سید محمدتقی مدرسی
| بیلگی‌لری | ||
|---|---|---|
| کامل آدی | سیدمحمدتقی مدرسی | |
| لقبی | آیت‌الله | |
| نسب | سادات حسینی | |
| دؤغوم گونی | ۱۳۲۴ (۷۹ یاش) | |
| دؤغوم یئری | کربلا،  عراق
| |
|
| ||
سیّد محمدتقی مدرسی شیعه تقلید مرجعیدیر . اوْ کربلادا یاشاییر.
یاشاییش[دَییشدیر]
1324 ایلینده کربلا شهرینده روحانی بیر عایله ده دنیایا گلدی. اتاسی سید محمدکاظم مدرسی کربلانین علمیه حوزه سینده آدلیم اوستادلاردان ساییلیردی جدی ایسه سیدمحمدباقر مدرسی اؤز چاغی نین مرجع لریندن ایدی. آناسی طرفیندن شیرازی خاندانینا چاتیر. آناسی میرزا مهدی شیرازی نین قیزی و مرجع سیدمحمد شیرازی باجی سی ایدی. مجدد یا یئنیلییجی مرجع میرزه شیرازی اینگیلیستان استعماری قارشی سیندا تانباکی فتواسی نین صاحبی و میزره محمدتقی شیرازی اینگیلیستان استعماری قارشی سیندا عیراقین 1920 انقلابی نین رهبری بو خاندان دان دیر. مدرسی نین، صالح، محمدرضا، مرتضی، محسن، سجاد، صادق آدلاریندا اوغلو واردیر. 400دن آرتیق کتاب، موختلیف موضوع لاردا یازمیشدیر.
کؤچوم لر[دَییشدیر]
مدرسی عیراقدا بعث حکومتی قارشی سیندا چالشماغی اۆچون و حکومت، قارشی سیندا چالشان اوستاد لاری سیخنتییا قویماق اۆچون عیراق دان چیخیب و کووئیته کؤچدو. بیرمدتدن سونرا ایرانین 1357ده اسلام انقلابی ایله ایرانا کؤچدو و چالیشمالارینی ایراندا دوام وئردی. بعث حکومتی ییخیلاندان سونرا کربلایا قاییتدی.
کتاب لاریندان[دَییشدیر]
فلسفه موضوع لاریندا و اسکی یونان و غربین بوگونکو و اسلامی فلسفه لرینی توتوشدورماق قونوسوندا کتاب لار یازمیش:
الفکر الاسلامی مواجهة حضاریة، المنطق الاسلامی اصوله و مناهجه العرفان الاسلامی مبادئ الحکمة.. تقریبا 426 کتاب اسلامی تاریخ اۆچون یازمیش و اسلام نبی سی و شیعه امام لاری ایله ایلگیلی کتاب لاری بو مجموعه دن سایماق اولار و هابئله اسلامی موضوع لاردا باشقا کتاب لاری دا واردیر: التشریع الاسلامی (۷ جلدی ایندی یه دک باسیلمیش) الوعی الاسلامی الفقه الاسلامی التمدن الاسلامی العمل الاسلامی المنهج الاسلامی مدرسی نین ان اؤنملی یازدیق لاریندان قرآنین بوتون تفسیری، «تفسیر من هدی القرآن» (یؤنلتمه تفسیری)-نی سایماق اولار.