آشیری سولچولوق
آشیری سولچولوق (رادیکال سول یا دا اینگیلیس دیلینده کی آدی ایله far-left) — کومونیست و سوسیالیست سیاسی پارتیالارین سولوندا یئرلشن و پارلمان دموکراسینی ردّ ائدن بوتون اینقیلابچی حرکات‌لار. بونلار کؤکلو استروکتور ایصلاحات‌لارین طرفداری‌دیرلار. ایجتیماعی آزادلیق‌لارا گؤره سوسیالیزم؛ ایستحصال و دَییشدیرمه واسیطه‌لری نین کوللکتیولشمه‌سی‌نین طرفداری اولان مارکسیست-لنینیست-مائویست کومونیزم، آشیری سولچولوغا بیر نومونه‌دیر. عومومیتله پارلمان سیستمینی ردّ ائدیر و بیرباشا فعالیتی مودافیعه ائدیرلر.
بونونلا بئله، کارل مارکس کومونیست سیستمینه کئچیدین یالنیز پرولتار اینقیلابی ایله مومکون اولاجاغینی، سونراکی دؤورلرده ایستحصال واسیطه‌لرینه و کوتلوی اینفورماسیا واسیطه‌لرینه دؤولت صاحیب‌لیگی ایله بیر اِگالیتار (برابرلیک) جمعیتین قورولاجاغینی و دؤولتین بیر مودت سونرا یوخ اولاجاغینی بیلدیریردی. دیگر طرفدن، آنارشیست‌لر دؤولتین ان قیسا مودتده محو ائدیلمه‌سی‌نین و اینسان‌لارین اؤز همرأی‌لیک سیستم‌لرینده یاشاماسی‌نین طرفداری‌دیرلار.
آشیری سول قاناد سیاستینده دین و میلّیت آرخا پلاندادیر. هر جور میلتچی‌لیگی ردّ ائدیر. چونکی بوتون اینسان‌لارین بیر دام آلتیندا همرأی‌لیک ایچینده یاشادیغینی مودافیعه ائدیر. تام اِگالیتاردیر. صینفی قارشی‌دورمالاری آرادان قالدیرماق، داها دوغروسو، صینیف‌سیز بیر جمعیت یاراتماق اوچون ایقتیصادی طلب‌لرین برابر شکیلده پایلانماسینی مودافیعه ائدیر. بو جهتدن سوسیال دموکراسی‌دن فرقله‌نیر. چونکی سوسیال دموکراسی سوسیال عدالتین و برابرلیگین مولاییم و ایش شراییطینه اویغون پایلانماسینی مودافیعه ائدیر. همچنین سوسیال دموکراسی فردی مولکیت آنلاییشی دا مؤوجوددور. کارل مارکس‌ین دینه دایر فیکیرلری آیدین‌دیر. کارل مارکس بونو بئله ایضاح ائتمیشدیر: " دین قلب‌سیز دونیانین اورگی‌دیر. بوتون اینسان‌لاری دونیانین عذاب و اذیت‌لریندن اوزاقلاشدیریر، راحات‌لاشدیریر. اینسان‌لاری اینقیلابا آپاران یولدان چکیندیریر. دین دئمک اولار کی، تیریک‌دیر".
آنارشیزم، آوتونومیزم، کومونالیزم، کومونیزم، مارکسیزم، لنینیزم، استالینیزم، تروتسکیزم، مائویزم، سول کومونیزم آشیری سول قاناد سیاستی‌نین المنت‌لری‌دیر.
قایناق‌لار
[دَییشدیر]- Büyük Larousse 20.cilt sayfa 10653
- Siyaset (Andrew Heywood)
- Das Kapital(Karl Marx)
- Siyaset,(Andrew Heywood)