اسماعیل جعفرپور
| اسماعیل جعفرپور | |
|---|---|
| دوْغوم تاریخی | 5 مارس 1925 سالماس صدقیان |
| اؤلوم تاریخی | 18 فوریه 1977 باکی |
| پئشه | یازیچی |
| یازیچیلیق ساحه‌سینین شوهرتی | وطن اوغروندا جاندان کئچن اؤلمز |
| تاثیر قویموش | {{{تاثیر قویموش}}} |
اسماعیل جعفرپور — آذربایجانلی شرقشوناس، شاعیر.[۱]آذربایجان میلّی حؤکومتی دؤورونده پارتیزان دسته‌سی‌نین باشچیسی، سالماس شهری‌نین حربی فرماندهی، سالماس و تبریز شهرلرینده پولیس رئیسی تعیین ائدیلمیشدیر. فعالیتینه گؤره " 21 آذر " مدالی ایله تلطیف ائدیلیب. آذربایجان میلّی حؤکومتی سوقوط ائتدیکدن سونرا باکی‌یا کؤچوب باکی دؤولت بیلیم‌یوردونون شرقشوناسلیق فاکولته‌سینی بیتیریب. بورادا علمی و ادبی فعالیتله مشغول اولوب.[۲]
یاشاییشی[دَییشدیر]
اسماعیل قهرمان اوغلو جعفرپور 1925-جی ایل مارسین 5-ده سالماس ماحالی‌نین صدقیان کندینده آنادان اولوب. 1942-جی ایلده توده حیزبینه داخیل اولوب، سالماس شهرینده تبلیغات شؤعبه‌سینده فعالیت گؤستریب. سونرادان پارتیزان دسته‌سی‌نین ترکیبینده فعالیت گؤستریب.[۳]آذربایجان میلّی حؤکومتی دؤورونده پارتیزان دسته‌سی نین رئیسی، سالماس شهری‌نین حربی فرماندهی اولوب.[۴] اینقیلابی فعالیتینه گؤره " 21 آذر " مدالی ایله تلطیف ائدیلیب. ستوان روتبه‌سی آلدیقدان سونرا سالماس شهر میلیس رئیسی تعیین اولونوب. 1945-جی ایلین سونوندا ایسه تبریز شهر میلیس ایداره سی‌نین رئیسی تعیین ائدیلیب. آذربایجان میلّی حؤکومتی داغیلدیقدان سونرا ایسه شومالی آذربایجانا کؤچوب. بورادا 1947-جی ایلده دیشچی‌لیک مکتبینی، 1956-جی ایلده ایسه باکی دؤولت بیلیم‌یوردونون شرقشوناسلیق فاکولته‌سینی بیتیریب.[۲]
1977-جی ایل فوریه‌نین 18-ده باکی‌دا وفات ائدیب.[۵]
یارادیجی‌لیغی[دَییشدیر]
ادبی فعالیته 1948-جی ایلدن باشلاییب. ایلک شعرلر مجموعه‌سی "قهرمانین دوشونجه‌لری" 1956-جی ایلده آذرنشرده چاپ ائدیلیب. 1956–1958-جی ایللرده "آذربایجان" قزئتی‌نین خوصوصی موخبیری اولموش، سونرادان موسکودا م.قورکی آدینا دونیا ادبیاتی اینستیتوتوندا تحصیل آلیب. او هم ده، آذربایجان دموکراتیک فیرقه‌سی‌نین اورقانی اولان "آذربایجان" قزئتینده بدیعی ادبیات شؤعبه‌سی‌نین مودیری ایشله‌ییب.[۲]
قایناق‌لار[دَییشدیر]
- ^ Tərtib edən və məsul redaktor: Səməd Bayramzadə."21 Azər – 70" fotoalbom (şərhlərlə) (PDF). Bakı: “Araz” nəşriyyatı. 2015. səh. 95. ISBN 978-9952-8285-3-5.
- ^ ۲٫۰ ۲٫۱ ۲٫۲ Teymur Əhmədov. XX əsr Azərbaycan yazıçıları.Bakı: Nurlar nəşriyyatı. 2004. səh. 451-452.
- ^ Şahin Bağırov. "Bir saxtakarlığın izi ilə: Güneyli generalı tarixdən silməyə çalışanlar - V YAZI" (az.). Archived 2022-03-09 at the Wayback Machine. cebhe.info.
- ^ Miyanalı Əlirza, Lütfəli Ərdəbili. İnqilabi hərəkatımızın silahlı qüvvələri (PDF). achiq.net. səh. 3.
- ^ Vüqar Orxan. "Xatirə təqvimi 3-5 mart" (az.). medeniyyet.az