اؤزگه (رومان)

ویکی‌پدیا، آچیق بیلیک‌لیک‌دن
یابانچی (اؤزگه، یاد)
Camus23.jpg
یازار: آلبر کامو
ژانر: رومان
اورژینال دیلی: فرانسه دیلی
اؤلکه: فرانسه
رسام: Jack Walser

یابانچی آلبر کامونون ادبیات ساحه‌سینده ان اونملی کیتابی‌دیر. بو رومان ایلک دفعه ۱۹۴۲-اینجی ایلده یاییلیب‌دیر.

موضوع[دَییشدیر]

رومانین موضوع‌سو چوْخ ساده‌دیر. رومان‌داکی هر شئي چوْخ قێسا بیر زامان آرالیغیندا اوْلوب بیتير. الجزایرده، بیر تصادوف نتیجه‌سینده، بیر عربی اؤلدورن اوْرتا طبقه‌دن بیر فرانسه‌لی، مئرساولت Mersault، اؤزونو آددیم-آددیم اؤلومه آپاران مدتی لاقئيد شکیلده ایزلر. دیگر شخصلرین آدی خاطیرلانسا دا، روْمان قهرمانی‌نین آدینی اؤیره‌نه بیلمیرسیز (بۇرادا کافکا تأثیریندن سؤز گئده بیلر). کامونون يابانچیسی‌نین(استانبول تورکجه‌سینده: یابانجی) يابانچيلاشماسینی اؤز آغیزیندان بئله گوستریلیر؛ 'يعنی بۇ ایشین منیم خاریجیمده گؤرولور کیمی بیر حالی واردی. هر شئي، من قاریشمادان اوْلوب بیتیردی، آلین‌یازیم منه سوْروشولمادان تعیین اوْلونوردو (...) ياخشی دۆشونونجه دئيیله‌جک بیر شئيیم اوْلمادیغینی آنلاماقدايدیم. اؤز اؤزومو سئير ائدن کیمی بیر حیصه قاپیلدیم. "کیتابدا، مئورساولتون جمعیته، اؤزونه، اؤلومو بئله قبول ائده بیله‌جک قدر حیاتا، قێساجاسی بۆتون يارانمايا خاریجیلشمه‌سی ساده بیر دیلله ایضاح ائدیلیر. کیتابین تورکیه‌ده "yabancı" آذربایجان جومهوریتینده "yad" و "yabançı" آدلاریلا فرقلی نشرلری اولدوغو حالدا ایران دا ایسه ان سون نشری باتی آذربایجانین اورمو شهرینده بوتا یایین ائوی طرفیندن اولموشدور. بو کیتاب "یابانچی" آدی ایله موعاصیر یازیچی حسین واحدی طرفیندن ترجومه و نشره بوراخیلمیشدیر. [۱]

قایناقلار[دَییشدیر]