جاهان

ویکی‌پدیا، آچیق بیلیک‌لیک‌دن
پرش به ناوبری پرش به جستجو

جاهان ـ آذربایجان جمهوریتینده یاییملانان دوشونجه و اینجه‌صنت درگیسی.

حاقّیندا[دَییشدیر]

آذربایجانلی یازار حمید هئریسچی جاهان درگیسی باره‌ده یازیر: سید جعفر پیشه‌­وری سیاسیتده میلّی قوروجولوق ایش­لرینه باشلادیغی کیمی شهریار دا شعر صنعتینده میلّی آذربایجان ادبیاتینی قوراراق اسکی فولکلوروموزو ایدئولوگییا سویه­سینه قالدیرماق ایسته­دی. و سون نتیجه­ده باکی ادبی محیطینه اؤز ایدئولوگییاسینی آشیلادی.

منجه آرتیق بو دؤورون سونو گلمیش‌دی. بیز صنعتده آرتیق میلّییی دئییل بشری­لییی، تبلیغ ائتمه­لییک. 50 ایل اؤنجه اولدوغو کیمی، بو یئنی ایدئولوگییانی آذربایجانا باکی دئییل، یئنه ده تبریز وئره­جک. ایواز طاهانین اوخوجولارا تقدیم ائتدیی«من بئله دوشونورم» اثری، منجه بو عامیلین ایلک قارانقوش­لاریندان­دیر. شرطی اولاراق همین اثره «حیدربابایا ساغ اول [خداحافظ]» آدینی وئره­ردیم. من ایواز طاهانی اون ایل اؤنجه تانیمیشام. «جاهان» آدلی بیر درگی بوراخاراق دونیا ادبیاتی‌نین ان آپاریجی فلسفی نظریه­لرینی ترجومه ائده­رک آذربایجان اوخوجوسونا تبلیغ ائدیردی. دیققت ائدین، درگی­نین آدی «وطن» دئییل، محض «جاهان» ایدی. ایواز طاها بونونلا ایدئولوگییامیزدا کؤکلو دییشیک­لیک آپارماق، میلّی­لییی بشری­لیک­له زنگینلشدیرمک ایسته­ییردی.

ایواز طاهانین اثری، منجه باخ بونلارا کؤکله­نیب. موللیف جاهانی، بشری­لییی آذربایجان ادبیاتی­نین ایدئولوگییاسینا گتیرمک ایسته­ییر. ایسته­ییر کی، مشدی عیباد گوزگویه باخیب اوردا اؤزونو تانیسین و گؤرسون کی، آرتیق نوروز بایرام­لاری‌نین کوساسی کیمی کئچل­دیر. کوسانی ایسه همیشه پایینی وئریب یولا سالماق لازیم‌دیر.

قایناق‌لار[دَییشدیر]