قارا صاندیق قبریستانی
| قارا صاندیٛق قبریستانیٛ | |
|---|---|
 | |
| آد | قارا صاندیٛق قبریستانیٛ |
| اؤلکه |  ایران |
| اوستان | غربی آذربایجان |
| بؤلگه | اورمیه |
قارا صاندیق قبریستانی یوخسا قره صاندیق قبریستانی باتیٛ آذربایجان بؤلکه‌سی‌نین مرکزی اولان اورمیه شهرینده، گؤل اوستو مئیدانینا یاخیٛن و جیلولوق سوی‌قیٛریٛمیٛ دؤنمینه قاییدان بیر تاریخی قبریستاندیٛر.[۱][۲]
تانیتیمی
[دَییشدیر]
قارا صاندیق قبریستانی، ایندیلیکده، اورمیه‌نین مدنی خییاوانیندا، عسگرخان محلله‌سینین اوزبه‌اوزونده و گؤل اوستو مئیدانینا قالاندادیر. ایندی بو قبریستانین یئری دوکان اولوبدور. «قارا صاندیق مزارلیغی» غرب دؤولت‌لری‌نین موداخیله‌سی‌نین و آذربایجان موسلمان‌لاری‌نین سویقیریمی‌نین جانلی و آیدین سندی‌دیر. بو فاجعه‌لرین شاهیدی اولان رحمت الله توفیق بیر واخت‌لار میرزه محمودون امری ایله جنازه‌لرین کوتلوی شکیلده باسدیریلماسینی اؤز اوزرینه گؤتورموشدو، اورمیه تاریخی‌نین ۲۳-۲۴-جو صحیفه‌سینده یازیر: کوچه‌لردن، خیابان‌لاردان ییغیب چوخ بؤیوک بیر چوخوردا اوست-اوسته ییغیب باسدیردیق. تؤوفیق یالنیز محاربه‌نین اوچونجو گونو، یعنی ۵ مارت ۱۲۹۶-جی ایل بازار گونو اؤلن‌لرین سایینی ۱۰٫۰۰۰ نفر کیمی قئید ائدیر. «بازار گونو باش وئرن قتل عام‌دا موسلمان‌لارین ایتکی‌لری‌نین سایی اون مین نفره چاتیب، او جمله‌دن قادین‌لار، اوشاق‌لار، قوجا‌لار و جاوان‌لار».[۳]
۱۳۹۱-جی ایلده‌کی قازینتیلار
[دَییشدیر]
۱۳۹۱-جی ایلده اورمیه شهرینده جیلولوق فاجعه‌سینده ائرمنی‌لر طرفین‌دن حاق‌سیز یئره قتله یئتیریلن تورک‌لرین جسدلری‌نین تاپیلدیغی تاریخی قبیریستانلیغین قالیق‌لاری اوزه چیخدی. نسه رسمی خبر آژانسلاری بو قتلی عام سندلرینی دانماغا چالیشدیلار. [۴] غربی آذربایجانین مدنی ارثی اوزره اوزمان رضا حیدری‌نین سؤزلرینه گؤره، قارا صاندیق‌دا اورمیه موسلمان‌لاری‌نین کوتلوی جسدلرین‌دن باشقا، بو قبیریستانلیغین آشاغی طبقه‌لرینده ایسلام سیویلیزاسیاسی‌نین ایزلری و شیرلی قاب‌لار و یئددی رنگ‌لی شوشه‌لر گؤرونور. شرق طرفده بو اراضیده ائکسکاواتورلا چوخور قازیلارکن ایسلام دؤورونه عایید گؤزل ناخیش‌لی ساخسی قاب‌لار و شیرلی قاب‌لارین قالیق‌لاری الده ائدیلمیش‌دیر. بو یئرده تونئل ده گؤرولوب کی، بو دا بو یئرده تاریخی سو کمری‌نین مؤوجودلوغون‌دان خبر وئریر.[۵]
قایناق‌لار
[دَییشدیر]- ^ آنایول سایتی؛ نگاهی بر قبرستانهای تاریخی اورمیه
- ^ آنادولو خبر آژانسی
- ^ محمدعلی ارجمندی، نشریه آغری ـ شماره ۱۳۶
- ^ ایرنا خبر آژانسی
- ^ https://gunaz.tv/fa/post/43568