گولوستان عهدنامه‌سی
گولوستان آنتالاشماسی (روس دیلی: Гюлистанский договор) قاجار دؤولتی و تزاری روسیه دؤولتی آراسیندا باغلانان موقاویله و عهدنامه دیر بو باریشیق ۳ آبان ۱۱۹۲ (۲۵ اکتبر ۱۸۱۳) ایران و روسیه ساوشلاری نا نئچه ایللر سون قویدو.
بو باریشیقدا قفقاز و بوتون ارسدن یوخاری ایالتلر روسیه دؤولتینه وئریلدی.ایروان ,باکو, شیروان ,قره باغ ,جورجیستان , شکی و ... چوخلوجا ارس چایندان یوخاری شهرلر ایراندان آیریلیب و روس دؤولتینه وئریلدی.
قفقازدا گولوستان کندینده ایران و روسیه باریشدیلار و اینگلیس سفیری سر قور اوزلی بو عهدنامه نی یازدی و روسیه و ایران ایمضاء ائتدیلر.
بو عهدنامه ایراندا تورکلرین سایین آزاتماق اۆچون و قاجار دؤولتین ضعیف ائدماق اۆچون اینگلیس و روس طرفیندن قورولدو و ایراندا تورکلر آزالدیلار و حاکمیت چوخلوجا آرامی لر الینه دوشدو.
ساواش
[دَییشدیر]ژنرال قاردان ناپلئون طرفیندن ایران اوردوسون گوجلندیردی و ایران اوردوسو عباس میرزا باشچیلیغی ایله ایرواندا روسیه اوردوسون مغلوب ائتدی و سونرا گوگچه گؤلونده روس اوردوسون سیندیردی.هابئله ناپلئون بوناپارت اوروپادا روسیه قاباغیندا مغلوب اولدو و ژنرال قاردان ایراندان چیخدی.ناپلئون مغلوب اولماقدا روسیه دؤولتی بوتون اوردوسون قفقاز داغلارینا گتیردی.
ناپلئون مغلوب اولماقدا ایران اینگلیس دؤولتیندن یاردیم ایسته دی و اینگلیس ایران دؤولتینه خیانت ائتدی و آرامی (فارس-لور-کورد-لک-تات-مازنی) ائللری تورکلره قارشی ائتدیلر و ایراندا چوخلو قاریشیقلار دوشدو و روسیه ساواشدا گوجلندی و اصلاندوز ساواشیندا عباس میرزا اودوسو مغلوب اولدو.