بایرام یئلی
بایرام یئلی یا وعده یئلی آذربایجاندا، بایرامدان قاباق اسـَن یئل دیر. بو یئلین اسمه‌سی اؤنملی بیر حادیثه سانیلیر. آذربایجان فولکلوروندا، بو یئلین اسمه‌سیندن اون‌یئددی گون سونرا ایلین تحویلی (کؤهنه ایلین تزه ایله دَییشیلمه‌سی) سانیلار. اونا گؤره ده، اونو "بایرام یئلی" و یا "وعده یئلی" (موژده وئرن یئل) آدلاندیریرلار.
بایرام یئلی فولکلوردا
[دَییشدیر]بایرام یئلی‌نین، باشقا یئل‌لر (آغ‌یئل و مئه) کیمی اولسون دئیه، معیّن بیر کاراکـتئری یوخ دیر آنجاق اونون حادیثه‌لنمه‌سی اؤنملی ساییلار. نيیه‌کی، قاسیرغالی اودوقدا هرزادی دَییشـَر. خالق اینانیر کی، بو یئل اسنده "حلال اوشومز آما حرام اوشویـَر" (حلال أتلی حئیوان‌لار اوشومز آما حرام اتلی حئیوان‌لار اوشویر.) انسان دا حرام اتلی اولدوغو اۆچون بو یئل اسنده اوشویـَر.
بایرام یئلی آذربایجان ادبیاتیندا
[دَییشدیر]بورادا، اؤرنک اولاراق، شهریارین حئیدرباباسیندان بیر بند وئریلیر:
"بایرام یئلی چارداخ‌لاری ییخاندا
نوروزگولو قارچیچه‌یی چیخاندا
آغ بولودلار کؤینک‌لرین سیخاندا
بیزدن ده بیر یاد ائلیـیه‌ن ساغ اولسون
دردلریمیز قوی دیکـَلسین داغ اولسون" [۱]
همچینین باخین
[دَییشدیر]قایناق‌لار
[دَییشدیر]- ^ حئدربابایا سالام، ۳ـجو بند، شهریار.