آنارشیسم

ویکی‌پدیا، آچیق بیلیک‌لیک‌دن

آنارشیزم یا آنارشیسم دؤولتلره قارشی و حؤکومتلره قارشی اولماقدیر. دؤولتسیز میللت، حؤکومتسیز و طبقه‌سیز ایجتیماع دئمکدیر. آنارشیست پارتیالار کؤنوللو همکارلیغی ایجتیماعدا یاخشی بیلیر و بئله حساب ائدیر کی هر ایش کؤنوللو همکارلیقلا قاباغا گئتمه‌لیدیر. بو پارتیالار قاریشیقلیق یا قانونسوزلوق طرفداری دئییل و بوتون ایشلرده بیرلشمک و بیر چالیشماق ایسته‌ییر. اؤزو دولانان حاکمیتلری قورماقلا آماجلارینا یئتمک ایسته‌ییرلر. بو پارتیالارین باخیشیندا دموکراسی حاکمیتی اکثریتده اولانلارین موخالیفتده اولانلارا قارشی دورماغی حساب ائدیلیر. بو باخیشدا دموکراسی اکثریت اولانلارین دیکتاتوری حاکمیتی‌دیر و شاهلیق ایستیبدادی ایله فرقسیزدیر. بو باخیش و ایدولوژی قالارلی بیر تئوری اله وئرمیر و چوخلو سیاسی باخیشلار کیمی هر گون بیر جور تئوری وئریبدیر. آنارشیزمین بیر نئچه آلت‌قروپو واردیر کی بیر-ایکی اصلدن باشقا هئچ اوخشارلیقلاری یوخدور. سول رادیکال پارتیالاردان حساب ائدیلیر. آنارشیست ایقتیصادیات و آنارشیست حقوق فلسفه‌سی کومونیزمین ایستیبدادا قارشی تفسیرلریندن، مشارکتی ایقتیصاددان و سندیکالیسم‌دن تاثیرلنمیشدیر.

آنارکوس[دَییشدیر]

یونانجا anarkos یانی قانون قویانسیز یا قانونسوز و حاکمیتسیز بیر یئر. پیر ژوزف پرودون اؤزونو آنارشیست آدلاندیران ایلک سیاسی فیلسوفدور. ماکس اشتیرنر، لئو تولستوی، میخائیل باکونین، پطر کروپوتکین، الیزه رکلوز، ماری بوخین، اما گلدمن، نوام چامسکی آدلیم آنارشیست دیرلر.

قایناق[دَییشدیر]

فارسجا ویکی‌پدیاسی‌نین ایشلدنلری طرفیندن یارانمیش«آنارشیسم»، مقاله‌سیندن گؤتورولوبدور. (۲ دی ۱۳۹۵ تاریخینده یوْخلانیلیبدیر).