قاراچوخا (رومان)
قاراچوخا (رومان) «قاراچوخا» آذربایجان تورکجه¬سینده یازیلمیش قیسا بیر رومان دیر، یازاری ایسه ناصر منظوری¬ دیر. بو رومان ایلک دؤنه ۱۳۷۳ (۱۹۹۴)-ده تهراندا چاپ اولونوب. رومانین آدی آذربایجان فولکلورونداکی هر بیر کسین وارلیغیندا قارووولچو کیمی سانیلان «قاراچوخا»-دان آلینیبدیر. بو رومان ایکی بؤلومده یازیلیبدیر. اوز-بنیزسیز بیر کاراکتئر قاتار‍لا اؤز یوردونا قاییدیر. قارانلیقدا قاتاردان ائندیکده «ایلقار عمی» آدلی بیریسی¬له اؤزله¬شیر. ایکی گئجه اونونلا داغدا کئچیردیر. سیرلارلا دولو اولان او ایکی گئجه¬ده، ایلقار عمی اؤز عؤمرونده گؤردویو اوچ «سورگون»ـدن دانیشیر. بو رومانین روایتی اؤزل بیر سایاقدا دیر. نیيه کی، راوی، بیرینجی کاراکتئری «سن» دئدیکده خطاب ائدیر؛ سانکی، راوی ایله بیرینجی کاراکتئرین آراسیندا اؤزل بیر بیرگه¬لیک وار دیر. ناصر منظوری¬نین باشقا رومان¬لاری کیمی، بورادا دا قاتارین رئال-سیمبولیک بیر رولو وار دیر.