آلکساندر فلمینق

ویکی‌پدیا، آچیق بیلیک‌لیک‌دن
آلکساندر فلمینق
دوْغوم ۶ آقوست ۱۸۸۱(۱۸۸۱-عیبارت خطاسی: تانیمایان نوقطالنمیش یازی «�»-۰۶)
لاچفیلد، آیرشایر، ایسکاتلند
اؤلوم ۱۱ مارس ۱۹۵۵ میلادی (۷۳ یاش)
لندن، اینگیلیس
وطنداشلیق بؤیوک بریتانیا
چالیشما ساحه‌سی باکتریولوقو، immunology
درس اۆخودوغو یئر
تانیندیغی ایش پنسیلینی کشف ائدن
جایزه‌لر
ایمضا

آلکساندر فلمینق (اینگیلیسجه: Sir Alexander Fleming)، (دوغوم گونو: ۶ آقوست ۱۸۸۱(۱۸۸۱-عیبارت خطاسی: تانیمایان نوقطالنمیش یازی «�»-0۶) اولوم گونی: ۱۱ مارس ۱۹۵۵ میلادی (۷۳ یاش)) پنسیلینی کشف ائدن ایسکاتلند اصیل بؤیوک بریتانیالی باکتریولوقو.

فعالیتی[دَییشدیر]

آلکساندر فلمینق ایسکاتلندنین لوکفایلد شهرین‌ده آنادان اولوب. ایکی ایل کیلمرنوکداکی آکادمیدا تحصیل آلدیق‌دان سوْنرا بیرینجی دۆنیا ساواشی باشلایانا قدر مقدس مری خستخاناسین‌دا ایشله‌دی. محاربه دؤورون‌ده جبهه‌لرده اوْلدو. جبهه‌لرده قوللوق ائتدیی مدت عرضین‌ده اسکرلرین عفونتلار سببین‌دن قورخونج شکیل‌ده اؤلمه‌لرینه شاهید اولموش‌دو. محاربه‌دن سوْنرا مقدس مئری خستخاناسینا گئری دؤن‌دو و آراشتیرمالارینی آنتی سپتیکلر مؤوضوسون‌دا گوجلندیردی. آلکساندر فلمینق هر ایکی کشفینی ده ۱۹۲۰-جی ایللرده تصادف نتیجه‌سین‌ده ائتمیش‌دیر. ایلک کشفی اوْلان لیزوسوم آلکساندر فلمینقین ایچین‌ده باکتریا شبکه‌سی اوْلان قابلارین ایچینه آسقیرماسی نتیجه‌سین‌ده میدانا گلمیش‌دیر. بیر نئچه گون‌دن سوْنرا موشاهیده ائتدی کی، موکوسلا تماس‌دا اوْلان بؤلگه‌ده‌کی باکتریالار اؤلوب لندندا مقدس مری خستخاناسین‌دا پئیوند بؤلمه‌سین‌ده ایشلدیی ۱۹۲۴-۱۹۴۸-جی ایللرده علمی آراشتیرمالار آپارمیش‌دی. ۱۹۲۷-جی ایلده‌ن پنسیلیوم نؤون‌دن اوْلان بیر کیفین خصوصیتلرینی تدقیق ائتمه‌یه باشلادی. چیبانلارا سبب اوْلان باکتریالارین چوخالدیلماسی زامانی هاوادان گلن بعضی ایسپورلارین اونو گؤی-یاشیل رنگ‌لی بیر کیف لکه‌سی کیمی احاطه ائدرک باکتریالاری اؤلدوردویونو موشاهیده ائتدی. ۱۹۲۷-جی ایلده پنسیلیوملا باغلی باکتریولوژی آراشتیرمالارینی بیتیرمه‌سینه باخمایاراق مادی چاتیشمازلیقلار سببین‌دن ماددنین ایستئه‌سالی ۱۹۳۹-جو ایله قدر لنگی‌دی. سئر هووارد فلوری، ارنست چئین کیمی عالیملر اونا کؤمک ائتدیلر. بیرلیک‌ده پنسیلینین فارماکولوژی و کلینیک آراشتیرمالارینی آکسفورددا بیتیردیلر. صنایع اۆصولو ایله پنسیلین ایستهصالینا ایلک دفعه آمریکا بیرلشمیش اوستانلری-دا باشلان‌دی. اونا کؤمک ائدن ایکی دوستو ایله بیرلیک‌ده ۱۹۴۵-جی ایلده فیزیولوژی و طیب اوزره نوبل اؤدولی ایله تلتیف اولون‌دولار. آلکساندر فلمینقین یازمیش اوْلدوغو ان اساس اثری پنسیلینین پراکتیکادا ایستیفاده‌سی آدلی کیتابی‌دیر.

پنسیلین[دَییشدیر]

آلکساندر فلمینقین لابوراتوریاسی همیشه داغینیق اولوردو. ۱۹۲۸-جی ایلین سئنتیابر آیین‌دا بۇ وضعیت اونون اوچون فایدالی اوْلدو. لابوراتوریاسینین موختلیف یئرلرین‌دا اوْلان سیناقلارینی نیزاملاماغا چالیشیردی. اونلاری سیرالایارکه‌ن هر بیرینی دقتله نظردن کئچیریردی. بۇ زامان غریبه گؤبلک کولونییاسی موشاهیده ائتدی. بۇ گؤبلک کولونییاسی قیزیلی ایستافیلوکوکک باکتریاسی اوْلان قابلاردا اینکیشاف ائتمیش‌دیلر. دقتله تدقیق ائتدیکدن سوْنرا آلکساندر فلمینق بۇ گؤبلکلرین زررلی باکتریالاری اؤلدوردویونو موشاهیده ائتدی. بونون اهمیتینی باشا دوش‌دو و ۱۹۲۹-جو ایلده پنسیلین آدلاندیردیغی ماددنین کشفی ایله باغلی مقاله‌سی درج اولون‌دو. آلکساندر فلمینق عادته‌ن باغچا تورپاغی ایله آراشتیرمالارینی آپاردیردی. بۇ کیمیاچی اوچون اوْلدوقجا چتین ایش ایدی، چونکی باغچا تورپاغینی آنالیز ائتمک، ال‌مک، ایچین‌ده دوزگون گؤبلکلری چوخالتماق اوزون و زحمت طلب ائدن پروسس‌دی. او، کشفینی داها دا تکمیللش‌دیره بیلمه‌دی. اونون کشفینین حال هازیرکی وضعیتینه گلمه‌سی ایکی عالیمین، هووارد فلوری و ارنست چئین آدی ایله باغلی‌دیر. اونلار پنسیلینی تکمیللش‌دیره‌رک تأثیرلی حالا گلمه‌سینی حیاتا کئچیرت‌دیلر. بۇ آراشتیرمالار نتیجه‌سین‌ده ایکینجی دۆنیا ساواشی و داها سوْنرالار چوخ‌لو اینسانین حیاتی خلاص اوْلدو.

اؤدوللاری[دَییشدیر]

آلئکسانر فلمینق آراشتیرمالارین‌داکی اوغورلاری سببین‌دن ۱۹۴۴-جو ایلده جنگاور تیتولونا لایق گؤرول‌دو. فلمینق، فلوری و چین ۱۹۴۵-جی ایلده فیزیولوژی و طیب اوزره نوبل اؤدولی ایله تلتیف اولون‌دولار. ایکینجی دۆنیا ساواشینده کشفی نتیجه‌سین‌ده میلیونلارلا اینسانین حیاتینین خلاص اولماسی فلمینق اوچون داها اؤن‌م‌لی ایدی. آلکساندر فلمینق مایکل هارتین یازدیغی تاریخین ان نفوذلو خادیملرینین سیاهی‌سی (اینگیلیسجه: List of the Most Influential Figures in History) اثرین‌ده ۴۳-جو یئرده ایدی. او، همچینین رس‌سام جئیمس ماکنئیل اویستلئرین دعوتی نتیجه‌سین‌ده ۱۸۹۱-جی ایلده قۇرولموش و هر ساحه‌دن عضولری اوْلان چئل‌سی اینجه صنعت کلوبونون عضوو اولموش‌دور. فلمینق میکروب رنگله‌مه‌لری ایله کلوبا عضو قبول اولونموش‌دور. باکتریالار گؤرونمز ایدی. فلمینق اونلاری پارلاق رنگلرله بویایاراق گؤرونمه‌لرینی تامین ائتمیش‌دی. بۇ اۆصول‌دان هله ده لابوروتورییالاردا ایستیفاده اوْلونور.

اؤلومو[دَییشدیر]

آلکساندر فلمینق ۱۱ مارت ۱۹۵۵-جی ایلده ۷۳ یاشین‌دا اولارکه‌ن اورک توتماسی نتیجه‌سین‌ده اؤلدو. کشفی ایله چاغداش طیبین آنتی‌بیوتیکلره یاناشماسینی دییشدیرمیش، میلیونلارلا اینسانین حیاتینی خلاص ائتمیش‌دیر.

همچینین باخ[دَییشدیر]

خاریجی کئچیدلر[دَییشدیر]

قایناق‌لار[دَییشدیر]

  1. (۱۹۵۶) «Alexander Fleming ۱۸۸۱-۱۹۵۵». Biographical Memoirs of Fellows of the Royal Society ۲: ۱۱۷–۱۲۶. DOI:۱۰.۱۰۹۸/rsbm.۱۹۵۶.۰۰۰۸.