آندریان نیکولایف

آندریان نیکولایف
آندریان نیکولایف
	آندریان نیکولایف 1976 دا
اوزایچی
میلیت	چوواش تورکو
دوْغوم	۵ سپتامبر ۱۹۲۹; شورشلی, چواشستان, شوروی
اؤلوم	۰۳ جولای ۲۰۰۴ (۷۴ یاش); چبوک‌ساری , چواشستان, روسیه فدراسیونو
Other names	آندریان گریگوریویچ نیلولایف
Other occupation	اوزایچی ، پیلوت
روتبه	ژنرال مایور
فضایی اۇچوش بوْیو	21d 15h 20m
سئچیلمه	Air Force Group 1
ماموریتلر	ووْستوْک 3, سایوُز 9
ماموریت علامتی

آندریان گریگوریویچ نیکولایف (چوواش و روس: Андриян Григорьевич Николаев؛ ۵ سپتامبر ۱۹۲۹ - ۳ ژوئیه ۲۰۰۴) چوواش منشأ‌لی شوروی اوزایچیسی. نیکولایف اوزایا گئدن اوچونجو شخص و تورک منشأ‌لی ایلک اوزایچی‌دیر.

نیکولایف ایکی اوزای اوچوشدا ایشتیراک ائتدی: ووْستوْک ۳ و سایوُز ۹. بو مأموریت‌لرین چاغری کوْدو شاهین ایدی (روس. Со́кол). هر ایکی اوچوشدا دا اوزایدا ان اوزون قالما رکوردلارینی قیردی. ووْستوک ۲ و سایوُز ۸ مأموریت‌لرینده احتیاط اوزایچی کیمی ده خیدمت ائتمیشدیر. ۲۲ ژانویه ۱۹۶۹-جو ایلده نیکولایف شوروی ظابیطی ویکتور ایلیین طرفیندن لئونید برژنفه ائدیلن سوی-قصددن قورتولدو. ۲۶ ژانویه ۱۹۸۲-جی ایلده اوزایچی‌لیقدان آیریلدی.

۱۹۶۲-جی ایلین آقوست آییندا ووْستوک ۳ مأموریتینده نیکولایف، پاوئل پوپوویچین رهبرلیگی آلتیندا ووْستوک ۴ ایله بیرلیک‌ده ایلک ایکی واسطه‌لیک اوزای اوچوشو حیاتا کئچیردی.

اوزای اوچوشونون ایلک زامان‌لاریندا اوزای‌آدامی آدای‌لاری، تکلیگه نه قدر داوام گتیره بیله‌جکلرینی گؤرمک اوچون تجرید اوتاق‌لارینا بوراخیلیردی. آدای‌لار بو اوتاق‌لاردا ساعتا باخماق ایمکانی اولمادان موطلق سوکوت ایچینده اوتورمالی‌ایدیلر. آدای‌لارین چوخو بو سیناقدا اوغورسوز اولوردولار. نیکولایف بو سیناقدان ان اوزون مودت (دؤرد گون) دایانان اولدو و دمیر آدام لقبینی آلدی.

۳ نووامبر ۱۹۶۳-جو ایلده ایلک قادین اوزایچی اولان والنتینا ترِشکووا ایله ائولندی. ائولی‌لیگی کورلانمادان اوّل بیر قیزی (النا آندریونووا) وار ایدی. ۱۹۸۲-جی ایلده آیریلدیلار.

آندریان نیکولایف؛ لنین اوردنی، قیرمیزی اولدوز اوردنی، خاریجی اؤلکه‌لرین موختلیف مدال‌لاری و نیشان‌لاری ایله تلطیف ائدیلمیشدیر. بولغاریستانین سوسیالیست ایشچی قهر‌مانی، ویتنامین ایشچی قهر‌مانی و موغولوستان قهرمانی اعلان ائدیلدی. آیداکی نیکولایف کراتِری اونون آدینی داشیییر.

نیکولایف ۲۰۰۴-جو ایلده چوواشستانین پایتاختی چبوک‌ساری‌دا اورک توتماسیندان اؤلدو. اؤلوموندن سونرا موسکودا یاشایان قیزی‌نین Zvyozdny gorodok (اولدوز شهر) قبرستان‌لیغیندا دفن اولونماسینی طلب ائتدی. لاکین چوواشستان پرزیدنتی نیکولایف‌ین اؤلکه‌سینده دفن اولونماسینی ایسته‌دی. نهایت، چبوک‌ساری‌دا کئچیریلن بیر مراسیمدن سونرا نیکولایف آنادان اولدوغو شورشِلی کندینده دفن ائدیلدی.

قالری[دَییشدیر]

قایناق[دَییشدیر]

اینگلیس و تورک ویکی پدیالاری