حدیث نجفی
حدیث نجفی Hədis Nəcəfi | |
|---|---|
 | |
| دوغوم | ۱۵ دئی ۱۳۷۸ |
| اؤلوم | (۲۲ یاش) کرج، ایران |
| دفن یئری | کرج، بهشت-سکینه قبریستانی، ۲۹-جو قطعه، ۲۵-جی ردیف |
| تانینماق سببی | گۆونلیک گوجلری طرفیندن اؤلدورولمه |
حدیث نجفی (Hədis Nəcəfi) ۱۴۰۱-جی ایلده ایراندا گئدن گؤستریلرده کرجده گولـله آتیشی نتیجه‌سینده حیاتینی ایتیرن آذربایجانلی گنج قیز ایدی. گولـله آتیشی نتیجه‌سینده بد‌نینین موختلیف یئرلریندن یارالاندی و کرجین قائیم آدلی مریض‌خاناسینا آپاریلدیقدان سونرا جانینی الدن وئردی. [۱] [۲] [۳] [۴]
آناسینین بیر ویدئودا[۵] دئدیگینه گؤره بدنینه اوچ گولـله مرمیسی (اورگینه، قارنینا و بوغازینا) و چوخلو ساچما گولـله‌لر دییب. آتا آناسی تورکدور و آذربایجانین میانا شهریندن دیرلر.
یاشامی[دَییشدیر]
حدیث نجفی ۱۵ دئی ۱۳۷۸-جی هیجری شمسی ایلینده کرجده میانادان کؤچموش تورک بیر عائیله‌ده دوغولدو. اؤزوندن بؤیوک اوچ باجیسی و اؤزوندن کیچیک بیر قارداشی وار ایدی. تیکیش و پالتار طرّاحلیغی اوزره دیپلوم مدرکی آلمیشدی و کرج شهرینین مهرشهر محله‌سینین ارم آدلی خیاوانیندا یئرلشن بیر رستوراندا چالیشیردی.
اؤلومو[دَییشدیر]
۱۴۰۱-جی ایلین شهریور و مهر آیلاریندا ایراندا گئدن گؤستریلر عرفه‌سینده حدیث نجفی ده کرجده اولان تظاهوراتدا ایشتیراک ائتدی. بو گؤستریلر مهسا امینینین اؤلوموندن سونرا باش وئرمیشدیر. موخالیفلره عاید ایران وایر خبر سایتینین بیلدیردیگینه گؤره، ۲۱ سپتامبرداکی گؤستریلر سیراسیندا گۆونلیک گوجلرینین ائتدیگی آتیش نتیجه‌سینده بد‌نینین موختلیف یئرلریندن یارالانان ۲۲ یاشلی حدیث نجفی مریضخانایا آپاریلدیقدان سونرا یاشامینی ایتیردی. سوسیال مدیادا یاییلان خبره گؤره، حدیث نجفینین باجیسی اؤلوم خبرینی دوغرولادی. حدیثین تورکجه ماهنیلار سؤیله‌دیگی ویدئو گؤرونتولری سوسیال مدیادا گئنیش شکیلده پایلاشیلیردی. حدیث نجفی اؤلدورولمه‌سیندن بیراز سونرا یالنیشجاسینا بیر ساچینی دالدان باغلایان تظاهوراتچی قیز ایله ایشتیباه دوشدو. باشینین توکونو دالدان باغلایان بو قیز سونرالار حدیث نجفی اولمادیغینی وورغولادی. حدیث نجفینین باجیسی دا ساچینی دالدان باغلایان تظاهوراتچی قیزین حدیث نجفی اولمادیغینی دوغرولادی. [۶] [۷] [۸] [۹]
بیر ده باخ[دَییشدیر]
قایناقلار[دَییشدیر]
- ^ ایران‌داکی گؤستریلرده۲۰ یاشلی حدیث نجفی اؤلدورولدو. ت.ر.ت. تورکی.
- ^ https://www.mirror.co.uk/news/world-news/woman-20-dies-after-being-28086020
- ^ https://newsroompost.com/world/who-was-hadis-najafi-iran-woman-whose-video-of-tying-her-unscarved-hair-back-at-protest-viral-video-killed/5193450.html
- ^ https://observers.france24.com/en/iran-femme-chignon-hadis-najafi-manifestations-voile-islam
- ^ https://www.radiofarda.com/a/iran-protests-victems-hadisnajafi/32055773.html
- ^ https://www.trt.net.tr/persian/yrn/2022/09/26/mrg-hdyth-njfy-20-slh-b-glwlh-mmwrn-yrn-1884404
- ^ https://www.radiozamaneh.com/732566/
- ^ https://www.bbc.com/persian/articles/c9x10xx9rzwo
- ^ https://www.iranintl.com/202209287083