بریتانیا هیندوستانی

Crown Rule or Direct Rule British Raj راج اینگیلیس یا بریتانیا هیندوستانی
→ ۱۸۵۸–۱۹۴۷ ←
بایراق نشان نظامی
پایتخت	بیلینمز
دیل(لر)	هیندی دیلی اینگیلیسی اردو
دولت	نامشخص
پادشاہِ ھیندوستان
- ۱۸۵۸-۱۹۰۱	ویکتوریا
- ۱۹۰۱-۱۹۱۰	یدینجی ادوارد
- ۱۹۱۰-۱۹۳۶	بشینجی جورج
تاریخچه
- قۇرولوش	۲ اوت ۱۸۵۸
- ییٛخیلیش	۱۵ اوت ۱۹۴۷

بریتانیا هیندوستانی (British Raj) - جنوبی آسیادا (ایندیکی هیندوستان، پاکیستان، بنقلادش) XVIII عصرین اورتالارین‌دان ۱۸۵۸-نجی ایله‌دک شرقی-هیند شیرکتینین، سوْنرا ایسه ۱۹۴۷-نجی ایله‌دک بریتانیا ایمپیراتورلوغونون حاکمیتین‌ده اوْلان اراضی.

حاقین‌دا

بریتانیا هیندوستانی‌نین ترکیبینه ۱۷۹۶-۱۸۰۲-نجی ایللرده سئیلون (ایندیکی شری-لانکا)؛ ۱۸۲۶، ۱۸۵۲ و ۱۸۸۵-نجی ایللرده اراضی‌سینین تدریجه‌ن ایشغالی نتیجه‌سین‌ده ۱۹۳۵-نجی ایله‌دک بیرما (ایندیکی میانمار)؛ ۱۸۳۹-۱۹۳۷-نجی ایللرده ادن؛ ۱۸۱۱-۱۸۱۴-نجو ایللرده یاوا؛ بؤیوک بریتانیانین مالاییا و سینقاپورداکی مولکلری (ایسترئیتس-سئتلمئنتس، ۱۸۲۶-۱۸۶۷) داخیل ائدیلیردی. ۱۸۵۸-جی ایلده شرقی-هیند شیرکتی لغو ائدیلدی و بریتانیا هیندوستانی بیلاواسیطه بؤیوک بریتانیا کرالیچاسی ویکتورییایا تابع اوْلدو. ۱۸۷۶-نجی ایلده ویکتورییا هیندوستان ایمپئراتریچه‌سی اعلان ائدیلدی. بریتانیا هیندوستانی لندنداکی هیندوستان مسئله‌لری اوزره ایستاتس-کاتیب (ناظر) و کلکتهده‌کی (۱۹۱۱-نجی ایلده‌ن دهلیده‌کی) گئنئرال-قوبئرناتور (ویتسئ-کرال) طرفین‌دن ایداره اوْلونوردو. او، موستقیل دؤولتین بعضی آتریبوتلارینا (حؤکومت، بودجه، اوردو) و قانونوئریجی مجلیسه (۱۹۱۹-نجو ایلده‌ن) مالیک ایدی. بریتانیا هیندوستانی‌نین بوتون ساکینلرینین ایرقین‌دن، میلّیتین‌دن، و دینین‌دن آسیلی اولمایاراق ایداره‌چی‌لیک‌ده و محکمه‌ده برابرلیگی رسماً اعلان ائدیلیردی. بریتانیا هیندوستانی ۱۹۱۹-۱۹۴۶-نجی ایللرده میللتلر جمعیتینین عضوو اولموش‌دور.

قایناقلار

• آذربایجان میلّی ائنسیکلوپئ‌دییاسی. ۴-نجو جیلد. باکی، ۲۰۱۳. ص ۵۶۹.