آلقاییت
آلقاییت بایرام اوغلو خلیلوو (دوغوم: ۲۸ نوامبر ۱۹۳۹، داشکند، ائرمنیستان، اؤلوم: ۱۲ ژانویه ۲۰۱۳، خیردالان، آذربایجان) آذربایجانلی آشیق، ائل شاعیری.
حیاتی
[دَییشدیر]آشیق آلقاییت ۲۸ نوامبر ۱۹۳۹-نجی ایلده گؤیچه ماحالی‌نین داشکند کندینده آنادان اولموشدور. آناسی سید مارال سید بایرامین قیزی‌دیر. اورتا مکتبی همین کندده بیتیردیکدن سونرا ۱۹۶۳-نجو ایلده آذربایجان دؤولت پئداقوژی اینستیتوتونون تاریخ-فیلولوژی فاکولته‌سینه قبول اولموش و ۱۹۶۷-نجی ایلده همین اینستیتوتون دیل و ادبیات شؤعبه‌سینی بیتیرمیشدیر. ۱۹۶۷-نجی ایلدن ۱۹۷۲-نجی ایله قدر داشکند کند اورتا مکتبینده موعلیملیک ائتمیشدیر. ۱۹۷۲-نجی ایلده مینگه‌چئویر ایشیقلاری قزئتینده ایشله‌مه‌یه دعوت اولونموش و ۱۹۷۴-نجی ایله قدر بورادا فعالیت گؤسترمیشدیر. ۱۹۷۴-نجی ایلده یئنیدن گؤیچه ماحالینا قاییتمیش و باسار کئچر(۱۱ ژوئن ۱۹۶۹ -نجو ایلدن واردئنیس) رایونوندا چاپ اولونان بوللوق اوغروندا و واردئنیس قزئتلرینده چالیشمیشدیر. ۱۹۷۹ -نجو ایلدن گؤی‌گؤل رایونوندا مسکونلاشمیش، گؤی‌گؤل رایون مدنیت ائوینده آشیقلار آنسامبلی‌نین بدیعی رهبری کیمی فعالیت گؤسترمیشدیر. ۱۹۹۶ -نجی ایلدن عؤمرونون آخیرینا قدر باکی شهرینده یاشامیشدیر و اؤزونه مخصوص یارادیجیلیغینی داوام ائتدیرمیشدیر.
آشیق آلقاییت ۲۰۱۳ -نجو ایل ژانویه‌نین ۱۲ ده خیردالان شهرینده وفات ائتمیشدیر.
اثرلری
[دَییشدیر]- "قالخ آیاغا آذربایجان" (۲۰۰۰)
- "یارالی قارتال"، باکی، حربی نشریات، ۲۰۰۶، ۵۶۰ صفحه، تیراژ: ۱٬۰۰۰
- "سید بایرام اوجاغی" (۲۰۰۷)
- "آنالی دونیام"، باکی، حربی نشریات، ۲۰۱۱
مقاله‌لری
[دَییشدیر]- "صنعتکار عؤمرو" (۲۰۰۸)
شئعریندن نومونه
[دَییشدیر]هارا گئدیر بو میلّت! ؟
دایاندیر، دایاندیر، دایاندیر بو قاطاری،
گؤستر بوتون عالمه داشیدیغین یاتاری،
یوخ بیرینین طاقتی، یوخ بیرینین توتاری،
عقیده یه، مسلکه، یولا، ایزه نابلد،
هارا گئدیر بو میلّت!؟
نتیجه چیخارمادیق نه اؤلومدن، نه قاندان،
ضییا اومدوق، نور اومدوق، آل گونشی بوغاندان.
خطایینین قیلینجی آسیلیب بوش واگوندان،
اللرینده داش - کسک، اللرینده کوت آلت،
هارا گئدیر بو میلّت؟!
ساتیلدی قاریش - قاریش آذربایجان تورپاغی،
قلبیم یاسلی- یارالی، قلبیم نعنا یارپاغی،
آلمامیش زنگه زورو، آلمامیش قاراباغی،
چانتاسیندا گؤز یاشی، چؤکومونده ذلالت،
هارا گئدیر بو میلّت؟!
آلتون ساییب، زر ساییب، قامارلادیق شیمشه‌یی،
کاسیب- کوسوب، یالاواج ساتدی یورقان دؤشه‌یی،
یوللار داشلی کسکلی، یوللار دوه کوشه‌یی،
تورپاق ائلدن ناراضی، ائل تورپاقدان خجالت،
هارا گئدیر بو میلّت؟!
آی آلقاییت بونلارا گؤرن کیمدی موقصصیر؟!
دوزلمه‌دی قانونلار، دوزلمه‌دی کم- کسیر،
ظولوم عرشه دایانیب، وطن اسیر، ائل یئسیر،
نه حاققا اینام قالیب، نه قانونا دلالت،
هارا گئدیر بو میلّت؟!
قایناقلار
[دَییشدیر] |
کیمسه‌لر ایله باغلی بۇ مقاله بیر قارالامادیر. مقاله‌نی دییشدیره‌رک ویکی‌پدیایا کؤمک ائدین. |