آنتونیو ژوزئ اولیویرا

ویکی‌پدیا، آچیق بیلیک‌لیک‌دن
پرش به ناوبری پرش به جستجو
Toni
Toni Oliveira - Naft Tractor press conference.jpg
Toni as تيراختور manager in 2013
کیملیک
بۆتون آدAntónio José da Conceição Oliveira
دوغوم تاریخی۱۴ اکتبر ۱۹۴۶ ‏(۷۳ یاش)
دوغوم یئریMogofores, پورتوقال
بوْی۱٫۸۳ m (۶ ft ۰ in)
پوْستهافبک
گنجلر کلوبلاری
Salesianos
۱۹۶۲–۱۹۶۵Anadia
حرفه‌ای کلوبلار*
ایللرکلوبلاراویون(قوْل)
۱۹۶۵–۱۹۶۸آکادمیکا۱۹(۰)
۱۹۶۸–۱۹۸۱بنفیکا۲۹۸(۱۶)
۱۹۷۷لاس وقاس کوئیکسیلورز (loan)۱۶(۰)
بوتونلوگو333(16)
میلی تیم
Portugal U216(0)
۱۹۶۹–۱۹۷۸پورتوقال32(0)
موربی‌چیلیک دورانی
۱۹۸۲–۱۹۸۷بنفیکا (assistant)
۱۹۸۷–۱۹۸۹بنفیکا
۱۹۹۲–۱۹۹۴بنفیکا
۱۹۹۴–۱۹۹۵بوردو
۱۹۹۵سویا
۱۹۹۸–۱۹۹۹بیرلشمیش عرب امیرلیگی (assistant)
۲۰۰۰–۲۰۰۲بنفیکا
۲۰۰۲–۲۰۰۳Shenyang Jinde
۲۰۰۳الاهلی میصر
۲۰۰۷–۲۰۰۸الاتفاق
۲۰۰۸–۲۰۰۹الشارجه
۲۰۱۰–۲۰۱۱الاتحاد
۲۰۱۲–۲۰۱۳تيراختور
۲۰۱۴تيراختور
۲۰۱۵تيراختور
۲۰۱۷–۲۰۱۸کاظمه کووئیت
*اویونلارین و قوْل‌لارین سایی‌سی تکجه داخلی لیگ اساسیندادیر.
تونی اولیوئیرا
کیملیک
بۆتون آدآنتونیو ژوزئ اولیوئیرا
دوغوم تاریخی۱۹۴۶
دوغوم یئریپورتوقال
پوْستیاریم مودافیعه‌چی (بازنشسته)
کلوب ایطلاعاتی
ایندیکی کلوبتراختور
۱۹۹۴-۱۹۹۵بوردو
۱۹۹۵-۱۹۹۶سئویا
۲۰۰۰-۲۰۰۲بئنفیکا
۲۰۰۲-۲۰۰۳گوانگژو
۲۰۰۳الاهلی
۲۰۰۷-۲۰۰۸الاتفاق

آنتونیو ژوزئ اولیوئیرا(پورتوقال دیلینده:António José Conceição Oliveira )، (د. ۱4 اوکتوبر ۱946، آنادیا، پورتوقال) پورتوقالیالی فوتبول مشقچی‌سی‌دیر. اولیوئیرا یا قیسا لقبله آدلانان تونی، گئچمیشده پورتوقالیانین میلّی، و بئنفیکا کوماندالاریندا یاریممودافیچی ایدی. او اویونوچولوق‌دان سوْنرا، آوروپا، میصر و آسیادا دا چوخ‌لو کلوب‌لاردا، او جمله‌دن، بئنفیکا، بوردو (فرانسه)، سئویللا (ایسپانیا)، شئنیانگ ژیندئ (چین)، ال-اهلی (میصر)،ال-اتفاق (اربیستان)، و ال-ایتتیحاد (عربستان) کیمی کوماندالاردا باش مشقچی اوْلموش‌دور.
تونی ۲0۱۲جی ایلی نین ژوئن آیین‌دان ، ۲0۱5 دسامبر آییناجان ، 4 فصل، گونئی آذربایجانین تراختورونون باش مشقچی‌سی اوْلوب. تونی تیراختورا بیرینجی دفه بیر رسمی کاپ(جام) آلان باش مشقچی اوْلموش‌دور. بۇ دؤنمده، اوچ دؤنه تیراختوردان چیخاردیلیب، آنجاق تیراختور یانداشلاری ایچینده اولاغان اوستو محبوب اوْلدوغونا گؤره تیراختورا قایتاریلمیشدیر.
تونی ۲0۱۲-۲0۱۳ (۱۳9۱-۱۳9۲) لیگینده، تیراختورو ایران اوستون لیگینین (لیگ برترین) ایکینجی مقامی، و آسیا قهرمانلار لیگی سهمیه سی آلیب. ۲0۱۳-۲0۱4 (۱۳9۲-۱۳9۳) لیگینده 6جی سیرایا چاتیب آنجاق تیراختورو ایلک دفه اَلَمه کاپیندا (جام حذفی) قهرمان ائدیب و گینه ده آسیا قهرمانلار لیگینه سهمیه آلیب. تونی ۲0۱4-۲0۱5 (۱۳9۳-۱۳94) لیگینده تیراختورو بیرینجی دفه سوپرلیگده ده قهرمان ائده بیلردی، آنجاق تیراختور - نفت تهران قالماقاللی یاریشینداکی عجیب اولایلارا گؤره، سون دقیقه ده قهرمانلیغی الدن قاچیردیب، آنجاق تیراختور گینه ایکینجی اوْلوب، آسیا سهمیه سی قازاندی. تونی ۲0۱5-۲0۱6 (۱۳94-۱۳95) فصلینده تیراختورون باش مشقچی سی ایدی و تیراختورو اَلَمه کاپی نین یاریم فینالینا یوکسلتمیشدی، آنجاق سوپرلیگده سرباز(عسگر) اویونچولارین ایده آل اویناماماقلاری، و سونوجدا یاخشی امتیاز توپلاماماق بهانه سینه گؤره، چوخلو حاشیه لر ایله قارشی اوْلموشدو، باشقا طرفدن دئییلیردی آروادی مریضدی و عاییله سوروملارینا گؤره تیراختوردان آیریلماق زوروندا قالیب، یاریم فصلدن ایکی اویون قاباق، دسامبر آییندا، تیراختوردان آیریلیب یئرینه امیر قلعه نویی گلدی.

تونی اولیوئیرانین تیراختورا گلمه سی[دَییشدیر]

۲0۱۲ (۱۳9۱)جی ایلین یازیندا امیر قلعه نویی وئردیگی سؤزلرین خیلافی اولاراق، تیراختورو بوراخیب تهران استقلال کلوبونا قوشولدو. اؤزونه بیرینجی دفه آسیا لیگینه حاضیرلایان تیراختور کلوبونون مودورلری اونون یئرینه پرویز مظلومی نی گتیرمک ایستیردیلر، آنجاق تیراختور یانداشلارینین تایسیز مخالفتلری ایله قارشیلاندیلار. بۇ مخالفتلر عموما اینترنت سایتلاری و توپلومسال شبکه لرده گؤزه چارپیردی. تیراختور یانداشلاری دئییردیلر استقلال و پیروزی کلوبلارینا آسیلی مشقچیلر هامیسی قلعه نویی یه تایدیلار و تیراختوروچون تعصبلری یوخدور و حتمن گرک بیر خارجی مشقچی تیراختورا گلسین. سونوندا تیراختور مودورلری، آسیا لیگینده سابقه سی اوْلان و بنفیکا کیمی کلوبلاردا افتخار قازانان مشقچی، تونی اولیوئیرا تیراختورا گتیردیلر.
تونی نین تیمی فصلین باشلانیشیندا، یاخشی اوینایابیلمیردی و تیراختور مودورلری اونو تیراختوردان چیخارتماق ایستیردیلر، آنجاق تونی نین مئیدان قیراغیندا اولاغان اوستو جوشغولو ایشلری بوتون تاماشاچیلاری اؤزونه حئیران ائدیب، ماراقلاندیرمیشدی، تیراختورچولار دئییردیلر گرک بۇ مورببی یه فورصت وئریلیسین. گئت گئده تونی اؤز تاکتیکلرینی تیراختور اویونچولاری آراسیندا ایشه سالابیلدی و بوتون تیملری بارسلونا طرزینده دال با دال پاسلارلا گیجلدیب و چوخلو قوللار ووروردو. اؤرنک ایچین گوجلو رقیب کلوب ، سپاهانی نی اصفهاندا 4-۱ اوتدو. تیراختور یانداشلاری بارسلونا کلوبونون تیکی تاکا اویونوندان تقلید ائدیب، تیراختورون اویوندا کی پاسلاماق طرزینی تونی تاکا آدلاندیردیلار! تیراختور اوستون لیگین بیرینجی سیرالاریندا قهرمانلیق ایچین یاریشارکن، آسیا لیگینی باشلایاندا دا فیرتینا سالدی! امارات الجزیره کلوبونو بیر حماسی اویوندا 90000 تاماشاچی قاباغیندا ۳-۱ یئندی. آنجاق او اویوندان سوْنرا کلوب دا نَدنسیز حاشیه لر باشلاندی آسیا یاریشلاریندا صعود ائده بیلمه دی. بونا گؤره تیراختور کلوبونون مودورلری ایکی هفته لیگ سوْنا چاتاندان اؤنجه تونی نی اخراج ائتدیلر! آنجاق تیراختور یانداشلاری نونی نین اخراجینا کسگین اعتراض ائدیب، و دئدیلر تیمده تونی نین اوْلدوقجا یاخشی اویونچولاری یوخدور و قصور مشقچی ده دئییل. تونی تبریزی تَرک ائدنده، بیر سایی یانداشلار هاواآلانینا گئدیب اونو آلقیشلادیلار. بۇ فصل تیراختور او قدر امتیاز ییغمیشدی کی ، تیراختور لیگین ایکینجی سی چیخدی. چوخلو فوتبال آنالیزورلار و اوزمانلارین دئدیکلرینه گؤره حاکیملر (داورلر) ین دوزگون قضاوتی اولسایدی، تیراختور قهرمان دا اولابیلردی.

تونی نین ایکینجی دؤنه تیراختورا قوشولماسی[دَییشدیر]

۲0۱۳ (۱۳9۲)جی ایلین یازیندا، تونی اخراج اولاندان سوْنرا، تیراختور یانداشلاری اعتراضلارینا دوام وئریب، ۲0۱۳-۲0۱4 (۱۳9۲-۱۳9۳) فصلی ایچین گینه ده تونی نی باش مشقچی اولماغی نی ایستیردیلر. آنجاق تیراختور مودورلری مجید جلالی ایله قرارداد باغلادیلار. مجید جلالی لیگی پیس باشلاییب و نئچه هفته ده تیراختورو بیرینجی سیرا یوکسلتسه ده، تیراختور یانداشلاری جلالی نی دفاعی و کیفیت سیز اویونلار ایچین قیناییردیلار. تیراختور گئت گئده جدول ده آشاغی سیرالاری یئندی و قهرمانلیق شانسی آزالیردی؛ بونا گؤره تیراختور یانداشلاری گینه ده اعتراضلارینا شیددت وئریب و ایستادیومدا مجید جلالی و تیراختور مودورلرینین علیهینه شوعارلار وئریب جلالی نین اخراج اوْلوب تونی نین گئری دؤندریلمه سی نی ایستیردیلر. دوروم ائله اوْلموشدو کی تیراختورون تمرینلرینین قاپیسی یانداشلارا باغلانیب و حتی یاریم فصل تمرینلرینی تهران شهرینه آپاردیلار. سونوندا تیراختورون مودورو زینی زاده جلالی نی اخراج ائدیب تونی نی گتیرمک تصمیمی نی آچیقلادی، و بونا گؤره هیئات مدیره ایله اختلاف تاپیب استعفا وئردی و یئرینه جمشید نظمی گلدی.
جمشید نظمی ایشینی باشلایاندا دئدی تیراختورچولارین وظیفه سی تکجه آلقیشلاماق دیر و مشقچی نین کیم اوْلدوغو مدیریت قرار وئره جک. بۇ سؤزلر یانداشلاری داها قیزدیردی و اعتراضلار چوخالدی. سونوندا اعلام اوْلوندو کی تیراختورچولارین ایستگینه گؤره جلالی اخراج اوْلوب یئرینه گینه ده تونی گلَجَک. بئله لیکله ۱۳9۲جی ایلی نین قیش اورتاسیندا تونی تبریزه گلدی. بونا گؤره تیراختورچولار آراسیندا بیر بؤیوک شنلیک گؤروندو ، و ائله اوْلدو کی ۲0000 دن چوخ تیراختور یانداشی تبریزین هاوا آلانینا استقبال ایچین گئتدیلر. بئله بیر اولای فوتبال دونیاسیندا تایسیز ایدی.
تونی گلندن سوْنرا تیراختور گینه گوجلنیب، و اَلَمه کاپیندا خوزیستان فولادینی یاریم فینالدا تبریزده، و کیرمان مسی نی کیرماندا اوتدو، و ایلک اولاراق تیراختورو قهرمان ائتدی و تونی نین محبوبیتی نئچه قات آرتدی. تیراختور آسیا سهمیه سی قازانماغا گؤره ، اوستون لیگ اویونلارینی جیددی اوینامادی، و آسیا قهرمانلار لیگینده ده گینه ده صعود ائتمه دی.
لیگ قورتاراندان سوْنرا، تیراختور یانداشلاری گینه ده انتظارلاری واریدی تونی نین قراردادی تمدید اوْلونسون، آنجاق دولارین (اَرز) باهالاشماسی بهانه اوْلدو و بیر آی تلف اولاندان سوْنرا، رسول خطیبی تیراختورون باش مشقچی سی سئچیلدی. آنجاق تیراختور یانداشلاری بؤیوک بیر بؤلومو اعتراضلارینا دوام وئریردیلر، کی رسول خطیبی تیراختور تیمینه تجروبه سی آزدیر، و نَدَن گرک تیراختوردا یئرینه دوشموش باشاریلی و محبوب مشقچی، تونی نین قراری تمدید اوْلونماسین؟ هر حالدا، لیگ باشلاناندان سوْنرا، رسول خطیبی نین تورک و تبریزلی اولماغینا گؤره، تیراختورچولار یوموشانیب، اعتراضلارا دوام وئرمَدیلر.

تونی نین اوچونجو دؤنه تیراختورا قوشولماسی[دَییشدیر]

۲0۱4-۲0۱5 (۱۳9۳-۱۳94) فصلی باشلاناندان سوْنرا، اعتراضلار آزالدی ، و رسول خطیبی نین تیراختورو خوزیستان فولادی و تهران پرسپولیسینو اودوب بیرینجی سیرایا یوکسلتدی، آنجاق تیراختور گینه حاشیه لرله قارشیلاندی 7 اویوندا تکجه ۳ امتیاز آلیب، و اَلَمه کاپیندان دا حذف اوْلوندو. گینه اعتراضلار باشلاندی آنجاق جلالی یه اوْلونان اعتراضلار کیمی دئییلدی. کلوب مودورلری آراسیندا دا اختلاف واریدی؛ چونکو بللی ایدی تیراختور اوزو آشاغی گئدیب و سهمیه ده آلابیلمزدی. سونوندا جمشید نظمی استعفا وئریب یئرینه سعید عباسی تیراختورون مودورو سئچیلدی. او دا تئزلیکله رسول خطیبی نین تیراختوردان چیخارتدی، تونی اولیوئیرانی ۳جو دؤنه تیراختورا گتیردی.
تونی گلدیکدن سوْنرا، تیراختور متحول اوْلوب 5 یاریشی آردیجیل اوتدو اوستون لیگین بیرینجی سیراسینا چیخدی. سون هفته یه قدر تیراختورون اصلی قهرمانلیق شانسی ایدی، آنجاق تیراختور - نفت تهران قالماقاللی و دراماتیک یاریشینداکی عجیب اولایلارا گؤره، سون دقیقه ده قهرمانلیغی الدن قاچیردیب، آنجاق تیراختور گینه ایکینجی اوْلوب، آسیا سهمیه سی قازاندی. او اویوندان سوْنرا تونی دئدی : حاکیم آندرانیک تیموریانی اخراج ائتمکله بیزه ضربه ووروب، و باشقا طرفدن اویون سونوندا بیزی آلداتدیلار. او اویوندا نتیجه ۳-۳ اولاندان سوْنرا، ایستادیومدا موبایللار و اینترنت کسیلیب و سپاهان - سایپا کلوبلاری نین موساوی اولماق شایعه سی فدراسیون رسمیلری طرفیندن یاییملانمیشدی. بۇ اویون روسوایلیق خبری، تونی نین اویوندان سوْنراکی گولَر و آغلایان گؤرونتولری ایله دونیا مطبوعاتیندا یاییملاندی.[۱][۲][۳][۴]

تونی نین اوچونجو دؤنه تیراختوردان آیریلماغی[دَییشدیر]

۲0۱5-۲0۱6 (۱۳94-۱۳95) فصلی ایچین تیراختور سوروملولاری بۇ دؤنه تونی نی ساخلادیلار. آنجاق جزالانمیش عسگر (سرباز) اویونچولارین بیر سایی سی نین بیر ایل رسمی اویونلاردان اوزاق اوْلوب فورمدا اولماقلارینا گؤره تیراختور یاخشی اویونلار اؤزوندن گؤستره بیلمیردی. تیراختورو اَلَمه کاپی نین یاریم فینالینا یوکسلتمیشدی، آنجاق سوپرلیگده سرباز(عسگر) اویونچولارین ایده آل اویناماماقلاری، و سونوجدا یاخشی امتیاز توپلاماماق بهانه سینه گؤره، چوخلو حاشیه لر ایله قارشی اوْلموشدو، باشقا طرفدن دئییلیردی آروادی مریضدی و عاییله سوروملارینا گؤره تیراختوردان آیریلماق زوروندا قالیب، یاریم فصلدن ایکی اویون قاباق، دسامبر آییندا، تیراختوردان آیریلیب یئرینه امیر قلعه نویی گلدی. تونی تبریزدن گئدنده، تیراختورچولارین تایسیز دویغولو بدرقه لری ایله قارشیلاندی. گئجه یاریسی نئچه یوز تیراختورچو تبریزین هاوا آلانیندا توپلانیب تونی ایله وداعلاشدیلار. تیراختور یانداشلاری I love you Toni Oliveira و Please come back Toni سسلَییردیلر. تونی آیریلاندا، تیراختورچولارین گؤزیاشی تؤکمه لرینی گؤروب، گؤزلری دولوب دئدی: سیز همشه منیم اورگیمده سیز. تیراختور هر نمنه دن یوخاری دیر. من سیزی هئچ واخت اونوتمارام. ایندی آغلاماق واختی دئییل، من گینه قئییده جَیَم!.[۵]

قایناقلار[دَییشدیر]

  • اینگیلیسجه ویکی‌پدیاسی‌نین ایشلدنلری طرفیندن یارانمیش«António José Conceição Oliveira»، مقاله‌سیندن گؤتورولوبدور. (‏۲۱ آقوست ۲۰۱۵‏ تاریخینده یوْخلانیلیبدیر).