین اوجا مرحله لرینی کئچیرتمکله عقلی و نقلی علم لرین ییغیجی سی اوْلوب و اجتهاد مرتبه سینه چاتدی و مرجع لیک مقامینی عهده سینه آلدی.

اوستادلاری[دَییشدیر]

ایلک شهید (محمّد بن جمال الدین مکی)، فخر المۆحقیقین (محمّد بن حسن بن یوسف بن علی بن مطهر حلّی)، سید ضیاء الدین عبدالله الاعرجی و سید عمیدالدین

اثر لری[دَییشدیر]

النافغ یوم الحشر: علّامه حلّی نین(متوفا: ۷۲۶ ق.)«باب حادی عشر» کتابی نین شرحی دیر. بۇ کتابا چوخ شرح لر یازیلمیش دیر آنجاق اونلارین آراسیندا فاضل مقدادین شرحی اوبیری لردن داها چوخ علمیه حوزه لرینده بیلیم و اؤگرتیم اهلی نین نظری نی جلب ائتدیب و دفعه لرجه باسیلمیش دیر

اونون باشقا اثرلری «اللوامع الالهیه» و «نضد القواعد«قواعد الفقهیه»، «نضد القواعد»، «المسائل المقدادیه» و «ارشاد الطالبین» کی علامه حلی نین کلام بیلیمینده یازمیش «نهج المسترشدین» آدیندا کتابی نین شرحی دیر. «کنز العرفان فی فقه القرآن» دا فقه بیلیمینده دیر.

شاگیردلری[دَییشدیر]

۱. جمال الدین احمد بن محمّد بن فهد حلّی

۲. حسن بن راشد حلّی

۳. حسن بن محمّد بن حسن نجفی،

۴. حسین بن فخر الدین بن سفر الله، علاء الدین مظفر-ه شهرتلی

۵. سیف الدین شغرابی.

۶. شرف الدین مکی.

۷. ظهیر الدین بن الحسام

۸. عبدالله بن مقداد: فاضل مقدادین اوغلودور است. آتاسی ۷۹۴ ق. ایلینده «الاربعون حدیثاً» کتابینی اونا یازمیش دیر.

۹. علی بن الحسن بن علاله یا «علا» یا «علالا»؛

۱۰. علی تولینی نحاریری عاملی

۱۱. علی بن عبدالعالی المیسی العاملی

۱۲. سید رضی الدین بن عبدالملک، الواعظ القمی

۱۳. شیخ قاسم الدین

۱۴. محمّد بن شجاع القطان الانصاری الحلی 15

اؤلوم[دَییشدیر]

فاضل مقداد قمری ۸۲۶ ایلینده ۸۰ یاشیندا دنیایا گؤز یومدو.