حاجی‌بابا حسین‌اوو

ویکی‌پدیا، آچیق بیلیک‌لیک‌دن
پرش به ناوبری پرش به جستجو
حاجی‌بابا حسین‌اوْو
دوْغوم آدی حاجی‌بابا حسینعلی اوْغلو حسین‌اوْو
لقب حاجی‌بابا حسین‌اوْو
دوْغوم ۱۵ مارس ۱۹۱۹
باکی, آذربایجان دئموکراتیک جومهوریتیآذربایجان جومهوریتی
کؤک آذربایجان جومهوریتیآذربایجان جومهوریتی
اؤلوم ۲۴ اوْکتوبر ۱۹۹۳ میلادی (۷۴ یاش)
باکی،آذربایجان شوروی سوسیالیست جومهوریتی Flag of the Azerbaijan Soviet Socialist Republic (1956–1991).svg
ژانر موغام
ایش(لر) مۆغنی
سازلار اوْخوماق، قاوال
چالیشما ایللری ۱۹۳۸–۱۹۹۳
علاقه‌لی اکتلر سارا قدیم‌اوْوا، قدیر رۆستم‌اوْو

حاجی‌بابا حسینعلی اوْغلو حسین‌اوْو (۱۵ مارس ۱۹۱۹ - ۲۴ دسامبر ۱۹۹۳) - اوْخویان (مۆغننی)٬ آذربایجان خالق آرتیستی.

یاشاییشی[دَییشدیر]

حاجی‌بابا حسین‌اوْو ۱۵ مارس ۱۹۱۹-جو ایلده باکی شهرینده، دنیزچی حسینعلی حاجی‌بابا اوْغلونون عائیله‌سینده آنادان اوْلموشدور. ائرکن یاشلاریندا مسجیدلرده، یاس مجلیس‌لرده نوحه و مرثیه سؤیله‌ییرمیش.[۱] ۱۹۳۸-جی ایلده زۆلفۆ آدی‌گؤزل‌اوْوون قرامافون واللارینی الده ائدن حاجی‌بابا، زۆلفۆنۆن اوْخودوقلارینی تکرار ائدیب اوْنو یانسیلاییرمیش.

۱۹۴۱-جی ایلده، بؤیۆک وطن ساواشی‌نین باشلاماسی ایله، گنج حاجی‌بابا٬ موغام اوْخوماغا آرا وئریب «پارکوْممونا» کارخاناسیندا توْرناچی (تراش‌کار) اوْلاراق ایشله‌مه‌گه باشلاییر. ۱۹۴۵-جی ایلده ساواش بیتن‌دن سوْنرا، حاجی‌بابا حسین‌اوْو'ون بالدیزی اوْلان تانینمیش اوْخویان سارا خانیم قدیم‌اوْوا، حاجی‌بابانی گؤرکملی پئداقوْق، تارزن احمد باکی‌خانوْولا تانیش ائدیر. احمد مۆعللیم گنج حاجی‌بابانی اؤز آنسامبلیندا ایشه گتیریر. حاجی‌بابا ۳ ایل بو آنسامبلدا چالیشمیشدیر.حاجی‌بابا حسین‌اوْو گۆجلۆ حافیظه‌سینه دایاناراق، ائشیتدیگی دینی موسیقی اؤرنک‌لرینی، موغاملاری دریندن منیمسه‌میش، عَروض وزنی‌نین یاسالارینی (قایدالارینی) منیمسه‌یه‌رک غزللر یازماغا باشلامیشدیر.

۱۹۶۳-جۆ ایلده، زۆلفۆ آدی‌گؤزل‌اوْوون اؤلۆمۆندن سوْنرا، احمد باکی‌خانوْو حاجی‌بابا حسین‌اوْوو آذربایجان دؤولت موسیقی مکتبینده موغامات درس دئمه‌گه چاغیریر. حاجی‌بابا حسین‌اوْو عؤمرۆنۆن سوْنونا کیمی، ۳۰ ایل ایچینده بو مکتبده درس دئمیش اوْخویانلار یئتیشدیرمیشدیر.حاجی‌بابا حسین‌اوْوون اؤیرنجی‌لرینین آراسیندا نزاکت ممدوْوا، قدیر رۆستم‌اوْو، سخاوت ممدوْو، تئیمور موصطافایئو، ضابیط نبی‌زاده کیمین گؤرکملی صنعتکارلاری آد آپارماق اوْلار.

حاجی‌بابا حسین‌اوْو موغامدا اوْخونان راست موغامینین عششاق، حسینی، نوروز-رَوَنده و شهناز موغامیندا اوْلان شاه خطایی شعبه‌لرینین ایلک ایفاچیسی اوْلوب. حاجی‌بابانین اؤن‌آیاق اوْلماسی ایله، بایات-ی شیراز موغامینین دلروبا شعبه‌سی درسلیگه آرتیریلیب.

حاجی‌بابا حسین‌اوْو ۱۹ مارس ۱۹۸۹-جو ایلده، آذربایجان امکدار آرتیستی فخری آدینی و ۱۹۹۰-جی ایلین اوْکتوْبر آییندا آذربایجان خالق آرتیستی فخری آدینی قازانمیشدیر.

حاجی‌بابا حسین‌اوْو ۱۹۸۹-جو ایلده، ۷۰ ایللیک یوبیلئییندن سوْنرا، بؤیۆک بیر موسیقی‌چی و ضیالی هئیت ایله ایلک دفعه خاریجی سفره، عراق سفرینه گئدیر. ۱۹۹۰-جی ایلده تۆرکیه‌نین آدانا شهرینه، ۱۹۹۱-جی ایلده بیر آی ایچینده، فرانسا، بلژیک، سوئد و هولندده کوْنسئرتلر وئریر. ۱۹۹۲-جی ایلده ۱۲ نفرلیک موسیقی‌چی هئیأتی ایله، ۲ آیدان آرتیق ایراندا اوْلور و یاددا قالان ایفالار ائدیر. 

حاجی‌بابا حسین‌اوْو ۲۴ اوْکتوْبر ۱۹۹۳-جۆ ایلده سومقاییت شهرینده دۆنیاسینی دگیشمیشدیر. مرحوم پرزیدنت حئیدر علی‌یئوین گؤستریشی ایله، حاجی‌بابا حسین‌اوْو ۲۶ اوْکتوْبر ۱۹۹۳-جۆ ایلده بیرینجی فخری خیاباندا توْپراغا تاپشیریلیب.[۲]

فیلموقرافی[دَییشدیر]

  1. اوْجاق باشی (فیلم، ۱۹۹۰)
  2. قاییدیش (فیلم، ۱۹۹۲)
  3. «حاجی ماییل» ناغیلی... (فیلم، ۲۰۰۵)
  4. موغامات وار اوْلان یئرده... (فیلم، ۲۰۰۹)

ویدیو[دَییشدیر]

قایناق[دَییشدیر]

  1. http://mugam.musigi-dunya.az/h/huseynov_hacibaba.html
  2. Hacıbaba Hüseynov - Azərbaycan Vikipediyası