آشیق مسیح‌الله
آشیق مسیح‌الله رضایی 1318-جی ایلده آوجین (قزوین) 22 کم شرقینده یئرلشن قاراقان بؤلگه‌سینه باغلی، پرسبانج کندینده آنادان اولوب، 1395جی ایل چرشنبه آخشامی گونو 78 یاشی تامام اولمادان وفات ائتمیشدی. مسیح الله ایراندا تورک آشیقلیق عنعنه‌لری قوریوب یاشادان بؤیوک اوستاد آشیقلاردان بیری ساییلیر. او ساوه ایله یاناشی شاهسئون ائلاتی، قاراقان، مرکزی اوستان، قزوین ، همدان و آذربایجانین چئشیدلی بؤلگه‌لری آشیقلیق عنعنه‌لرینه دریندن بلد اولان آز ساییلی آشیقلاردان بیری‌دیر. اونون ساوادسیز اولماسینا باخمایاراق 40.دان چوخ داستانی ازبردن بیلیب تکجه "تیلیم‌خان داستانی"نی 40 کاستده اوخویوب نقل ائتمیشدی. آشیق مسیح الله-نین 200دن چوخ کاستی چیخدیغی سؤیله‌نیلیر. اونون قوم شهری خیام استریوسوندا اوخودوغو تورک داستان‌لاری‌نین سیاهیسی بئله‌دیر:
داستان اصلی و کرم ( 17 بؤلوم)، داستان غریب و شاه صنم ( 16 بؤلوم)، داستان شاه اسماعیل و گلزار خانم (9 بؤلوم)، داستان عباس توفارقانلی( 7 بؤلوم)، داستان ورقا و گلشن(7 بؤلوم)، داستان سِیّدی ( 6 بؤلوم)، داستان افروز و معصوم (6 بؤلوم)، داستان محمد و پری ( بیجان سوداگر) ( 6 بؤلوم) ؛ داستان کوراوغلو توقات سفری ( 4 بؤلوم)، داستان کوراوغلو تکه تورکمان سفری ( 5 بؤلوم)، داستان کوراوغلو ارضروم سفری ( 4 بؤلوم)، داستان خان محمود و نگار خانم (6 بؤلوم)، داستان قربان خان ( 4 بؤلوم)، داستان طاهرمیرزا ( 4 بؤلوم)، داستان همراه خان (8 بؤلوم)، داستان بهرام و گل اندام (3 بؤلوم)، داستان کلبی (3 بؤلوم)، داستان کوراوغلو دمیرقاپو دربند (حسن بگ، 9 بؤلوم)، داستان تیلیم خان (3 بؤلوم)، داستان خسته قاسم (8 بؤلوم)
آیریجا باخین
[دَییشدیر]- آشیق
- خانه ایران عاشیقلاری
- تیلیم‌خان
- علی کمالی
- خوندابلی مهجور
- حسین علی‌حسینی
- حسین علی‌حسینی
- آشیق گونش
قایناق‌لار
[دَییشدیر]- علی قافقازیالی، ایران تورکلری عاشیق محیطلری،
- 125هزار تومان حقوق برای یک «عاشیق»