قمر الماس‌زاده

قمر الماس زاده
آد	قمر حاجی‌آغا قیزی الماس‌زاده
دوْغوم تاریخ	10 مارس 1915 باکی روسیه ایمپیراتورلوغو
اؤلوم تاریخ	7 آوریل 2006 (91 یاشیندا) باکی آذربایجان جومهوریتی
مزارلیغی	باکی فخری خیابان
وطن‌داشلیق	آذربایجان
ایش	بالرین

قمر حاجی‌آغا قیزی الماس‌زاده (10 مارس 1915، باکی– 7 آوریل 2006، باکی) — آذربایجانین ایلک بالرینی، باله‌‌اوستادی، پداقوق، س‌س‌ری خالق آرتیستی (1959). او، 1953–1972-جی ایللرده آذربایجان دؤولت اوپرا و باله تئاتریندا باش باله‌اوستادی، 1972–1988-جی ایللرده ایسه باله قروپونون بدیعی رهبری اولموشدور. 

یاشاییشی

  قمر الماس‌زاده (تامارا لقبی ایله ده تانینان) 10 مارس 1915-جی ایلده باکی شهرینده چکمه‌چی عاییله‌سینده آنادان اولوب. اوشاق‌لیقدا باله‌ ایله مشغول اولان دوستو اوندا بو صنعته ماراق اویاندیریب. موحافیظه‌کار موسلمان آتاسیندان گیزلی اولاراق دوستونون مصلحتی ایله اؤزل باله استودیوسونا یازیلیر (داها سونرا استودیاو باکی رقص مکتبینه چئوریلیر). آتاسینی باله ایله یوخ، ایدمانلا مشغول اولدوغونو ایناندیرا بیلیر. لاکین بیر نئچه ایلدن سونرا سیررین اوستو آچیلیر. آتاسی اول‌لر غضب‌لنسه ده، سونرالار تئاترا گیزلیجه گلیر و قیزی‌نین چیخیش‌لاریندا تاماشاچی‌لار آراسیندا تئز-تئز گؤرونور.

  بسته‌کار افراسیاب بدل‌بیلی ایله 1931-جی ایلده قوردوغو ائولی‌لیک اؤولادلاری اولمادیغیندان  " قیز قالاسی‌"  باله‌سیندن آز سونرا بوشانما ایله نتیجه‌له‌نیر. صنعت باغلی‌لیق‌لاری ایسه ایللرله داوام ائدیر.

صنعتی

  1930-جو ایلده قمر الماس‌زاده رقص‌ مکتبینی بیتیریب آذربایجان دؤولت اوپرا و باله تئاتریندا ایشله‌مگه باشلاییر. بو آرادا همچنین عالی پداقوژی مکتبینه ده داخیل اولور. 1932-ده Reynhold Qlierin   " شاه‌ صنم "  اوپراسیندا ایکینجی درجه‌لی رولا سئچیلیر. 1933-جو ایلده ایندیکی سانکت-پتربورقدا لنینقراد رقص مکتبینه داخیل اولور و اورادا مشهور بالری‌ قالینا اولانووانین آناسی ماریا رومانووانین صینفینده اوخویور. 1936-جی ایلده عالی مکتبی بیتیریب باکی یا قاییدیر. 1937-جی ایلده آذربایجان دؤولت فیلارمونیسی‌نین نزدینده آذربایجان دؤولت ماهنی و رقص آنسامبلی‌نین اساسینی قویور. اوزئییر حاجی‌بیگوفون رهبرلیگی ایله آذربایجان ایالت‌لرینه علمی سیاحت تشکیل ائدیب ایلک منبعدن خالق رقص‌لری حاقیندا معلومات توپلاییر. 1939-جو ایلده باکی رقص مکتبینده ایلک رقص درسینی دئییر. داها سونرا همین مکتبین دیرکتورو اولور. 1940-جی ایلده افراسیاب بدل‌بیلی نین  "قیز قالاسی‌"  باله‌سینده ایلک پئشه‌کار چیخیشینی ائدیر. سونرالار فرانسه‌ده، هیندیستاندا، نپالدا دا چیخیش ائتمیشدیر. 1970-جی ایلده باغدادا عراق خالق رقص‌لری آنسامبلینی قورماق اوچون دعوت اولونور. 1950-جی ایللرده باله‌نی ترک ائتسه ده، 1990-جی ایللرین سونونا قدر باکی رقص مکتبی‌نین دیرکتورو کیمی چالیشیر. 

قورولوش وئردیگی اثرلر

•  " ترلان "  باله‌سی (1940) — رقص مکتبی 
•  " قیز قالاسی "  باله‌سی (1940، 1958، 1977)
•  " گولشن "  باله‌سی (1949، 1951، 1959) 
•  " دوکتور آیبولیت "  باله‌سی (1949) 
•  " باخچاسارای فونتانی "  باله‌سی (1951) 
•  " یئددی گؤزل "  باله‌سی (1952) 
•  " قیرمیزی لاله "  باله‌سی (1954) 
•  " یاتمیش گؤزل "  باله‌سی (1955) 
•  " لاورئنسیا "  باله‌سی (1956) 
•  " قیزیل آچار "  باله‌سی (1957) 
•  " آرلکینادا "  باله‌سی (1959) 
•  " قاراجا قیز "  باله‌سی (1965) 
•  " محصول "  سویتاسی (1959) 
•  " ژیزال "  باله‌سی (1961) 
•  " قو گؤلو "  باله‌سی (1963) 
•  " شور "  باله‌سی (1968) 
•  " دون کیشوت "  باله‌سی (1973) — ل. مینکوسون اثری 
•  " شنلیک رقصی "  باله سی (1973)