کومونیسم
کومونیسم (لاتینجه: commūnis - عۆمومی) — کاپیتالیزمی عوض ائدهجک اجتماعی-ایقتیصادی فوْرماسی: اۆرتیم (تولید) واسطهلری اۆزرینده اجتماعی مولکیته اساسلانیر. دار معنادا همین فورماسیانین سوسیالیزمه نیسبتاً داها یۆکسک اینکیشاف پیللهسی.
مارکسیزمه گؤره، سوسیالیست اینقیلابی اینکیشاف ائتمیش کاپیتالیست اؤلکهلرینده، اؤزو ده دۆنیادا عئینی واختدا باش وئرمهلیدیر. ولادیمیر لنین ایسه کشف ائتدی کی، ایمپریالیزم کاپیتالیزمین اؤزل فوْرماسیدیر. ایمپریالیزم دؤورونده سوسیالیست اینقیلابی ایقتیصادی جهتدن گئری قالمیش تک بیر اؤلکهده ده غالیب گله بیلر.
کومونیسمین یارانماسی[دَییشدیر]
کوممونیزمین یارانماسینی باشا دۆشمک اۆچون موطلق ۱۸ و ۱۹-جو یوز ایل آوروپا مدنیتینه نظر سالماق لازیمدیر. ۲-جی عصریندن اعتباراً آوروپا قیطعهسینده مسیحیّت دینی مرحله-مرحله قبول اوْلونموش و بۇ مسیحیّت مدنیتی «مااریفلنمه دؤورو» آدلانان دؤوره قدر داوام ائتمیشدیر.