آشیق شنلیک
| آشیق شنلیک | |
|---|---|
| آد | آشیق شنلیک |
| دوْغوم تاریخ | 1850 چیلدیر تورکیه |
| اؤلوم تاریخ | 1913 |
| میللیت | آذربایجان تورکو |
| ایش | آشیق- شاعیر |
آشیق شنلیک (اصل آدی:حسن؛ د. 1850 - اؤ. 1913) — آذربایجانلی تورک آشیق[۱] [۲]
یاشامی[دَییشدیر]
آشیق شنلکی تورکلرین تره‌کمه طايفاسينداندير. اصل آدي حسن‌دير. 1850-جي ايلده چيلدير (سوهار) آشيق شنليک قصبه‌سينده (ياخين‌سو) آنادان اولموشدور.
19 ياشيندا ساز چالماغي آخیل‌کلکلی آشيق نوري‌دن اؤيره‌نمیشدی.
قارصدا، آخيسقادا، بورچاليدا، تيفليسده، گومروده، ایرواندا اولموش، دؤورونون باشقا ساز شاعيرلري ايله گؤروشموشدور.
1913-جو ایرواندا آشیق شنلیگین باغلامالارینا جاواب وئره بیلمه‌ین آشیق‌لار اونا دوشمن کسیلیرلر. ساز-سؤز مئیدانیندا مغلوب اولموش آشیق‌لار شنلیگین چایینا وعده‌لی زهر قاتیرلار آشیق شنلیک آغیر وضعیتده ایرواندان آغبابا ماحالی‌نین قوزوکند کندینده یاشایان قیزی گولخانیمین ائوینه گتیریلیر. آشیق قیزی‌نین ائوینده وفات ائدیر. وصیتینه عمل اولوناراق 1912-جی ایلده چیلدیر ماحالی نین سوخارا کندینده تزه مزرلیک دئییلن یئرده دفن اولونموشدور.[۳]
عاییله‌سی[دَییشدیر]
آشیق شنلیک ایلک سئوگیسی‌نین اوغورسوزلوغوندان سونرا هورو آدلی بیر قیزلا ائولنمیشدیر. اونون ایکی اوغلو - قاسم، اسگندر، اوچ قیزی – حنیفه، گولناز، گولخانیم دونیایا گلمیشدیر. شنلیگین بؤیوک اوغلو قاسم دا آشیق اولموش، 1954-جو ایلده وفات ائتمیشدیر. قاسمین اوغلو ییلماز شنلیک باباسی‌نین ادبی ایرثی‌نین کامیل بیلیجی‌سی‌دیر. ییلماز شنلیک قارصدا یاشایان مشهور آشیق‌لاردان ساییلیر.[۳]
چالیشمالاری[دَییشدیر]
تاریخی و چاغداش آشیق موحیط‌لری سیراسیندا چیلدیر آشیق موحیطی هم یارادیجی‌لیق، هم ده ایفاچی‌لیق-صنعتکارلیق باخیمیندان اؤزل بیر یئر توتور. چیلدیر ماحالی اؤزونون آشیق صنعتی ایله اوزون مودت آنادولو و آذربایجان آشیق موحیط‌لری آراسیندا بیر نؤوع کؤرپو رولونو اوینامیش، اونلارین صنعتکارلیق اؤزل‌لیک‌لرینی و گؤزل‌لیکلرینی اؤزونده بیرلشدیرمیشدیر.
بللی اولدوغو کیمی، چیلدیر آشیق‌لاری نین صنعت اوجاغی‌نین اساس عنعنه –گلنک‌لری خسته حسن – آشیق نورو – آشیق شنلیک – بالاکیشی، قاسم، نصیب – گولوستان چوبان‌اوغلو، آشیق اسلام، ییلماز شنلیک، آشیق اسگندر – مراد چوبان‌اوغلو، شرف تاشلیووا و دیگر بللی چاغداش آشیق‌لارین فعالیت خطی اوزره اینکیشاف ائدیب، اوستاد-شاگیرد عنعنه‌سی ایله باغلی یئنی یئتیشن ایستعدادلارا تحویل وئریلمکده دیر. چیلدیر آشیق یارادیجی‌لیغی قونشو آخال‌کلک، آغبابا، گومرو و بورچالی آشیق یارادیجی‌لیغی ایله قارشی‌لیقلی تاثیری و سیخ باغلی‌لیغی دا اینکار اولونماز بیر حقیقتدیر. و من دئیردیم کی، بو باغلاردان صؤحبت آچمالی اولان هر بیر صنعت و بیلیم آدامی ایلک اولاراق بیزیم بؤیوک صنعتکاریمیز آشیق شنلیگین آدینی چکمگه بورجلودور. «بیزیم بؤیوک صنعتکاریمیز» ایفاده‌سینی ایسه تصادوفاً ایشلتمه‌دیم. آشیق شنلیگین آدینی تکجه بیر ماحالین ساز-سؤز دونیاسی ایله باغلاماق، ساده‌جه اولاراق، مومکون دئییل. او، تورک دونیاسی‌نین آزمان آشیق-شاعیرلریندن بیری‌دیر.[۴]
اتک‌یازی‌لار[دَییشدیر]
- ^ AŞIK ŞENLİK
- ^ Fərəcov, S. “Bir çıraq yandırdın Çıldır elində...”: Aşıq Şenlik Anadoluda, Borçalıda, Ərdəbildə yüksək ədəb-ərkanı, ifaçılıq mədəniyyəti ilə böyük məclislər aparıb //Mədəniyyət.- 2015.- 4 sentyabr.- S.15.
- ^ ۳٫۰ ۳٫۱ Qəşəm Vəliyev. "Çıldırlı Aşıq Şenlik[دائمی اولو باغلانتیلی]" (PDF). Azərnəşr (az.). achiqkitab.az. 2012. İstifadə tarixi: 2017-02-14.
- ^ http://achiqkitab.az/uploads/books/pdf/Oguz_elinden-ozan_dilinden_565581e1df345.pdf[دائمی اولو باغلانتیلی]