ویکی‌پدیا:سئچیلمیش مقاله معیارلاری
| سئچیلمیشلر:
سئچیلمیشلر ابزارلاری:
|
سئچیلمیش مقاله ویکی‌پدیانین ان ياخشی مقاله‌لرینه وئریلن ایستاتوسدور. سئچیلمیش مقاله‌نین اوست ساغ کونجونده قیزیلی رنگده کیچیک اولدوز نیشانی قويولور.
مقاله‌نین سئچیلمیش مقاله ایستاتوسو قازانماسی اوچون او ياخشی يازیلمیش، احاطه‌لی، دوغرو، طرفسیز و اعتیبارلی اولمالیدیر.
یعنی:
- ياخشی يازیلمیش - مقاله‌نین متنی آيدین طرزده و آذربایجان تورکجه‌سی‌نین بوتون قانونلارینا جاواب وئره‌جک شکیلده اولمالیدیر.
- احاطه‌لی - مقاله موضوع ایله باغلی دقیق قایناقلارا اساسلانان اهمیتلی بیلگیلرله دولغون اولمالیدیر.
- دوغرو - مقاله‌ده ایدیعا ائدیلنلر گئچرلی قایناقلار اؤز تصدیقینی تاپمالیدیر. عکس ایدیعالار منطیقی دلیللرله ایره‌لی سورولمه‌لی و آلترناتیو اعتبارلی قایناقلارلا تصدیق اولونمالیدیر.
- طرفسیز - مقاله صرف علمی معلوماتلارا اساسلانمالی و طرفسیزلیک باخیشلا يازیلمالیدیر.
- اعتیبارلی - مقاله داواملی ديَیشیکلیکلره معروض قالمامالیدیر. واندالیزم سجیه‌لی دَییشدیرمه‌لر لغوی و مقاله‌نین زنگینلشدیریلمه‌سی مقصدی ایله ائدیلن ديَیشیکلیکلر ایستیثنادیر.
- مقاله نه چوخ اوزون، نه ده چوخ قیسا اولمامالیدیر.
- مقاله اولجه لابراتوردان کئچمه‌لیدیر.
- مقاله آذربایجان تورکجه‌سی‌نین گراماتیک قايدالارینا اويغون، ساده و سلیس بیر دیلده اولمالیدیر.
- مقاله اوزرینده قیزغین موباحیثه‌لر گئدن بیر مقاله اولمامالیدیر.
- مقاله‌ده گئنیش قایناق گؤستریلمه‌لیدیر.
- مقاله‌ده شکیللر دوزگون يئرلشدیریلمه‌لیدیر.
- مقاله‌ده مؤلف حوقوقلارینی پوزان ماتریاللار اولمامالیدیر.
سئچیلمیش مقاله نامیزدلیگینه مقاله تقدیم ائدیلمه‌سی شرطلری[دَییشدیر]
- سئچیلمیش مقاله نامزدلیگینه تقدیم ائدیلن مقاله‌لر حتما لابراتوردان کئچمه‌لیدیر.
- "سئچیلمیش مقاله لابراتوری"نا مقاله‌لر يالنیز تجروبه‌لی ایشلدنلر طرفیندن تقدیم اولونا بیلر. مقاله‌نی لابوراتورا تقدیم ائدن ایشلدن ویکی‌پدیادا مقاله‌نی تقدیم ائتدیگی گوندن ان آزی ' 3 آی' اول قئيدیاتدان کئچمه‌لی و ان آزی 1000 دَییشدیرمه صاحیبی اولمالیدیر.
- مقاله "سئچیلمیش مقاله لابراتوری"نا يئرلشدیریلدیکدن سونرا 30 گون عرضینده دَییشدیرمه اولوناراق سئچیلمیش مقاله شرطلرینه جاواب وئره‌جک شکیله سالینمازسا، لابراتوردان چیخاریلیر. همین مقاله "سئچیلمیش مقاله لابراتوری"نا يالنیز ۳۰ گوندن سونرا يئنیدن قايتاریلا بیلر.
- "سئچیلمیش مقاله لابراتوری"ندا تفتیش ائدیلن مقاله‌نین "سئچیلمیش مقاله نامزدی" اولماسینا ' 'تجروبه‌لی ایشلدنلردن (يوخاریدا تثبیت اولونموش شرطلر داخیلینده) هئچ اولماسا اوچو قارشی چیخارسا و بونون سببینی اساسلاندیرارسا، مقاله "سئچیلمیش مقاله نامزدلیگینه" تقدیم ائدیلمیر.
- سئچیلمیش مقاله نامزدلیگینه مقاله‌لر يالنیز "سئچیلمیش مقاله لابراتوری"ندا تفتیش ائدیلدیکدن و يوخاریداکی شرطلره عمل اولوندوقدان سونرا تقدیم اولونور.
- ياخشی مقاله ایستاتوسونا مالیک مقاله‌لر تکمیللشدیریلدیکدن و سئچیلمیش مقاله شرطلری نه اويغونلاشدیریلدیقدان سونرا يالنیز تجروبه‌لی ایستیفاده‌چیلر طرفیندن سئچیلمیش مقاله نامزدلیگینه تقدیم اولونا بیلر.