بالاش آذراوغلو
| بالاش آذراوغلو | |
|---|---|
 | |
| آد | بالاش آذراوغلو |
| قیسا بیلگی | آذربایجانین تانینمیش و آدلیم شاعیرلریندندیر |
| دوْغوم تاریخ | ۱۱ نوامبر ۱۹۲۱ باکی |
| اؤلوم تاریخ | ۲۴ آوریل ۲۰۱۱ (۸۹ یاشیندا) باکی |
| آیری آدلار | بالاش آبی زاده |
| تحصیل | فیلولوژی |
| ایش | شاعیر-یازیچی |
| حیات یوْلداشی | مدینه گلگون |
بالاش آذراوغلو آدی ایله تانینان بالاش آبی زاده آذربایجانین تانینمیش و آدلیم شاعیرلریندندیر. ۱۹۲۱ م. (۱۳۰۰ گ.) ایلینده باکی شهرینده دونیایا گلدی. ۱۶ یاشی اولاراق اردبیل شهرینه گلدی. ۱۳۲۵-جی ایل میلّی حوکومتین سوقوطوندان سونرا باکی شهرینه قاییدیب فیلولوژی ریشته سینده تحصیلین قورتاردیر. ۲۰۱۱-جی ایلده شاعیر دونیاسین دَییشدی.[۱] ۱۳۲۱-جی ایلده حزب توده ایراندا عضو اولدو. بالاش آذراوغلو ۱۳۲۲-جی ایلده اردبیلده قورولان 'ضدفاشیست جمعیتی‌نین' قوروجولاریندان اولاراق جمعیتین یایدیغی 'ضدفاشیست' آدیندا هفته لیگی ۱۳۲۴-جو ایلیین مئی آیینا قدر رداکته ائدیردی. ۱۳۲۵-جی ایلده گرمی بؤلگه‌سیندن میلّی مجلیسه نماینده سئچیلدی. ۱۳۲۵-جی ایلده تهران شهرینده ایران یازیچیلاری‌نین بیرینجی قورولتاییندا جنوبی آذربایجان شاعیرلری طرفیندن ایشتیراک ائتمیشدیر. ۱۳۲۸-جی ایلدن شاعیر آذربایجان یازیچیلار جمیعیتی‌نین صدری سئچیلمیشدیر.[۲]
یارادیجیلیغی
[دَییشدیر]بالاش آذراوغلونون ایلک شعری غربه گونش دوغرو باشلیغی ایله تبریز شهرینده یاییلان وطن یولوندا روزنامه سینده یاییلمیشدی. شاعیر ضدفاشیست و جودت کیمی درگیلرین رداکتورو اولموشدور. بو درگیلردن علاوه آذربایجان، ینی شرق، شفق، دموکرات درگیلرینده ده شعرلرین یاییردی.
یاییلان کیتابلاری
[دَییشدیر]- شعرلر
- منیم گونشیم
- ساوالان
- وطن تورپاغیندا
- مبارزه ایللری
- حافظین قبری اوسته
- منیم نغمه لریم
- سحر شفقلری
روس دیلینده ده ایکی کیتابی چاپ اولونموشدور.
آنادیلی آدلی بیر شعری
[دَییشدیر]بیرگون اسیر دوشموش بیر قهرمانی
سورغویا، سؤالا چکنده جللاد
سیزین الینیزده اؤلمرم دئدی -
منی زامان- زامان یاشادار حیات...
دئدیلر: گؤزونو اویاریق سنین،
گؤره بیلمزسن
دئدی: یاشارام
دئدیلر: قولونو قیراریق سنین،
سیلاحین، کسرین دوشر الیندن
دئدی: یاشارام
دئدیلر: قیچینا کونده ووراریق،
گزه بیلمزسن
باشیندا ائله بیر تونقال قوراریق
دؤزه بیلمزسن
دئدی: یاشارام
دئدیلر: نه یین وار آپاراریق بیز،
بیرده کئچمیشینه دؤنه بیلمزسن
دئدی: یاشارام!
دئدیلر: دیلینی قوپاراریق بیز،
.دانیشا بیلمزسن، دینه بیلمزسن
سوسدو قهرمان،
نه یاشارام دئدی،
نه اؤللم دئدی.
سؤیله دی: نه بیلسن ائله، ای جلاد!
دوران سنیندیر،
دیوان سنیندیر...
بالاش رومانلاردا
[دَییشدیر]بالاش، اردبیللی یازیچی، محمدرضا بایرامی نین یاشیل باغین اؤلولری آدلی رومانیندا، شخصیتلریندن بیریسی دیر.
قایناقلار
[دَییشدیر]- ^ کاظم نظری بقا (۱ ارديبهشت ۱۳۹۲). بالاش آبی زاده (آذراوغلو) (فارسجا). شعرانه. یوخلانیلیب ۵ اوکتوبر ۲۰۱۵.
- ^
{{cite book}}: Empty citation (کؤمک)