آشیق وئیسل

ویکی‌پدیا، آچیق بیلیک‌لیک‌دن
پرش به ناوبری پرش به جستجو
آشیق وئیسل شاطیر اوغلو
Asik Veysel.jpg
آشیق وئیسل
دوْغوم تاریخ 25 اوکتیابر 1894
عثمانلی ایمپراطورلوغو، سیواس
اؤلوم تاریخ 21 مارت 1973
تورکیه، سیواس
میلّیت تورک
ایش آشیق، شاعیر


آشيق وئيسل (تورکجه: Veysel Şatıroğlu) - تورک خالق اوزاني. افشار بويونون شاطیرلي اوباسينا منسوب تورکیه‌لی موسيقيچي.


یاشاییشی[دَییشدیر]

آشيق وئيسل شاطیراوغلو 1894-جو ايلين اوکتيابر آييندا سيواسين شارکيشلا سمتينه باغلي سيوري‌آلان کندينده دونيايا گلميشدير. آناسي گوليزار، آتاسي ايسه احمد آدلي کنديلر ايدي. وئيسلين ايکي باجيسي همين زامانلاردا اراضيده گئنيش ياييلميش چيچک خسته‌ليگي سببيندن گنج ياشدا وفات ائديرلر. عاييله‌نين اوغلان اؤولادي دا يئددي ياشي اولارکن همين خسته‌ليکدن هر ايکي گؤزونو ايتيرير. آشيق وئيسل اوشاقليق دؤورلرينه تصادوف ائدن اولايي بو شکيلده خاطيرلاميشدير:

" چيچک خسته‌ليگينه توتولماميشدان اول آنام منيم اوچون گؤزل کؤينک توخوموشدو. همين کؤينگي گئيينيب مني چوخ ايسته‌ين بير نفرين يانينا گئتميشديم. گئييميم خوشونا گلميشدي. همين گون ياغيشلي بير گوندو، ائوه قاييدارکن ييخيلديم و بير داها آياغا دورا بيلمه‌ديم. چيچک خسته‌ليگينه يولوخموشدوم.. خسته‌ليگي آغير کئچيرديرديم. ايلک اوّل سول گؤزوم توتولدو و داها سونرا ايسه ساغ.. همين گوندن بو گونه دونيا منيم اوچون بير زينداندير.. "

آتاسي، وئيسل گنج ياشلاردا اولارکن باشيني قاتماسي اوچون اونا ساز آلير. ايلک اول باشقا اوزانلارين تورکولريني ايفا ائتمگي اؤيره‌نن وئيسل، 1933-جو ايلده احمد قوتسي تئجئر ايله تانيش اولدوقدان سونرا اؤز تورکولريني بسته‌له‌ييب ايفا ائتمگه باشلايير. تورک آشيق مکتبي‌نين سون اوستادي اولاراق قبول ائديلن آشيق وئيسل قيسا زاماندا مشهورلاشماغا باشلايير. طرفيندن اؤز سسي ايله ايفا ائديلن ماهنيلاري دؤولت راديولاريندا سسلنديريلير.

1965-جي ايلده آشيق دؤولت طرفيندن ماعاش ايله تأمين ائديلير. 1970-جي ايللرده ايسه حومئيرا، فيکرت قيزيل‌اوخ و ائسين افشار کيمي صنعتچيلرين آشيق طرفيندن يازيلان ماهنيلاري سسلنديرمه‌سي اونون شؤهرتيني بوتون اؤلکه حودودولارينا ياييلماسي ايله نتيجه‌له‌نير. آشيق وئيسل 1973-جو ايلده 78 ياشيندا اولارکن آغ‌جيگر خرچنگيندن وفات ائتميشدير.

اثرلري[دَییشدیر]

  • آنلاتامام درديمي
  • آراسام سني گول ايلن
  • آتاتورکه آغيت
  • بنی خور گؤرمه
  • بئش گونلوک دونيا
  • بير کؤکده اوزاميش
  • بيرليک دستاني
  • جومله عالم سنيندير
  • درديمي دؤکرسم درين دره‌یه
  • دوست چئويرميش يوزونو بندن
  • دوست يولوندا
  • دوستلار بني خاطيرلاسين
  • دون گئجه يار ائشيگينده
  • دونيايا گلمه‌مده‌ ماقصات
  • اسدي باهار يئلي
  • گل ائي عاشیق
  • قونجا گولون قوقوسونا
  • گؤنول سانا ناصيحاتيم
  • گؤزياشي آرماغان
  • گوزلليگين اون پارا ائتمز
  • قاحبه فلک
  • قارا توپراق
  • قيزيل ايرماق سني سني
  • کوچوک دونيام
  • موراد
  • نه اؤترسين دردلي دردلي
  • نجيب
  • سازيم
  • سحرين واقتينده
  • سکيزينجي آيين ييرمي ايکيسي
  • سن وارسين
  • شو گئنيش دونيايا
  • اوزون اينجه بير يولداييم
  • ياز گلسين
  • ييلديز (سيواس ائللرينده)