آرادان خیرر

ویکی‌پدیادان، آچیق بیلیک‌لیک‌دن

آرادان خیرر (آرادان) آذربایجان فولکلوروندا، یاریشیق اۆچون چوخ گوجلو هیجانلی اولان آنجاق وسیله‌سیز بیر اویون دیر. بۇ اویون آدینی شهریار ایکینجی حیدربابایا سلام[۱] منظومه‌سینده گتیریبدیر:

بو خرمنده «آرادان خیرر» اویناردیق
جومالاشیب قاریشقا تک قایناردیق
یاواش یاواش باغچالارا آغناردیق
آغاج‌لاردان چیلینگ‌آغاج کسردیک
قوروقچونون قورخوسوندان أسردیک

«آرادان خیرر» اویونو یایین سون آییندا، آیین‌–شایین‌لیق باشلاناندا، خرمن‌لر ییغیشمیش کیمی، ایلین اصیل ایش‌–گوج فصلی باشا چاتمیش حالدا، آین‌–اویون‌لار دا باشلانان کیمی اویناناردی.

بیرسیرا اویون‌لار یالنیز گئجه‌لر آییشیقدا اویناناردی؛ عکسینه، بیرسیرا اویون‌لار دا یالنیز گوندوزلر اویناناردی.

«آرادان خیرر» اویونو گوندوز اویون‌لاریندان دیر.

«آرادان خیرر» ایدمان (ورزش) یاریشمالاری سیرادا بیر اویون دیر. بوتون یاریشما اویون‌لاری کیمی بۇ اویون دا ایکی دسته‌یه (تیمه) بؤلوندوکده اوینانار.

ایکی دسته‌دن بیریسی «دایانان» اوبیریسی ایسه «یۆگۆرن» آدلانیر.

دایانان تیم اؤز ایچه‌ری‌لیک‌لرینده بیر أبه‌نی قورویورلار. یوگورن تیم، آما، او أبه‌نی داغیتماق ایسته‌ایر. بۇ شراییطه گؤره، یۆگۆرن تیم دایانان‌لاری آرایا آلدیقدا تاکتیک‌لر'‌له دایانان اویونچولاردان بیرینی اؤزلری‌نین آردیجا اوزاقلاتدیقدا یۆگورن‌لرین بیریسی او اویونچو ایله تیم یولداش‌لاری‌نین آراسیندان ایتیجه‌سینه قاچدیقدا «خیررررررر» دئیه‌ر؛ یانی، بونو اؤز تیمیندن کسدی و اؤلدوردو. اؤلن اویونچو اویوندان چیخمالی دیر.

عکسینه، دایانان تیمین اویونچولاری دا بۇ حالدا «خیرر» دئیه‌نی توتارسا توتولان یوروجو اؤلموش سانیلاجاقدیر.

بونلار یالنیز ایکیجه حرکت دیر آنجاق تاکتیک‌لی حرکت‌لر چوخ چوخ دیر. بیر ده کی، یوروجو اویونچولار اورتاداکی قورونولان أبه‌یه چاتارلارسا اورانی داغیتماق‌'‌لا اویونو اودارلار.

حدوداً ییرمی ایل ایره‌لی بۇ اویونو مودئرن بیر اویون دوروموندا طراح‌لیق ائتمیشدیک.

«آرادان خیرر» (آرادان) رقص اویونو کیمی[دَییشدیر]

آرادان خیرر (آرادان) رقص اۆچون ده طراح‌لیق اولوبدور. ۱۳۹۶ (۲۰۱۷)_ده بۇ اویون آیلان رقص قروپو، ائله‌جه ده، ناصر منظوری نین نظری ایله رقص فورمادا طراح‌لیق اولدوندو و ایندییه‌جن گورجوستان'دا، فرانسا'دا، و ایران'دا آیلان قروپونون وسیله‌سی'له ایفا اولونوبدور.

قایناق[دَییشدیر]

منابع[دَییشدیر]

  1. ^ «حیدربابایا سلام2»