بوش‌کند

ویکی‌پدیا، آچیق بیلیک‌لیک‌دن
پرش به ناوبری پرش به جستجو
برلین، نوادا اوستانینده بیر بوش‌کند دیر
پلیموت، مونتسرات دا بیر سیاسی محدوده نین "باشکند"ی ساییلان "بوش‌کند" دیر.

بوش‌کند ، یا روحلار کندی (اینگیلیسجه. Ghost town، آنادولو تورکجه سی. Hayalet kasaba، فارسجا. شهر متروکه) ایقتیصاد، سیاست، ساواشما، قیتلیق و آؽری طبیعی ایتفاقلارا گؤره بوتون اهالیسی کؤچموش و بوشالدیلان بیر کند، شهر و یا تیکینتیلر بؤلومونه دئییلیر.  شهرلرین بوشالماسینین آیری اهمیتلی سبب‌لری کیمی کوتلَوی مریضلیک‌لری میثال گؤسترمک اولار. تئرمین کیمی اهالی‌نین سایی کوتلوی شکیلده آزالان شهرلره ده عایید ائدیلیر. اصیل بوش‌کند یئرلی اهالی طرفین‌دن تامامیله بوشالدیلمیش شهرلردیر. بونا مثال اولاراق، کالیفورنیاداکی بودی شهرینی، یا مونتانا اوستانینده یئرلشن باناک و ایتالیاداکی کراکو شهرینی گؤسترمک اولار. چاغداش عصرده بوش‌کندلر  توریست‌لرین ان چوخ زیارت ائتدیک‌لری یئرلردن‌دیر. آنجاق بعضی شهرلره گیرمک خطرلی، حتی یاسالارا قارشی حیساب اولونور. بونلارا مثال اولاراق اوکراین اراضیسنده یئرلشن چرنوبیل و یا پریپیات شهرلرینی گؤسترمک اولار.

اکینچیلیک یئرلری صنعنتلشدیریرکن کیچیک مزرعه لرده کی بالاجا کندلرده بوشالیر
قوزئی تورک قیبریسی 1974 ایلینده تورکیه طرفیندن آزاد اولاندان سونرا، وارشوا کندی بوشالیب تکجه بیر توریست آلانی اولدو
کراکو ایتالیا دا 1963جی ایلده یئر سوروشمه سینه گینه گؤه بوشالدی، و ایندی فیلملرده قوللانیلیر
پریپیات اوکراینین قوزئیینده بلاروس سینیریندا چرنوبیل فاجیعه سینه گؤره رادیو اکتیو ماده لرین یاییلانماسینا گؤره بوشالدی
رریک وست بوش‌کند آلمانین مکلنبورگ بؤلگه سینده قیزیل اوردوسو طرفیندن 1992 جی ایلده آمونیاک زهرلنمه سینه گؤره ایچینه گیریلمز دوروموندادیر

آذربایجان[دَییشدیر]

آذربایجان جومهوریتی اراضی‌سینده بیر نئچه بوش‌کند واردیر. بونلار ائرمنی‌لرین آذربایجان قاراباغ تورپاقلارینی ایشغال ائتمه‌سی نتیجه‌سینده یارانمیش‌دیر. ایندی بوتون دونیا طرفین‌دن تانینان یالنیز بیر شهر مؤوجوددور. بو آغدام شهری‌دیر. شهر 1993-جو ایل جولایین 23-ده ایشغال اولونموش و یئرلی اهالی شهردن زورلا قووولموش‌دور. اینسان حاقلارینی گؤزلمک (هیومن رایتس واچ) قورومونون 1994-جو ایله عایید حیساباتیندا ائرمنی‌لرین آغدام شهرینی هئچ بیر لوزوم اولمادان داغیتمالاری باره‌ده بیلگی وئریلمیش‌دیر.

کولمانسکوپ، نامیبیا
دانوشکودی دمیرلولو دوراغی قالینتی سی هیندوستاندا
بریتانیانین دسپشین آداسینین والرز کؤرفزی ساحیلینده دوزلتمیش اوتراق یئری وولقان پارتلامالارینا گؤره بوشادیلدی
اورادور- سو - ژلان ، فرانسه ده آلمان سوی قیریمیندان سونرا بوش قالیب
روبسارت مریضخاناسی، کانادا نین ساسکاچوانینداکی بیر بوش‌کند ده
باناک، مونتانا دا بیر بوش‌کند ایدی. ایندی بیر اوستان پارکی اولوب
کوک بانک تیکینتی سی ریولیت، نوادا دا
1881 آسسای تیکینتی سی ویکنبورگ آریزونا اوستانینده بیر معدن قازماق کمپی ایدی  

قایناقلار[دَییشدیر]

  • اینگیلیسجه و تورکجه ویکی‌پدیا صفحه‌لری