منیم ویلام

ویکی‌پدیا، آچیق بیلیک‌لیک‌دن
پرش به ناوبری پرش به جستجو

منیم ویلام، مهران مدیری‌نین یاراتدیغی بیر تلویزیون مجموعه‌سی‌دیر. بو سریال ایکی بؤلوم‌لو دی‌وی‌دی‌لرده هر هفته ائشیگه وئریلیر. مهران مدیری، بوندان قاباق، یاریمچیلیق قالان آجی قهوه‌نی (قهوه تلخ) یارادمیش‌دیر.

قونوسو[دَییشدیر]

منیم ویلام، بیر ۹۰ یاشلی و وارلی کیشی حاقیندادیر کی اؤلمگه یاخین‌دیر. اونون آرواد اوشاغی یوخدور و قارداشلاری دا هامیسی اؤلوبلر. اونون وکیلی وارثلری تاپماق دالیسیندادیر کی بیر رستوران‌دا ایشله‌ین ارسلان و هدایت بونو بیلیب و اؤزلرینی اونون قارداش اوغلانلاری یئرینه وورماق ایسته‌ییرلر.

اویونچولار[دَییشدیر]

بو سریال‌دا سیامک انصاری، برزو ارجمند، کمند امیرسلیمانی، رابعه اسکویی، رضا فیض نوروزی، هادی کاظمی و چوخلو آیریلار رول اویناییرلار.

اؤزل‌لیکلر[دَییشدیر]

DVD9[دَییشدیر]

ایران‌دا ایلک دفعه، ان یوخاری کیفیت‌ده DVD9 اوستونده ائشیگه وئریلیر. بو نؤوع دی‌وی‌دی‌ده یوخاری حجم و هم‌ده چوخلو دوبله اولموش سسلر و آلت‌یازیلار یئرلشدیرمک اولا بیلر. بونا گؤره اصلی فارسجا سس‌دن سونرا، دوبله اولونموش تورکجه و کوردجه سسلر ده ایچین‌ده یئرلشدیریلیب‌دیر.

دوبله[دَییشدیر]

ایران‌دا ایلک دفعه اولاراق، بو سریال تورکجه و کوردجه دوبله ایله ائشیگه وئریلیب‌دیر.

آلت‌یازی[دَییشدیر]

بو سریال فارسجا، اینگیلیسجه، عربجه، تورکجه و کوردجه آلت‌یازیلاری ایله بیرلیک‌ده ائشیگه وئریلیب‌دیر.

اؤدول[دَییشدیر]

بو سریالین قاچاق و کوپی اولماغینین قاباغی آلماغا گؤره چوخلو اؤدول‌لر، اؤرژینال دی‌وی‌دی‌لری آلانلارا وئریله‌جک‌دیر، او جومله‌دن، اوچ ویلا ایرانین قوزئینده و مینلرله ۱۰ میلیون، ۱ میلیون، ۲۰۰ مین و ۵۰ مین تومن‌لیک نقدی اؤدول‌لر.

قیمت[دَییشدیر]

هر دی‌وی‌دی ۳۰۰۰ تومنه ساتیلیر.

زامان[دَییشدیر]

هر بؤلوم یاخلاشیق ۴۰ دقیقه‌دیر و بیر نئچه دقیقه‌ده بؤلوم‌دن قاباق رئکلاملار گؤستریلیر.

ائشیک باغلانتیلار[دَییشدیر]